Նե ՎիՆ, Ու Նե Վին (մայիսի 14, 1911(1911-05-14) կամ մայիսի 24, 1911(1911-05-24)[1], Paungdale, Pyay District, Bago, Colony of Burma, Բրիտանական Հնդկաստան - դեկտեմբերի 5, 2002(2002-12-05)[2][3][4], Յանգոն, Մյանմա), Բիրմայի պետական, քաղաքական և ռազմական գործիչ, ազատագրական պայքարի առաջնորդներից։ Բիրմայի անկախությունից (1948 թ.) հետո զբաղեցրել է պետական և զինվորական բարձր պաշտոններ։ 1950-1972 թթ.-ին զինված ուժերի գլխավոր հրամանատարն էր, 1958-1960 թթ.-ին՝ պրեմիեր մինիստր, 1962-1974 թթ.-ին՝ Հեղափոխական խորհրդի և Հեղափոխական կառավարության նախագահ (1962 թ.-ին բանակը Նե Վինի գլխավորությամբ գրավել է իշխանությունը)։ 1971 թ.-ից Բիրմական սոցիալիստական ծրագիր կուսակցության (ԲՄԾԿ, հիմնվել է 1962 թ.-ին) ԿԿ Գործկոմի նախագահ։ Իրականացրել է հակաֆեոդալական, հակաիմպերիալիստական բնույթի սոցիալ-տնտեսական կարևոր վերափոխումներ։ 1974-1981 թթ.-ին եղել է ժողովրդական ժողովի Պետական խորհրդի նախագահ և Բիրմայի պրեզիդենտ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 211)։
Մյանմա
