Ներսես Տեր-Ներսիսյան

Վիքիպեդիայից՝ ազատ հանրագիտարանից
Jump to navigation Jump to search
Ներսես Տեր-Ներսիսյան
Ծնվել է նոյեմբերի 16, 1920(1920-11-16)
Ծննդավայր Բեռլին, Վայմարյան Հանրապետություն
Մահացել է դեկտեմբերի 24, 2006(2006-12-24) (86 տարեկանում)
Մահվան վայր Գյումրի, Հայաստան
Քաղաքացիություն Flag of Armenia.svg Հայաստան
Ազգություն հայ
Կրոն Հռոմի Կաթոլիկ եկեղեցի և Հայ Կաթողիկե Եկեղեցի
Մասնագիտություն արքեպիսկոպոս, հայագետ և մանկավարժ
Զբաղեցրած պաշտոններ կաթոլիկ եպիսկոպոս
Անդամություն Մխիթարյան միաբանություն

Ներսես Բաբկենի Տեր-Ներսիսյան (Արտաշես-Ստեփան Տեր-Ներսիսյան, նոյեմբերի 16, 1920(1920-11-16), Բեռլին, Վայմարյան Հանրապետություն - դեկտեմբերի 24, 2006(2006-12-24), Գյումրի, Հայաստան[1]), հայագետ, հրապարակագիր, մանկավարժ։ Վենետիկի Մխիթարյան միաբանության անդամ (1940 թվականից), ծայրագույն վարդապետ և գավազանակիր (1960 թվականից)։

Կենսագրություն[խմբագրել | խմբագրել կոդը]

Արտաշես-Ստեփան Տեր-Ներսիսյանը ծնվել է Բեռլինում։ Սովորել է Բուխարեստի և Սոֆիայի հայկական դպրոցներում, Վենետիկի Մուրատ-Ռափայելյան վարժարանում (1933-1939 թթ.), ավարտել Հռոմի Գրիգորյան համալսարանը (1947 թ.)։ Եղել է «Մխիթարյան ընտանիք» ամսագրի խմբագիր (1948-1952 թթ.), «Բազմավեպ»-ի խմբագրապետ (1957-1979 թթ., ընդհատումներով), միաբանության ընդհանուր քարտուղար (1964-1976 թթ., 1982 թվականից առ այսօր), ձեռագրատան տնօրեն (1976-1982 թթ.)։ Երկար տարիներ դասավանդել է Սուրբ Ղազարի ժառանգավորաց դպրեվանքում և Մուրատ-Ռափայելյան վարժարանում։ Հրատարակել է Առաքել Սյունեցու «Դրախտագիրք»-ը (1956, առաջաբանը, ուսումնասիրությունը և բառարանը՝ Տեր-Ներսիսյանի), Մխիթար Սեբաստացու «Մտածությունք ի վերա բանից փրկչին» (1969, առաջաբանը Տեր-Ներսիսյանի) ժողովածուն և այլն։ Առանձին հոդվածաշարերով անդրադարձել է Դանթեի «Աստվածային կատակերգության» հայերեն թարգմանությանը, Ոսկան Երևանցու քերականական ըմբռնումներին, Մխիթարյան միաբանության պատմությանը, հայոց լեզվի ուղղագրության հարցերին և այլն։ 1991-2005 թթ եղել է Հայ Կաթողիկե եկեղեցու Հայաստանի, Վրաստանի, Ռուսաստանի և Արևելյան Եվրոպայի թեմի առաջին առաջնորդը և այդ ժամանակ Գյումրիում Հայ Կաթողիկե Աթոռանիստ եկեղեցի կառուցելու գաղափարը և առաջին քայլերն է իրականացրել:

Մահացել է 2006 թվականին Գյումրիում:

Ծանոթագրություններ[խմբագրել | խմբագրել կոդը]

  1. Baghdasaryan Aram։ «AV Production - Ներսես Տեր-Ներսեսյան»։ avproduction.am։ Վերցված է 2017-11-16 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 683 CC-BY-SA-icon-80x15.png