Նիկոլայ Աբալկին

Նիկոլայ Աբալկին
Ծնվել է	հոկտեմբերի 4 (17), 1906
Ծննդավայր	Սամարա, Սամարայի նահանգ, Ռուսական կայսրություն
Վախճանվել է	օգոստոսի 4, 1986(1986-08-04) (79 տարեկան)
Մասնագիտություն	թատերական քննադատ, գրականագետ, լրագրող և գրական քննադատ
Քաղաքացիություն	ԽՍՀՄ և  Ռուսական կայսրություն
Կրթություն	Ռուսաստանի թատերական արվեստի համալսարան
Ժանրեր	Մենագրություն, ակնարկ և Գրախոսություն
Կուսակցություն	ԽՄԿԿ
Պարգևներ

Նիկոլայ Աբալկին (ռուս.՝ Абалкин, Николай Александрович, հոկտեմբերի 4 (17), 1906, Սամարա, Սամարայի նահանգ, Ռուսական կայսրություն - օգոստոսի 4, 1986(1986-08-04)), խորհրդային թատերաքննադատ, գրականագետ և լրագրող։

Կենսագրություն

Ծնվել է 1906 թվականի հոկտեմբերի 4-ին (17), Ռուսական կայսրության Սամարա նահանգի Սամարա քաղաքում։ 1940 թվականին ավարտել է Ռուսաստանի թատերական արվեստի համալսարանի ռեժիսորական բաժինը, ապա որպես ռեժիսոր է աշխատել Սամարայի Մ. Գորկու անվան դրամատիկական թատրոնում։ 1942 թվականին դարձել է Խորհրդային Միության կոմունիստական կուսակցության անդամ։ 1946 թվականին ընդունվել է նոր հիմնադրված ԽՄԿԿ ԿԿ հասարակական գիտությունների ակադեմիա և դարձել է դրա առաջին շրջանավարտներից մեկը (1949)։ Այնուհետև սկսել է աշխատել «Պրավդա» թերթի խմբագրությունում, երկար տարիներ եղել է թերթի փոխտնօրեն, ղեկավարել է գրականության և արվեստի բաժինը։

Մահացել է 1986 թվականին։

Ստեղծագործություններ

Նիկոլայ Աբալկինն իր գրական գործունեությունն սկսել է 1930 թվականին։

Ամսագրերում և թերթերում տպագրված նրա աշխատանքները, հոդվածներն ու ակնարկները նվիրված էին խորհրդային թատրոնի զարգացման հարցերին, նոր ներկայացումներին, ինչպես նաև` իր հայրենի երկրում և արտերկրում կատարած բազմաթիվ այցելություններից և հանդիպումներից ստացած տպավորություններին։ Նա ծանոթ և բարեկամ է եղել բազմաթիվ մշակութային գործիչների հետ, ինչը նյութ է ծառայել նրա հիշողությունների համար («Լավ հիշատակին» 1-ին հրատարակություն, 1971)։

Աբալկինի առաջին` «Ստանիսլավսկու համակարգը և խորհրդային թատրոնը» (1950) գիրքը թարգմանվել է չեխերեն և բուլղարերեն։

Հեղինակի վերջին աշխատանքը դարձել է վրացական գրականությանը նվիրված «Վրաստանի աշխարհը» մենագրությունը, որը տպագրվել է 1985 թվականին Թբիլիսիում։

Մրցանակներ

• Աշխատանքային կարմիր դրոշի 3 շքանշան (04.05.1962, 11.11.1966, 18.10.1976)
• Մեդալներ

Մատենագրություն

• Система Станиславского и советский театр. — М.: Искусство, 1950. — 318 с.
• О творческом методе К. С. Станиславского. — М.: Знание, 1952. — 29 с.
• Кругозор драматурга: заметки театрального критика. — М.: Советский писатель, 1957. — 137 с.
• Художник и революция: творчество Вл. И. Немировича-Данченко в советские годы. — М.: Искусство, 1962. — 298 с.
• В поисках прекрасного: книга о далеких и близких путешествиях. — М.: Советский писатель, 1964. — 233 с.
• Театральные горизонты. — М.: Искусство, 1964. — 363 с.
• Оружие гуманизма. — М.: Советский писатель, 1970. — 189 с.
• На добрую память:: Книга памятных встреч, литературных и житейских воспоминаний. — М.: Молодая гвардия, 1971. — 400 с. (2-е изд. — 1975 — 496 с.)
• Факел Охлопкова. — М.: Советская Россия, 1972. — 174 с.
• Театральная хроника. — М.: Всероссийское театральное общество, 1975. — 393 с.
• Диалог с драматургом. — М.: Советский писатель, 1976. — 287 с.
• Рассказы о театре. — М.: Молодая гвардия, 1981. — 304 с.
• Диалог с актёром. — М.: Всероссийское театральное общество, 1982. — 317 с.
• Мир Грузии. — Тбилиси: Хэловнева, 1985. — 147 с.