Նեստոր Կոմբեն

Նեստոր Կոմբեն
Քաղաքացիությունը	Արգենտինա և Ֆրանսիա
Ծննդյան ամսաթիվ	դեկտեմբերի 29, 1940 (85 տարեկան)
Ծննդավայր	Las Rosas, Սանտա Ֆե նահանգ, Արգենտինա
Հասակ	179 սանտիմետր
Դիրք	հարձակվող

Նեստոր Կոմբեն (ֆրանսերեն՝ Néstor Combin, դեկտեմբերի 29, 1940(1940-12-29)^[1], Las Rosas, Սանտա Ֆե նահանգ, Արգենտինա), ֆրանսիացի ֆուտբոլիստ, խաղացել է որպես հարձակվող։

Ակումբային կարիերա

Ծնվել է 1940 թվականի դեկտեմբերի 29-ին, Արգենտինայի Լաս Ռոզաս քաղաքում, ավարտել է Կոլոնի ֆուտբոլային ակադեմիան (Սան Լորենցո): Հետագայում տեղափոխվել է Ֆրանսիա և պրոֆեսիոնալ ֆուտբոլային կարիերան սկսել է 1959 թվականին՝ «Լիոնի» կազմում, որտեղ անցկացրել է հինգ մրցաշրջան՝ մասնակցելով լիգայի 100 խաղի: Նեստորը թիմի լավագույն ռմբարկուներից մեկն է եղել:

Հետագայում խաղացել է Իտալիայում 1964 թվականից 1971 թվականներին, որտեղ խաղացել է այնպիսի ակումբներում, ինչպիսիք են «Յուվենտուսը», «Վարեզեն», «Տորինոն» և «Միլանը»։ Կոմբենը երկու անգամ նվաճել է Իտալիայի գավաթը և մեկ անգամ՝ Միջմայրցամաքային գավաթը («Միլանի» կազմում)։

1971 թվականին վերադարձել է Ֆրանսիա, որտեղ խաղացել է «Մեցի» և «Ռեդ Սթարի» կազմում։

Կարիերան ազգային հավաքականում

1964 թվականին նորամուտը նշել է Ֆրանսիայի ազգային հավաքականում։ Հավաքականում իր կարիերայի ընթացքում, որը տևել է 4 տարի, 8 հանդիպում է անցկացրել երկրի գլխավոր թիմի համազգեստով՝ դառնալով 4 գոլի հեղինակ։

Ազգային հավաքականի կազմում Կոմբենը մասնակցել է 1966 թվականին Անգլիայում կայացած աշխարհի առաջնությանը։

«Բոմբոներայի կոտորած»

1969 թվականի Միջմայրցամաքային գավաթի եզրափակչի պատասխան խաղի ժամանակ Բուենոս Այրեսի «Բոմբոներա» մարզադաշտում նրան ծեծի են ենթարկել «Էստուդիանտեսի» ֆուտբոլիստները: «Էստուդիանտեսի» դարպասապահ Ալբերտո Պոլետին ոտքով հարվածել է Կոմբենի դեմքին^[2]։ Կարճ ժամանակ անց արգենտինացի պաշտպան Ռամոն Սուարեսը արմունկով հարվածել է Կոմբենի քթին և ծնոտին^[2]։ Ֆրանսիացու ընկնելուց հետո «Էստուդիանտեսի» մյուս խաղացողները միացել են անգիտակից Կոմբենի ծեծին^[3]։

Ֆուտբոլային խաղից հետո Արգենտինայի ոստիկանության աշխատակիցները խուզարկել են «Միլանի» հանդերձարանը, որտեղ ձերբակալել են Նեստոր Կոմբենին և տարել անհայտ վայր։ Ձերբակալության պահին ֆուտբոլիստը բժշկական օգնություն էր ստանում։ Նրա ձերբակալության պատճառը Արգենտինայում զինվորական ծառայությունից խուսափելու ենթադրյալ դեպքն է եղել^[4]։

Կալանավորումը անօրինական է եղել. Կոմբենը մանկուց լքել է Արգենտինան և Ֆրանսիայի քաղաքացիություն ստանալուց հետո ծառայել է Ֆրանսիայում։ Ֆրանսիան և Արգենտինան պայմանագիր են ունեցել, որի համաձայն ֆուտբոլիստը որևէ ռազմական պարտավորություն չուներ Արգենտինայի նկատմամբ^[4]։

«Միլանի» ներկայացուցիչները և լրագրողները 24 ժամ փնտրել են Կոմբենին։ Ավելի ուշ պարզվել է, որ նա պահվում է ռազմական հանցագործների համար նախատեսված հաստատությունում։ Ֆրանսիայի դեսպանատան միջամտությունից և Արգենտինայի նախագահ Խուան Օնգանիայի անձնական հրամանից հետո խաղացողը ազատ է արձակվել և տեղափոխվել օդանավակայան՝ իր թիմին միանալու համար^[3]^[4]։

Նվաճումներ

Ֆրանսիայի գավաթակիր՝
- «Լիոն»՝ 1963/64
Իտալիայի գավաթակիր՝
- «Յուվենտուս»՝ 1964/65
- «Տորինո»՝ 1967/68
Միջմայրցամաքային գավաթակիր՝
- «Միլան»՝ 1969

Ելույթների վիճակագրություն

**Ակումբային կարիերա**
Ակումբ	Մրցաշրջան	Լիգա^[5]		Գավաթ^[6]		Եվրոպական գավաթներ		Այլ		Ընդհանուր
Ակումբ	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Օլիմպիկ Լիոն	1959/60	6	1	0	0	0	0	0	0	6	1
	1960/61	36	15	5	2	2	0	0	0	43	17
	1961/62	31	13	5	3	2	1	0	0	38	17
	1962/63	30	16	5	2	0	0	0	0	35	18
	1963/64	28	23	6	8	8	10	0	0	42	41
	Ընդհանուր	131	68	21	15	12	11	0	0	164	94
Յուվենտուս	1964/65	24	7	5	0	9	3	0	0	38	10
Յուվենտուս	Ընդհանուր	24	7	5	0	9	3	0	0	38	10
Վարեզե	1965/66	16	2	3	0	0	0	0	0	19	2
Վարեզե	Ընդհանուր	16	2	3	0	0	0	0	0	19	2
Տորինո	1966/67	26	7	1	2	0	0	0	0	27	9
	1967/68	27	13	10	2	0	0	0	0	37	15
	1968/69	29	7	8	0	7	1	0	0	44	8
	Ընդհանուր	82	27	19	4	7	1	0	0	108	32
Միլան	1969/70	25	5	2	1	4	3	2	1	33	10
	1970/71	25	6	12	4	0	0	0	0	37	10
	Ընդհանուր	50	11	14	5	4	3	2	1	70	20
Մեց	1971/72	26	16	1	0	0	0	0	0	27	16
	1972/73	33	18	1	0	0	0	0	0	34	18
	Ընդհանուր	59	34	2	0	0	0	0	0	61	34
Ռեդ Սթար	1973/74	35	24	3	2	-	-	0	0	38	26
	1974/75	31	15	0	0	0	0	0	0	31	15
	Ընդհանուր	66	39	3	2	0	0	0	0	69	41
Ընդհանուր կարիերայի ընթացքում		428	188	67	26	32	18	2	1	529	233

Ծանոթագրություններ

1 2 Transfermarkt.com(բազմ․) — 2000.
1 2 «Estudiantes leave their mark». Արխիվացված օրիգինալից 2014-12-06-ին. Վերցված է 2016-08-09-ին.
1 2 Ангелина Никитина (2021-04-14). ««Выжить было большим успехом» Драки, переломы и тюрьма: как прошел самый жестокий матч в истории футбола». Lenta.RU (ռուսերեն). Վերցված է 2025-05-20-ին.
1 2 3 Burnton, Simon (2019-10-20). «Three players jailed, one 'kidnapped': Estudiantes v Milan 50 years on». The Guardian (բրիտանական անգլերեն). Վերցված է 2025-05-20-ին.
↑ Ֆրանսիայի երկրորդ դիվիզիոնի եզրափակիչ
↑ Ֆրանսիայի գավաթ, Շարլ Դրագոյի գավաթ, Իտալիայի գավաթ։

[_d6c2cbf73d95f5b7-1] 1 2 Transfermarkt.com(բազմ․) — 2000.

[espnfc-2] 1 2 «Estudiantes leave their mark». Արխիվացված օրիգինալից 2014-12-06-ին. Վերցված է 2016-08-09-ին.

[lenta-3] 1 2 Ангелина Никитина (2021-04-14). ««Выжить было большим успехом» Драки, переломы и тюрьма: как прошел самый жестокий матч в истории футбола». Lenta.RU (ռուսերեն). Վերցված է 2025-05-20-ին.

[guardian-4] 1 2 3 Burnton, Simon (2019-10-20). «Three players jailed, one 'kidnapped': Estudiantes v Milan 50 years on». The Guardian (բրիտանական անգլերեն). Վերցված է 2025-05-20-ին.

[5] Ֆրանսիայի երկրորդ դիվիզիոնի եզրափակիչ

[6] Ֆրանսիայի գավաթ, Շարլ Դրագոյի գավաթ, Իտալիայի գավաթ։

[1]

[2]

[3]

[4]

[5]

[6]