Ներսես Տեր-Վարդանյան
| Ներսես Տեր-Վարդանյան | |
|---|---|
| Ծնվել է | հունիսի 17, 1981 (42 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական համալսարան |
| Գիտական աստիճան | պատմական գիտությունների թեկնածու |
| Մասնագիտություն | պատմաբան |
| Աշխատանք | ՀՀ մշակույթի նախարարի տեղակալ (2014-2018 թթ.) |
Ներսես Գևորգի Տեր-Վարդանյան (հունիսի 17, 1981, Երևան, Հայկական ԽՍՀ, ԽՍՀՄ), հայ պատմաբան, ՀՀ պետական գործիչ, ՀՀ մշակույթի նախարարի տեղակալ (2014-2018 թթ.)։
Կրթություն[խմբագրել | խմբագրել կոդը]
- 1997-2001 թթ. - սովորել և ավարտել է ԵՊՀ պատմության ֆակուլտետի բակալավրիատը։
- 2001-2003 թթ. - սովորել և ավարտել է ԵՊՀ պատմության ֆակուլտետի մագիստրատուրան։
- 2003-2006 թթ. – սովորել և ավարտել է ՀՀ գիտությունների ազգային ակադեմիայի արևելագիտության ինստիտուտի ասպիրանտուրան։ Պատմական գիտությունների թեկնածու։ Մի շարք գիտական հոդվածների հեղինակ է։
- 2011 թ. – սովորել և ավարտել է ԱՄՆ Թաֆթս համալսարանի Ֆլեթչերի իրավունքի և դիվանագիտության դպրոցի Հանրային կառավարման և հանրային քաղաքականության վերապատրաստման դասընթացը։
- Վերապատրաստվել է Կահիրեում։
Աշխատանքային գործունեություն[խմբագրել | խմբագրել կոդը]
- 1999-2003 թթ. – Արտասահմանյան երկրների հետ մշակութային համագործակցության հայկական հասարակական կազմակերպության «Մշակույթների երկխոսություն» տեղեկատվական կենտրոնի ղեկավար, միջազգային ծրագրերի համակարգող։
- 2004 թվականից - «Մատենադարան» Մ. Մաշտոցի անվան հին ձեռագրերի գիտահետազոտական ինստիտուտի գիտաշխատող։
- 2005-2008 թթ. - ՀՀ գիտությունների ազգային ակադեմիայի արևելագիտության ինստիտուտի գիտաշխատող։
- 2006-2014 թթ. – ՀՀ մշակույթի նախարարի խորհրդական։
- 2010-2013 թթ. – ԱՊՀ հումանիտար համագործակցության միջպետական հիմնադրամի հայաստանյան ծրագրերի համակարգող, փորձագետ-խորհրդատու։
- 2013 թ. - Երևանի պետական համալսարանի պատմության ֆակուլտետի ընդհանուր պատմության ամբիոնի դասախոս։
- 2014 թ. փետրվարի 5-ին ՀՀ Վարչապետի որոշմամբ նշանակվել է Հայաստանի Հանրապետության մշակույթի նախարարի տեղակալ[1], 2018 թվականին ազատվել է զբաղեցրած պաշտոնից[2]։
Անկուսակցական է։ Տիրապետում է անգլերեն, ռուսերեն և գերմաներեն լեզուների։ Ամուսնացած չէ։ Ներսես Տեր-Վարդանյանը անվանի պատմաբան Գևորգ Տեր-Վարդանյանի որդին է։
Ծանոթագրություններ[խմբագրել | խմբագրել կոդը]
- ↑ Ն. ՏԵՐ-ՎԱՐԴԱՆՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ
- ↑ «ԻՐՏԵԿ - Իրավական տեղեկատվական կենտրոն». www.irtek.am. Վերցված է 2018 թ․ հոկտեմբերի 21-ին.