Նիլսինա Նիլսեն

Նիլսինա Նիլսեն;
Ծնվել է	հունիսի 10, 1850
Ծննդավայր	Սվեննբորգ, Սվենբորգ, Հարավային Դանիա տարածաշրջան, DK
Մահացել է	հոկտեմբերի 8, 1916 (66 տարեկան)
Մահվան վայր	Կոպենհագեն, DK
Գերեզման	Բիսպերբերգ գերեզմանատուն
Քաղաքացիություն	Դանիա
Կրթություն	Կոպենհագենի համալսարան (1877)
Գիտական աստիճան	բժշկության թեկնածու (հունվարի 23, 1885) և almen studentereksamen i Danmark? (1877)
Մասնագիտություն	բժիշկ, կանանց իրավունքների պաշտպան, ակադեմիկոս և ֆեմինիստ
Զբաղեցրած պաշտոններ	նախագահ
	Nielsine Nielsen Վիքիպահեստում

Նիլսինա Նիլսեն (դանիերեն՝ Nielsine Nielsen, հունիսի 10, 1850(1850-06-10)^[1], Սվեննբորգ, Սվենբորգ, Հարավային Դանիա տարածաշրջան, DK^[2] - հոկտեմբերի 8, 1916(1916-10-08)^[1], Կոպենհագեն, DK^[2]), առաջին կին գիտնականն ու բժիշկը Դանիայում^[4]։ 1885 թվականին ավարտել է համալսարանը, իսկ 1889 թվականին հիմնադրել է իր սեփական բժշկական հաստատությունը և աշխատել որպես բժիշկ։ Նիլսենը նաև ակտիվորեն մասնակցել է գենդերային հավասարության համար շարժմանը՝ աշխատելով Դանիայի կանանց ընկերությունում^[4]։

Վաղ կենսագրություն

Նիլսինա Նիլսենը ծնվել է 1850 թվականի հունիսի 10-ին, Սվեննբորգում, որտեղ անցկացրել է իր մանկությունը, ունևոր նավի սեփականատեր Լարս Նիլսենի (1808-1886) և Կարեն Յենսենի (1811-1882) ընտանիքում։ Երեխա ժամանակ նրա եղբայրն ու քույրը մահացել են որովայնային տիֆից, ինչն էլ որոշ չափով ազդել է բժշկության հանդեպ նրա հետաքրքրության վրա։

Կարիերա

1868 թվականին մանկավարժական կրթություն է ստացել Կոպենհագենի Ֆրյոկրներնի Վիլլեմոես-Քվիստգորդսի ինստիտուտում և մի քանի տարի աշխատել գավառում որպես տնային դաստիարակչուհի։ 1874 թվականին նամակագրական կապ է հաստատել շվեդ բժշկուհի Շարլոտա Յուլենի հետ, ով նրան խորհուրդ է տվել դիմել դանիացի խորհրդարանական Կ.Է.Ֆենգերին, ով աջակցում էր կանանց իրավունքների համար պայքարին, այդ թվում` օգնում էր առաջին դանիացի հեռագրական օպերատոր Մաթիլդա Ֆիբիգերին։ Ֆենգերը համալսարանում բժշկություն սովորելու նրա դիմումն ուղարկել է կրթության նախարարություն։ 1875 թվականին թագավորական հրամանագրով ընդունվել է օրենսդրություն, որը թույլ է տվել կանանց օգտվել համալսարանական կրթությունից։ 1877 թվականին Նիլսենը, Յոհաննա Գլիրուպի հետ միասին, ընդունվել են Դանիայի համալսարան` դառնալով առաջին երկու ուսանողուհիները։ Դանիայի կանանց ընկերությունը նրան մի փոքր նպաստ է տրամադրել, որպեսզի կարողանա սովորել։ 1885 թվականին Նիլսենը ստացել է թերապևետ բժշկի դիպլոմ։

Նիլսենը Կոպենհագենում իրեն դրսևորել է որպես գործնական բժիշկ։ Նիլսենը նախատեսել էր մասնագիտանալ գինեկոլոգիայի ոլորտում, բայց այդ ժամանակների միակ դանիացի գինեկոլոգ Ֆ. Հովիցը չի ընդունել նրան։ Այնուամենայնիվ, 1906 թվականին նա նշանակվել է սեռական ճանապարհով փոխանցվող հիվանդությունների գծով համայնքային մասնագետ և զբաղվել է մարմնավաճառների իրավունքների պաշտպանությամբ։ Նիլսինա Նիլսենը ակտիվորեն ներգրավվել է կանանց շարժման մեջ` որպես Դանիայի կանանց ընկերության անդամ։ Քննադատելով այս կազմակերպության չափազանց զգույշ քաղաքականությունը՝ նա միացել է կանանց ավելի արմատական խմբերին։ 1893-1898 թվականներին Նիլսենը եղել է Կանանց սուֆրաժիստական ասոցիացիայի նախագահը (Kvindevalgretsforeningen): 1904 թվականին նա Լուիզա Նյորլունդի, Բիրգիտ Բերգ Նիլսենի և Ալվիլդա Հարբու Հոֆի հետ միասին դարձել են Լիբերալ կուսակցության առաջին կին անդամները։ 1907 թվականին նա դարձել է կանանց ընտրական իրավունքի ազգային ասոցիացիայի (Landsforbundet for Kvinders Valgret) համահիմնադիրներից մեկը^[5]։

Ճանաչում

Նիլսինա Նիլսենի պատվին է անվանակոչվել դեպի Ռիգսհոսպիտալետ գնացող ճանապարհը, որը Դանիայի ամենամեծ հիվանդանոցներից մեկն է և Կոպենհագենի ամենաբարձր մասնագիտացված հիվանդանոցը^[6]։

Գրականություն

Windsor, Laura Lynn Women in medicine: an encyclopedia. — ABC-CLIO, 2002. — ISBN 9781576073933

Ծանոթագրություններ

1 2 3 4 Dansk Biografisk Lexikon (դան.)
1 2 3 4 5 6 7 Dansk Biografisk Leksikon, 3. udgave (դան.) — 3 — 1984.
↑ gravsted.dk (դան.)
1 2 «Nielsine Nielsen». Den Store Danske (դանիերեն). Gyldendal. Վերցված է 2020 թ․ ապրիլի 17-ին.
↑ «Nielsine Nielsen». Dansk Kvindebiografisk Leksikon. 2003 թ․ մայիսի 15. Վերցված է 2020 թ․ ապրիլի 17-ին.
↑ Larsen, Klaus. «Riget får landets første Nielsine Nielsens Vej [Rigshospitalet gets the first Nielsine Nielsens road in the country]». Ugeskriftet.dk. Ugeskriftet for Læger. Վերցված է 2020 թ․ ապրիլի 17-ին.

Վիքիպահեստն ունի նյութեր, որոնք վերաբերում են «Նիլսինա Նիլսեն» հոդվածին։

[_68fc1d163a8969fd-1] 1 2 3 4 Dansk Biografisk Lexikon (դան.)

[_9ab9afae996a22c7-2] 1 2 3 4 5 6 7 Dansk Biografisk Leksikon, 3. udgave (դան.) — 3 — 1984.

[_5a820ba5fdfb2816-3] ravsted.dk (դան.)

[denstoredanske-4] 1 2 «Nielsine Nielsen». Den Store Danske (դանիերեն). Gyldendal. Վերցված է 2020 թ․ ապրիլի 17-ին.

[Dansk_Kvindebiografisk_Leksikon-5] «Nielsine Nielsen». Dansk Kvindebiografisk Leksikon. 2003 թ․ մայիսի 15. Վերցված է 2020 թ․ ապրիլի 17-ին.

[6] Larsen, Klaus. «Riget får landets første Nielsine Nielsens Vej [Rigshospitalet gets the first Nielsine Nielsens road in the country]». Ugeskriftet.dk. Ugeskriftet for Læger. Վերցված է 2020 թ․ ապրիլի 17-ին.

[1]

[2]

[3]

[4]

[5]

[6]