«Ներկված աղվեսը» (ռուս.՝ «Крашеный лис»), խորհրդային նկարված մուլտֆիլմ՝ ստեղծված Իվան Ֆրանկոյի ուկրաինական հեքիաթի հիման վրա։ Ստեղծվել է 1953 թվականին ռեժիսոր-մուլտիպլիկատոր Ալեքսանդր Իվանովի կողմից։ Այն ռեժիսորի ամենաշատ ժողովրդականություն վայելող մուլտֆիլմերից մեկն է[1]։
Սարսափելի գազան է եկել անտառ, որպեսզի այնտեղ հաստատի իր կարգը։ Նա կոչվում է Սրամիտ։ Նրա սպառնալի տեսքը վախեցնում է բոլոր կենդանիներին ու նույնիսկ Միխայիլ Պոտապիչին։ Միայն ոզնին է գլխի ընկնում, թե ինչ է պատահել։ Երբ աղվեսը պահանջում է նախաճաշի ժամանակ իրեն տալ նապաստակներ, ոզնին ու մայր նապաստակը դարան են պատրաստում աղվեսի համար՝ սղոցելով կամուրջը։ Երբ Սրամիտն ընկնում է գետակի մեջ, և ջուրը մաքրում է ներկը, գազանները համոզվում են, որ դա սովորական աղվես է։ Խաբեբային վռնդում են անտառից։ Մուլտֆիլմն ավարտվում է ոզնու խոսքով. «Ինչ տեսք էլ ունենա գազանը, դու նրա ոչ մի խոսքին մի հավատա»։
2000-2001 թվականներին մուլտֆիլմը վերականգնվել է ու նորից հնչյունավորվել «Студия АС» և «Детский сеанс 1» ընկերություների կողմից։ Նոր տարբերակում ամբողջովին փոխվել է ֆոնոգրաման, հնչունավորմանը մասնակցել են ժամանակակից դերասաններ (Յու. Բալմուսով, Վ. Օվանեսով, Տատյանա Կանաևա, Ա. Կոտով, Բ. Տոկարև), տիտրերում փոխվել են հնչունային ռեժիսորի և հնչունավորման դերասանների անունները։ Վերահնչյունավորումը խիստ բացասական է գնահատվել հեռուստադիտողների մեծ մասի[4][5], ինչպես նաև պրոֆեսիոնալ միության անդամների կողմից[6][7]։ Պատկերի վերականգնման որակը նույնպես երբեմն քննադատության է արժանացել։
.svg){kind=small}
ԽՍՀՄ
