Ներդրումային բանկերի սինդիկատ
Ներդրումային բանկերի սինդիկատ | |
|---|---|
| Տեսակ | bank group? |
Ներդրումային բանկերի սինդիկատ[1] (անգլերեն՝ Bulge Bracket banks), առաջատար և միջազգային ներդրումային բանկերի համախումբ, որոնց հաճախորդ են հանդիսանում հիմնականում խոշոր ընկերությունները, ինստիտուտները և պետությունները։ Այն չունի կոնկրետ անվանացանկ որտեղ նշված են բոլոր մասնակիցները։ Անդամակցող բանկերը հանդիսանում են գանձապետական պարտատոմսերի առաջնային դիլլերներ[2]։
Ներդրումային բանկերի սինդիկատը գլոբալ է այն առումով, որ այն ունի ներազդող ուժ աշխարհի խոշոր շրջաններում՝ Ամերիկա, Եվրոպա, Միջին Արևելք և Աֆրիկա (EMEA) և Ասիա-Խաղաղ օվկիանոս (APAC)։ Անդամակցությունը ենթադրում է հեղինակություն, բայց ներառման համար ճշգրիտ չափանիշներ չկան, և ֆինանսական ուժը անցումային է։ Նրանք հաճախ հանդիպում են տարբեր վարկանիշային աղյուսակներում, ինչպիսիք են Thomson Reuters վարկանիշային աղյուսակները, Bloomberg 20-ը և այլն։
Պատմություն[խմբագրել | խմբագրել կոդը]
1930 թվականին Մեծ Ճգնաժամի հետևանքով ԱՄՆ-ի բանկերը բաժանվեցին առևտրային և ներդրումային բանկերի միջև։ Այնուամենայնիվ, 1999-ին, Glass-Steagall-ի օրենքը չեղարկվեց, և առևտրային բանկերին կրկին տրվեց ներդրումային բանկային ծառայություններ ներգրավելու իրավունք։ Իրավիճակը սկսեց փոխվել 2007-2009 թվականների ճգնաժամի հետևանքով։ Շատ երկրներ, ներառյալ Միացյալ Թագավորությունը և Միացյալ Նահանգները, նորից քննարկում էին ներդրումային բանկերի առանձնացումը առևտրային բանկերից[3]։ Ըստ կենսագիր Ռոնալդ Չերնոուի(անգլերեն՝ Ronald Chernow) 1990-ին թողարկված «The House of Morgan[4]» գրքի, «1960-ականների վերջին և 1970-ականների սկզբին, վերին մակարդակը, որը կոչվում էր "bulge bracket", բաղկացած էր Morgan Stanley, First Boston, Kuhn, Loeb, and Dillon,Read & Co. գերհզոր ներդրումային բանկերից»։ Ժամանակի ընթացքում Morgan Stanley-ը առաջ անցնելով, հայտնվեց մյուս անդամներից վեր՝ պահանջելով սինդիկատի ղեկավար մարմնի դերը։ Թեև այդ կառուցվածքում դիրքը որոշվում էր այբբենական կարգով, սակայն Չերնոուն նկարագրում էր այդ իրողությունը որպես «կյանքի և մահվան» նշանակություն ունեցող հանգամանք՝ ընկերությունների համար։
Այլ[խմբագրել | խմբագրել կոդը]
Ներդրումային բանկերը՝ ֆինանսական կառույցներ են, որոնք կազմակերպում են կապիտալի հավաքագրում՝ խոշոր ֆինանսական ընկերությունների և կառավարությունների համար։ Ինչպես նաև մատուցում են խորհրդատվական ծառայություններ՝ բիզնեսի ձեռք բերման և օտարման նպատակով, բրոքերային ծառայություններ՝ բաժնետոմսերով, պարտատոմսերով, ածանցյալ ֆինանսական գործիքներով գործարքներ կատարելու նպատակով, զբաղվում են արտարժույթների և ապրանքների շրջանառությամբ և այլն։
Ներկայումս ներդրումային բանկերի միավորման ցուցակի մեջ են ներառվում հետևյալ բանկերը[5]՝
- Goldman Sachs
- Barclays Capital
- Credit Suisse
- Deutsche Bank
- JP Morgan Chase
- Citigroup
- Morgan Stanley
- UBS
- Bank of America Merrill Lynch
Ծանոթագրություններ[խմբագրել | խմբագրել կոդը]
- ↑ «bulge bracket - Definition of bulge bracket at YourDictionary.com». web.archive.org. 2009 թ․ փետրվարի 3. Արխիվացված է օրիգինալից 2009 թ․ փետրվարի 3-ին. Վերցված է 2020 թ․ հուլիսի 5-ին.
- ↑ «What is a Bulge Bracket Investment Bank (BB)?». Wall Street Oasis (անգլերեն). Արխիվացված է օրիգինալից 2020 թ․ սեպտեմբերի 7-ին. Վերցված է 2020 թ․ հուլիսի 5-ին.
- ↑ «Инвестиционный банкинг в мировой экономике / 978-3-8473-0968-0 / 9783847309680 / 3847309684». www.lap-publishing.com. Արխիվացված է օրիգինալից 2015 թ․ ապրիլի 4-ին. Վերցված է 2020 թ․ հուլիսի 6-ին.
- ↑ Chernow, Ron (2010 թ․ հունվարի 19). The House of Morgan: An American Banking Dynasty and the Rise of Modern Finance (անգլերեն). Grove/Atlantic, Inc. ISBN 978-0-8021-9813-6.
- ↑ «"Bulge bracket" инвестиционных банков: что это такое и из чего состоит? | FinExecutive.com». finexecutive.com (ռուսերեն). Վերցված է 2020 թ․ հուլիսի 5-ին.