Նեֆերտեմ
| Նեֆերտեմ | |
|---|---|
 | |
| Տեսակ | հին եգիպտական աստվածություն |
| Դիցաբանություն | Եգիպտական դիցաբանություն |
| Սեռ | արու |
| Հայր | Պտահ |
| Մայր | Սեհմետ |
 Nefertum Վիքիպահեստում | |
Նեֆերտեմ (անգլ.՝ Nefertem, /ˈnɛfərˌtɛm/, հավանաբար նշանակել է «գեղեցիկը, որը փակվում է» կամ «այն մեկը, որը չի փակվում», գրվել է նաև Նեֆերտում կամ Նեֆեր-տեմու), լոտոսի ծաղիկ, որը Հին Եգիպտոսի դիցաբանության մեջ աշխարհի ստեղծման ժամանակ առաջացել է նախնական ջրերից[1]։
Նեֆերտեմը ներկայացրել է և՛ արևի առաջին շողը, և՛ եգիպտական կապույտ լոտոսի ծաղկի հաճելի բույրը, և ստեղծվել է նախնական ջրերից՝ եգիպտական կապույտ ջրաշուշանի մեջ։ Նեֆերտեմի տիտղոսներից էին՝ «Նա, ով գեղեցիկ է» և «Արեգակի ջրաշուշանը», իսկ Մեռյալների գրքում ասվումէր․
|
Նեֆերտեմի նման բարձրացիր կապույտ ջրաշուշանից դեպի Ռայի (արարչի ու արև աստծո) ռունգերը, և ամեն օր դուրս արի հորիզոնից։ | 
|
Նեֆերտեմը համարվել է Պտահ արարիչ աստծո որդին, իսկ նրա մայր համարվել են աստվածուհիներ Սեհմետն ու Բաստետը։ Արվեստում նա սովորաբար պատկերվել է որպես գեղեցիկ երիտասարդ տղամարդ՝ գլխի շուրջ կապույտ ջրաշուշանի ծաղիկներ։ Որպես Բաստետի որդի նա երբեմն պատկերվել է առյուծի գլխով կամ որպես թիկնած առյուծ կամ կատու։ Հին եգիպտացիները հաճախ կրել են նրա փոքրիկ արձանիկները որպես հաջողության հմայիլներ։
Հայտնաբերվել է Նեֆերտեմի գլխով արձանիկ, որը պատկերում է Թութանհամոնին երեխա ժամանակ։
Պատկերասրահ[խմբագրել | խմբագրել կոդը]
Նեֆերտեմ, Ուոլտերսի գեղարվեստի թանգարան
Նեֆերտեմի արձանիկը մոտիկից
Ծանոթագրություններ[խմբագրել | խմբագրել կոդը]
- ↑ Nefertem page at Ancient Egypt: the Mythology retrieved June 21, 2008.
Հետագա ընթերցանություն[խմբագրել | խմբագրել կոդը]
- Morenz Siegfried, Schubert Johannes (1954)։ Der Gott auf der Blume: Eine ägyptische Kosmogonie und ihre weltweite Bildwirkung (German)։ Verlag Artibus Asiæ
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Նեֆերտեմ կատեգորիայում։ |
| ||||||
