Նիլ Սայմըն

Վիքիպեդիայից՝ ազատ հանրագիտարանից
Նիլ Սայմըն
Neil Simon NYWTS.jpg
Անուն Մականուն Նիլ Սայմըն
Ծնած է 4 Յուլիս, 1927
Ծննդավայր Տը Պրոնքս, Նիւ Եորք Սիթի, Նիւ Եորք, ԱՄՆ
Քաղաքացիութիւն Ամերիկայի Միացյալ Նահանգներ Միացեալ նահանգներ
Ուսում New York University[1]
University of Denver[1]
Աշխատանք Brighton Beach Memoirs
Biloxi Blues
The Odd Couple
Lost in Yonkers
Մասնագիտութիւն թատերագիր, գրագէտ
Ամուսին Ճոան Պէյմ (1953–1973 (մինչեւ մահը)՝ 2 զաւակ)
Մարշա Մէյսըն (1973–1983; ամուսնալուծուած)
Տայան Լանտըր (1987–1988, ամուսնալուծուած), (1990–1998, ամուսնալուծուած՝ 1 զաւակ)
Էլէյն Ճոյս (1999–ներկայ)
Պարգեւներ եւ
մրցանակներ՝
Pulitzer Prize for Drama (1991)
Զաւակներ 3

Մարվին Նիլ Սայմըն (անգլերէն՝ Marvin Neil Simon, ծնած 4 Յուլիս, 1927, Տը Պրոնքս, Նիւ Եորք Սիթի, Նիւ Եորք, ԱՄՆ) Ամերիկացի թատերագիր եւ գրագէտ մըն է։ Ան ծնած է Նիւ Եորք Ամերիկեան տնտեսական մեծ տագնապի ժամանակ, ինչ որ շատ մը դժուարութիւններ տուած է իր ապրելաձեւին մէջ իր ընտանիքի աղքատութեան պատճառաւ։ Ան գրած է շուրջ 30 թատերական կտորներ եւ 30 հատ ալ ֆիլմեր։ Ան ստացած է աւելի Օսքարի եւ Թոնիի մրցանակներու պաշտօնակարգումներ քան որեւէ ուրիշ գրագէտ մը։ Ան ընդհանուր պաշտօնակարգուած է 17 Թոնի մրցանակի եւ արժանացած է 3 հատի։ Ան մէկ թատերական եղանակի մէջ (1983ին) ունեցած է 4 միաժամանակ յաջողած կտորներ Պրոտուէյի բեմերու վրայ, որուն արդիւնքը եղած է իր անուամբ բացուած Նիլ Սայմընի Թատերասրահը Նիւ Եորքի մէջ իբրեւ յարգանքի ցուցաբերում։

Ան սկսաւ գրել իր թատերական կտորները սկսելով Come Blow Your Horn կտորով (1961), որ 3 տարի առաւ վերջացնելու, ինչպէս նաեւ 678 շարունակական Պրոտուէյի ներկայացումներ՝ արձանագրելով հսկայական յաջողութիւն։ Այդ յաջողութիւնը կը շարունակուի 2 նոյնքան յաջող կտորներով՝ Barefoot in the Park (1963) եւ The Odd Couple (1965), որուն պատճառաւ արժանացաւ Թոնի մրցանակի մը։ Այս յաջողութիւնը զինք դարձուց սիրուած եւ նշանաւոր թատերագիր մը Ամերիկացիներու սրտին մէջ։ Անոր յաջողութիւնը նաեւ կը պարտի իր լուրջ եւ խորք ունեցող նիւթերուն, որոնք թեթեւ կատակերգական կամ սիրային դարձուածքով մը ներկայացուած կ'ըլլան յաճախ։

1991ին Lost in Yonkers կտորին համար Սայմընը Տրամայի Փալիթզըր մրցանակի (Pulitzer Prize for Drama) արժանանալէ ետք, քննադատներ սկսան հասկնալ որքան բարդ ընկերային եւ բարոյական հարցերու մասին կը գրէ Սայմըն, որոնք նաեւ նիւթեր են որոնք ամէնէն շատ կը հետաքրքրէ աշխարհական անձը։ Իր նիւթերը ընդհանրապէս կը դառնան հետեւեալ խնդիրներուն շուրջ՝ խնդիրներ ամուսնացած զոյգերու միջեւ, անբարոյութիւն, անհաւատութիւն, պատանեկան կեանք եւ ծերանալու վախը։ Անոր կտորներու բոլոր դերերը ընդհանրապէս Նիւ Եորք ծնած ու մեծցած անձինք էին։

Ծանօթագրութիւններ[խմբագրել | խմբագրել կոդը]

  1. 1,0 1,1 Քաղվածելու սխալ՝ Սխալ <ref> պիտակ՝ Chronicle անվանումով ref-երը տեքստ չեն պարունակում: