Նիկկի Հեյլի

Վիքիպեդիայից՝ ազատ հանրագիտարանից
Jump to navigation Jump to search
Նիկկի Հեյլի
Nikki Haley official portrait.jpg
 
Կուսակցություն՝ ԱՄՆ Հանրապետական կուսակցություն
Կրթություն՝ Քլեմսոնի համալսարան
Մասնագիտություն՝ քաղաքական գործիչ, դիվանագետ և գործարար
Ազգություն Indian American?
Դավանանք մեթոդիզմ
Ծննդյան օր հունվարի 20, 1972(1972-01-20)[1][2][3] (48 տարեկան)
Ծննդավայր Bamberg, Հարավային Կարոլինա, ԱՄՆ
Քաղաքացիություն Flag of the United States.svg ԱՄՆ
Ամուսին Michael Haley?
 
Կայք՝ nikkihaley.com
 
Ինքնագիր Nikki Haley Signature.svg
 
Պարգևներ

honorary doctorate of the University of South Carolina?

Նիմրաթա «Նիկկի» Ռանդխավա Հեյլի (անգլ.՝ Nimrata "Nikki" Randhawa Haley, հունվարի 20, 1972(1972-01-20)[1][2][3], Bamberg, Հարավային Կարոլինա, ԱՄՆ), ամերիկացի քաղաքական գործիչ:

Հանրապետական կուսակցության անդամ է: ՄԱԿ-ում ԱՄՆ մշտական ներկայացուցիչ է եղել 2017 թվականի հունվարի 27-ից մինչև 2018 թվականի դեկտեմբերի 31-ը: Հարավային Կարոլինայի նահանգապետ է եղել 2001 թվականի հունվարի 12-ից մինչև 2017 թվականի հունվարի 24-ը:

2018 թվականի հոկտեմբերի 9-ին Հեյլին խնդրագիր է ներկայացրել ՄԱԿ-ում ԱՄՆ-ի մշտական ներկայացուցչի պաշտոնից հեռանալու մասին, լիազորությունները դադարեցրել է 2018 թվականի դեկտեմբերի 31-ին[4][5]:

Կենսագրություն[խմբագրել | խմբագրել կոդը]

Վաղ տարիներ, կրթություն և կարիերա[խմբագրել | խմբագրել կոդը]

Նիկկի Հեյլին (իրական անունը՝ Նիմրաթա Նիկկի Ռանդհավա[6]) ծնվել է Հարավային Կարոլինայի Բամբերգ քաղաքում, սիկհերի ընտանիքում: Նրա ծնողները՝ դոկտոր Աջիթ Սինգհ Ռանդհավան և Ռաջ Կաուր Ռանդհավան, ներգաղթել են Հնդկաստանի Ամրիցար նահանգից՝ Փենջաբից։ Նա ունի երկու եղբայր՝ Միթի և Չարան, և քույր` Սիմրան: Հեյլին ավարտել է Օրինջբուրգի մասնավոր միջնակարգ դպրոցը, այնուհետև Քլեմսոնի համալսարանում ստացել է հաշվապահական հաշվառման բակալավրի աստիճան[7]:

Հեյլին աշխատել է FCR կորպորացիայում, որն զբաղվում է թափոնների վերամշակմամբ և օգտահանմամբ, որից հետո 1994 թվականին տեղափոխվել է իր մոր Exotica International ֆիրման, որը բարձրորակ հագուստ է արտադրում[8][9][10]: Շուտով ընտանեկան բիզնեսը դարձել Է բազմամիլիոնանոց ընկերություն[10]:

1998 թվականին Հեյլին նշանակվել է Օրինջբուրգ շրջանի առևտրական պալատի տնօրենների խորհրդում, իսկ 2003 թվականին՝ Լեքսինգթոնի առևտրական պալատի տնօրենների խորհրդում[11][10]: Հեյլին դարձել է կին ձեռներեցների ազգային ասոցիացիայի գանձապահը 2003 թվականին և նախագահը` 2004 թվականին[11]: Նա ղեկավարել է Լեքսինգթոնում տեղի հիվանդանոցի համար դրամահավաքի միջոցառումները[10]: Բացի այդ, նա Lexington բժշկական հիմնադրամի, Լեքսինգթոն շրջանի շերիֆի ֆոնդի և Լեքսինգթոնի Ռոտարի-ակումբի անդամ է[12]:

Քաղաքական կարիերա[խմբագրել | խմբագրել կոդը]

2004 թվականին Հեյլին ընտրվել է Հարավային Կարոլինա նահանգի Ներկայացուցիչների պալատ։ Նա դարձել է հնդկական ծագում ունեցող առաջին ամերիկուհին, որն այդ պաշտոնը զբաղեցրել Է Հարավային Կարոլինայի նահանգում[13][14]: Նա վերընտրվել է 2006 թվականին, այնուհետև 2008 թվականին՝ ձայների 83%-ով հաղթելով դեմոկրատ Էդգար Գոմեսին[15][16]: Հեյլին բժշկական, ռազմական, պետական և համայնքային հարցերի հանձնաժողովի քարտուղարն էր:

Հեյլին աբորտների հակառակորդ է և հետևողականորեն քվեարկում է այն օրինագծերի օգտին, որոնք սահմանափակում են աբորտները և պաշտպանում ապագա երեխային[17]: Հեյլին կարծում է, որ պետական կրթության համար հատկացվող միջոցները կարող են ավելի արդյունավետ օգտագործվել: Նա ծրագիր է առաջարկել, որով ուսուցչի աշխատավարձը կորոշվի ոչ միայն ստաժով և որակավորմամբ, այլև` աշխատանքի արտադրողականությամբ: Նրանց որակավորման վարկանիշը պետք է որոշվի ղեկավարների, աշակերտների և ծնողների գնահատականներով և հաշվետվություններով[18]: Հեյլին նաև կողմնակից է հարկերի կրճատմանը և ընտրությունների ժամանակ լուսանկարներով նույնականացման քարտերի պարտադիր օգտագործմանը[19]:

2009 թվականի մայիսի 14-ին Հեյլին հայտարարել էր, որ առաջադրվելու է նահանգի նահանգապետի պաշտոնում[20]: 2010 թվականի նոյեմբերի 2-ին Հեյլին հաղթել է դեմոկրատական կուսակցության թեկնածու Վինսենտ Շիխինին համընդհանուր ընտրություններում՝ հավաքելով ձայների 51 տոկոսը մրցակցի 47 տոկոսի դեմ[21]:

Վերընտրվել է 2014 թվականի նոյեմբերի 4-ին՝ հավաքելով ընտրողների ձայների 55,9 տոկոսը՝ դեմոկրատ մրցակից Վինսենտ Շիխինի 41,4 տոկոսի դիմաց:

2016 թվականի նոյեմբերի 23-ին ԱՄՆ նախագահ Դոնալդ Թրամփը Նիկկի Հեյլիին առաջարկել էր զբաղեցնել ՄԱԿ-ում ԱՄՆ մշտական ներկայացուցչի պաշտոնը[22]: ՄԱԿ-ի Անվտանգության խորհրդում սկզբունքային հարցերի շուրջ Ռուսաստանի կոշտ հակառակորդն է։

2017 թվականի հունվարի 24-ին Սենատը նրան պաշտոնում հաստատել է 96 կողմ, 4 դեմ ձայներով[23]: 2017-ի վերջում ռուս պրանկերներ Լեքսուսը և Վովան (Ալեքսեյ Ստոլյարով և Վլադիմիր Կուզնեցով) զանգահարել և Հեյլիին ներկայացել են Լեհաստանի վարչապետ Մատեուշ Մորավեցկու անունից: Նա նրանց հետ զրույցում համաձայնել է աջակցել գոյություն չունեցող Բինոմո երկրին[24]:

2018 թվականի հոկտեմբերի 9-ին Հեյլին հրաժարական է տվել ՄԱԿ-ում ԱՄՆ-ի մշտական ներկայացուցչի պաշտոնից, լիազորությունները դադարեցրել է 2018 թվականի դեկտեմբերի 31-ին[25]:

Անձնական կյանք[խմբագրել | խմբագրել կոդը]

Հեյլին ծնվել և մեծացել է սիկհական ընտանիքում: 1996 թվականի սեպտեմբերի 6-ին ամուսնացել է Մայքլ Հեյլիի հետ։ Տեղի են ունեցել արարողություններ թե՛ մեթոդիստական եկեղեցում, թե՛ սիկհայի գուրդվարում[26]: Հեյլին իրեն քրիստոնյա է համարում, սակայն ծնողների մշակույթի հանդեպ հարգանքից ելնելով՝ ներկա է լինում է թե՛ մեթոդիստական, թե՛ սիկհական արարողություններին[27][28]:

Մայքլ Հեյլին ԱՄՆ-ի բանակի նախարարության դաշնային ծառայող և Հարավային Կարոլինայի Ազգային գվարդիայի սպա է: Զույգն ունի երկու երեխա, Ռենան և Նալինը[29]: Հեյլիի եղբայրը՝ Միթին, սպա էր և 20 տարի ծառայել է ԱՄՆ բանակում[30]:

Ծանոթագրություններ[խմբագրել | խմբագրել կոդը]

  1. ↑ 1,0 1,1 Person Profile // Internet Movie Database — 1990.
  2. ↑ 2,0 2,1 Encyclopædia Britannica
  3. ↑ 3,0 3,1 Բրոքհաուզի հանրագիտարան
  4. ↑ «Nikki Haley Resigns as U.S. Ambassador to the United Nations» (անգլերեն)։ Վերցված է 2018-10-09 
  5. ↑ «Трамп утвердил отставку постпреда США при ООН Никки Хейли»։ РБК։ Վերցված է 2018-10-09 
  6. ↑ Shaila Dewan; Robbie Brown. (June 13, 2010)։ «All Her Life, Nikki Haley Was the Different One» (անգլերեն)։ The New York Times։ Արխիվացված է օրիգինալից 2012-07-16-ին։ Վերցված է 2012-05-23 
  7. ↑ Gamage Daya. (2010-06-12)։ «Nikki Haley: Daughter of Indian Sikh immigrants destined to be South Carolina Governor» (անգլերեն)։ Asian Tribune։ Արխիվացված է օրիգինալից 2012-07-16-ին։ Վերցված է 2012-05-23 
  8. ↑ «Fcr, Inc» (անգլերեն)։ MANTA։ Արխիվացված է օրիգինալից 2012-07-16-ին։ Վերցված է 2012-05-23 
  9. ↑ «Waste Management & Remediation Services - Charlotte, North Carolina» (անգլերեն)։ Hoovers.com։ Արխիվացված է օրիգինալից 2012-07-16-ին։ Վերցված է 2012-05-23 
  10. ↑ 10,0 10,1 10,2 10,3 Ela Dutt.։ «Nikki Haley in runoff for South Carolina Assembly Republican Primaries» (անգլերեն)։ Indian American Center for Political Awareness։ Արխիվացված է օրիգինալից 2012-08-10-ին։ Վերցված է 2012-05-23 
  11. ↑ 11,0 11,1 «Representative Nikki Randhawa Haley» (անգլերեն)։ South Carolina General Assembly։ Վերցված է 2012-05-23 
  12. ↑ «Representative Nikki Randhawa Haley Bio» (անգլերեն)։ Արխիվացված է օրիգինալից 2004-06-19-ին։ Վերցված է 2012-05-23 
  13. ↑ «Sikh Busimess woman won the run-off election to the South Carolina State Assembly» (անգլերեն)։ NRI Internet։ June 10, 2004։ Արխիվացված է օրիգինալից 2012-07-16-ին։ Վերցված է 2012-05-23 
  14. ↑ «Nikki Randhawa set to get US House berth» (անգլերեն)։ The Tribune (Chandigarh)։ June 25, 2004։ Արխիվացված է օրիգինալից 2012-07-16-ին։ Վերցված է 2012-05-23 
  15. ↑ «November 7 2006 South Carolina State Wide General Election Official Results: State House of Representatives District 087» (անգլերեն)։ South Carolina Election Returns. SCIWAY.net։ Արխիվացված է օրիգինալից 2012-07-15-ին։ Վերցված է 2012-05-23 
  16. ↑ «State House of Representatives District 87» (անգլերեն)։ 2008 General Election. SCIWAY.net։ Արխիվացված է օրիգինալից 2012-07-16-ին։ Վերցված է 2012-05-23 
  17. ↑ «ProjectVoteSmart» (անգլերեն)։ Legislation: Nikki Haley։ Արխիվացված է օրիգինալից 2012-07-16-ին։ Վերցված է 2012-05-23 
  18. ↑ «Nikki Haley Governor» (անգլերեն)։ South Carolina Education։ Արխիվացված է օրիգինալից 2012-07-15-ին։ Վերցված է 2012-05-23 
  19. ↑ Jeffrey Collins. (January 22, 2012)։ «Nikki Haley Excoriated By Black Leaders Over South Carolina Voter ID Law» (անգլերեն)։ The Huffington Post։ Արխիվացված է օրիգինալից 2012-07-16-ին։ Վերցված է 2012-05-23 
  20. ↑ John O'Conner. (May 14, 2009)։ «Rep. Haley announces bid to become state's first female governor» (անգլերեն)։ The State։ Արխիվացված է օրիգինալից 25 may 2009-ին։ Վերցված է 2012-05-23 
  21. ↑ Jason Evans. (November 2010)։ «Nikki Haley to be state's first female governor» (անգլերեն)։ The Pickens Sentinel։ Արխիվացված է օրիգինալից 2010-12-21-ին։ Վերցված է 2012-05-23 
  22. ↑ Дональд Трамп выбрал представителя США в ООН
  23. ↑ Сенат США утвердил Никки Хейли на должность постпреда США при ООН, RT, 25.01.2017
  24. ↑ Лексус и Вован разыграли постпреда США при ООН Хейли
  25. ↑ CNN Jamie Gangel, Jeremy Diamond, Kevin Liptak, Elise Labott and Zachary Cohen,։ «Trump's UN Ambassador Nikki Haley resigns»։ CNN։ Վերցված է 2018-10-10 
  26. ↑ Shaila Dewan; Robbie Brown. (June 13, 2010)։ «In South Carolina Governor's Race, Nikki Haley Focuses on Similarities» (անգլերեն)։ The New York Times։ Արխիվացված է օրիգինալից 2012-07-16-ին։ Վերցված է 2012-05-23 
  27. ↑ «Question: Is Nikki a Christian?» (անգլերեն)։ Truth in Facts։ Արխիվացված է օրիգինալից 2012-07-15-ին։ Վերցված է 2012-05-23 
  28. ↑ Arian Campo. (2010-07-03)։ «Woman On the Verge» (անգլերեն)։ Newsweek.com։ Արխիվացված է օրիգինալից 2012-07-15-ին։ Վերցված է 2012-05-23 
  29. ↑ «Republicans tap Haley for gov, make history» (անգլերեն)։ The State։ 2010-06-22։ Արխիվացված է օրիգինալից 2012-07-15-ին։ Վերցված է 2012-05-23 
  30. ↑ Philip Rucker. (June 8, 2010)։ «Nikki Haley: 10 things you didn't know about the S.C. Republican» (անգլերեն)։ The Washington Post։ Արխիվացված է օրիգինալից 2012-07-16-ին։ Վերցված է 2012-05-23 

Արտաքին հղումներ[խմբագրել | խմբագրել կոդը]

Նախորդող՝
Սամանտա Փաուեր 		ՄԱԿ-ում ԱՄՆ ներկայացուցիչ
2017 թվականի հունվարի 24-ից մինչև 2018 թվականի դեկտեմբերի 31-ը 		Հաջորդող՝
Ջոնաթան Քոեն Հիզեր Նաուէրթ (առաջադրվել)


Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
GND: 1121631797 · LCCN: n2011073564 · VIAF: 187223623 · WorldCat VIAF: 187223623
Ստացված է «https://hy.wikipedia.org/w/index.php?title=Նիկկի_Հեյլի&oldid=6645878» էջից