Նեմեա (հնագույն քաղաք)

Վիքիպեդիայից՝ ազատ հանրագիտարանից
Jump to navigation Jump to search
Հնագույն քաղաք
Նեմեա
հին հուն․՝ Νεμέα
Nemea1.jpg
ԵրկիրՀունաստան Հունաստան
ԲԾՄ286 մետր
Խոսվող լեզուներՀին հունարեն
Բնակչություն392 մարդ (2011)
Ազգային կազմՀույներ
Կրոնական կազմՀին հունական դիցաբանություն
Ժամային գոտիUTC+2 և UTC+3
Հեռախոսային կոդ27460
Փոստային ինդեքսներ20500
Պաշտոնական կայքnemea.gr
##Նեմեա (հնագույն քաղաք) (Հունաստան)
Red pog.png

Նեմեա (հին հուն․՝ Νεμέα), հնագույն քաղաք Հին Հունաստանում՝ Պելոպոնեսի հյուսիս-արևելքում, Կորնթոս քաղաքից արևմուտք՝ Կորնթոսի և Արգոլիդայի սահմանի վրա։

Համարվում է Եվրոպայի հնագույն քաղաքներից մեկը։ Նեմեան նշանավոր է նրանով, որ այստեղ լայն գործունեություն է ծավալել Հերակլեսը։

Պատմություն[խմբագրել | խմբագրել կոդը]

Նեմեան հայտնի է նրանով, որ այստեղ լայն գործունեություն է ծավալել Հերակլեսը։ Հունական դիցարանի հերոս, Զևս աստծո և Ամփիտրիոնի կին Ալկմենեեսի որդին՝ Հերակլեսը, Նեմեայում մենամարտել է հին հունական աստվածաբանության մեջ չարության խորհրդանիշ հանդիսացող նեմեյան առյուծի հետ, քանի որ վերջինս ահաբեկում էր տեղի բնակչությանը։

Մենամարտում նա հաղթում է առյուծին և աստվածացվում տեղացիների կողմից։ Հին ժամանակներում Նեմեայում անցկացվել են մարզական խաղեր` ի պատիվ հին հույների գերագույն աստված Զևսի։

Կա մի առասպել, որի համաձայն Հին Հունաստանի արքայի երիտասարդ որդին սպանում է մի օձի, որի տեղում էլ սկսվում են անցկացվել խաղերը։ Հայտնի է, որ որպես կանոն խաղերը սկսել են անցկացվել մ.թ.ա. 573 թվականից։ Մ.թ.ա. 330-320 թվականներին Նեմեայում կառուցվում է մարզադաշտ, որի ավերակները հայտնաբերվել են։

Կարճ ժամանակահատվածում Նեմեական խաղերը ձեռք են բերել համահունական բնույթ։ Քաղաքն ունի փոքրիկ հնագիտական թանգարան, որտեղ պահվում են պղնձե և արծաթե մետաղադրամներ, մարզական իրեր և այլ արտեֆակտներ, որոնք հայտնաբերվել են հնագիտական պեղումների ժամանակ։

Նեմեա քաղաքից 4 կմ հեռավորության վրա գտնվում է մեկ այլ քաղաքի՝ Ֆիլիպուսի ավերակները։ Հայտնի է, որ մ.թ.ա. 7-րդ դարում այն կառավարվել է Լեոն տիրանոսի կողմից։

Աղբյուրներ[խմբագրել | խմբագրել կոդը]

  • М. Мавроматаки. «Греция, между мифом и историей»
  • Г.Берве «Тираны Греции»