Jump to content

Նեկ

Վիքիպեդիայից՝ ազատ հանրագիտարանից
Նեկ
Բնօրինակ անունիտալ.՝ Nek
Ի ծնե անունիտալ.՝ Filippo Neviani
Նաև հայտնի է որպեսNek
Ծնվել էհունվարի 6, 1972(1972-01-06)[1] (54 տարեկան)
Սասուոլո, Մոդենա (գավառ), Էմիլիա Ռոմանիա, Իտալիա
Երկիր Իտալիա
Ժանրերռոք
Մասնագիտություներգիչ, կոմպոզիտոր, երգերի հեղինակ, ստուդիական երաժիշտ, երաժիշտ և Բազմագործիքավորող
Գործիքներբաս կիթառ և վոկալ
ԼեյբլFonit Cetra? և Warner Music Group
Կայքnekweb.com
 Nek Վիքիպահեստում

Նեկ (իտալ.՝ Nek, իրական անուն՝ Ֆիլիպո Նևյանի (իտալ.՝ Filippo Neviani), հունվարի 6, 1972(1972-01-06)[1], Սասուոլո, Մոդենա (գավառ), Էմիլիա Ռոմանիա, Իտալիա), իտալացի երգիչ, երգահան, ռոք և փոփ ժանրերի երաժիշտ։

Երիտասարդություն

[խմբագրել | խմբագրել կոդը]

Ֆիլիպո Նևյանին ծնվել է 1972 թվականի հունվարի 6-ին Իտալիայի Մոդենա նահանգի Սասուոլո քաղաքում[2][3]։ Ինը տարեկանում սկսել է նվագել հարվածային գործիքներ, բաս և կիթառ[4]։ Նրա վրա հատկապես ազդեցություն են ունեցել քանթրի երաժիշտները, ինչպիսիք են Ջոն Դենվերը և ավելի ուշ՝ Սթինգը[5]։ 1980-ականների վերջին սկսել է նվագել փոքր ակումբներում Winchester խմբի հետ և հետագայում վայելել է աճող հայտնիություն Բոլոնիայի նահանգում՝ White Lady սոֆթ ռոք խմբի կազմում[2][4]։ 1991 թվականին նա սկսել է իր մենակատարային կարիերան, երբ զբաղեցրել է երկրորդ տեղը Castrocaro երաժշտական փառատոնում, որն այդ ժամանակ հզոր մեկնարկային հարթակ էր սկսնակ արտիստների համար[2][4][6]։

Կարիերա

[խմբագրել | խմբագրել կոդը]
Նեկը 2005 թվականին։

1992 թվականին թողարկվել է Նեկի առաջին ալբոմը։ 1993 թվականին Սան Ռեմո երաժշտական փառատոնում նա զբաղեցրել է երրորդ տեղը նորեկների շարքում «In te» երգով, որը վերաբերում էր աբորտի վիճահարույց հարցին[7]։ Դա նաև Նեկի երկրորդ ալբոմի անվանումն էր, որը ներառում էր նրա «Figli di chi» երգի տարբերակը, որը նույնպես հայտնվել էր 1993 թվականի Սան Ռեմոյի փառատոնում․ երգը կատարել էր երգչուհի Մյեթան։

1994 թվականի ամռանը նա թողարկել է իր երրորդ՝ Calore umano ալբոմը և զբաղեցրել է երկրորդ տեղը Մայք Բոնջորնոյի կողմից կազմակերպվող Italiano փառատոնում «Angeli nel ghetto» երգով[2]։ Նույն թվականին նա ստացել է նաև Եվրոպական մրցանակ՝ որպես լավագույն երիտասարդ իտալացի փոփ արտիստ[4]։

WEA-ի հետ ձայնագրման պայմանագիր կնքելուց հետո, որը մինչ օրս մնում է նրա լեյբլը (այժմ՝ Warner Music Group), 1996 թվականին թողարկվել է նրա Lei, gli amici e tutto il resto չորրորդ ստուդիական ալբոմը, որը չափավոր կոմերցիոն հաջողության է արժանացել։ 1997 թվականին նա մասնակցել է Սան Ռեմոյի երաժշտական փառատոնին «Laura non c'e» երգով։ «Laura non c'e»-ի հսկայական հաջողությունը խթանել է Lei, gli amici e tutto il resto ալբոմի վաճառքը, որը 6 անգամ պլատինե մրցանակի է արժանացել՝ միայն Իտալիայում վաճառվելով ավելի քան 600,000 օրինակով։ Նույն թվականին Նեկը նաև մասնակցել է Festivalbar-ին՝ «Sei grande» երգով և դեբյուտ է ունեցել եվրոպական շուկայում։ Ալբոմի իսպաներեն տարբերակը թողարկվել է մայիսին։ WEA Italy-ի տվյալներով՝ Նեկը Իսպանիայում վաճառել է 300,000, Ֆրանսիայում՝ 100,000 ալբոմ, Ֆրանսիայում ևս Laura non c’e ալբոմի 250 000 կրկնօրինակ է վաճառել[7][8]։ 1998 թվականի օգոստոսին Նեկը պաշտոնապես ստացել է IFPI մրցանակը Եվրոպայում մեկ միլիոնից ավելի օրինակ ալբոմների վաճառքի համար[7][9]։

Սինգլը և ալբոմը հաջողությամբ հայտնվել են նաև Շվեյցարիայի, Բելգիայի, Ավստրիայի, Պորտուգալիայի, Շվեդիայի, Ֆինլանդիայի և Գերմանիայի չարթերում։ Նեկի միջազգային հեղինակությունը հաստատվել է, երբ ալբոմը թողարկվել է Լատինական Ամերիկայում, այդ թվում՝ Բրազիլիայում և Արգենտինայում, որտեղ «Laura no está»[10] սինգլը դարձել է հիթ, և ինչպես երգը, այդպես էլ ալբոմը ստացել են ոսկե հավաստագիր՝ վաճառվելով 100,000 օրինակ Մեքսիկայում[7][11]։

Իսպանիայում Նեկը առաջադրվել է Ամիգո մրցանակի «Լավագույն նոր արտիստ» անվանակարգում[12], իսկ ալբոմն առաջադրվել է 1999 թվականին Billboard Latin Music Awards մրցանակաբաշխությանը «Տարվա ռոք ալբոմ» անվանակարգում[13]։ Նեկը մեկնաբանել է, թե ինչպես են իր նախկին անփորձությունն ու երաժշտական ինքնության որոնումները, ինչպես նաև լեյբլի և երաժշտական ոճի փոփոխությունն ավանդական իտալական փոփից դեպի ավելի անգլիական փոփ ռոք ժանր, հանգեցրել իր անսպասելի հաջողությանը:

1998 թվականին հունիսին Եվրոպայում, Լատինական Ամերիկայում և Ճապոնիայում թողարկվել է նրա հինգերորդ ստուդիական ալբոմը: «Se io non-avessi te» սինգլը անմիջապես գլխավորել է վաճառքի չարթերը և միացել է բարձր դիրքերում բոլոր խոշոր չարթերում ավելի քան չորս ամիս, ինչի շնորհիվ այն արժանացել է Festivalbar «Radio» մրցանակի[14]: Ալբոմը եռակի պլատինի է արժանացել Իտալիայում, Իսպանիայում և ոսկու՝ ամբողջ Եվրոպայում: 1999 թվականի առաջին կեսին շրջագայել է Իտալիայում, Եվրոպայում և Լատինական Ամերիկայում՝ վայելելով մեծ հաջողություններ։

Նրա վեցերորդ ալբոմը՝ La vita è-ն, թողարկվել է ամբողջ աշխարհում 2000 թվականի հունիսի 2-ին և Իտալիայի չարթերում զբաղեցրել է ութերորդ հորիզոնականը[15], իսկ Շվեյցարիայում՝ յոթերորդ հորիզոնականը, վաճառվելով ավելի քան 360,000 օրինակով երկու լեզուներով[16]։ Երկու տարի անց՝ 2002 թվականի մայիսի 24-ին, թողարկվել է նրա յոթերորդ ալբոմը՝ Le cose da difendere-ն, որը Իտալիայում զբաղեցրել է չորրորդ հորիզոնականը[17][18][19], այնտեղ արժանանալով պլատինի, իսկՇվեյցարիայում՝ ոսկու։

2003 թվականի հոկտեմբերի 10-ին նրա առաջին մեծագույն հիթերի հավաքածուն՝ The Best of Nek: L'anno zero, թողարկվել է ինչպես իտալական, այնպես էլ իսպանական տարբերակներով։ Այն ունեցել է հաջողակ 10 տարի՝ առաջարկելով հիթեր՝ վերցված յոթ նախորդ ալբոմներից, ինչպես նաև երկու չթողարկված Almeno stavolta և L'anno zero թրեքներ[20]: Ալբոմը վաճառվել է ավելի քան 300,000 օրինակով միայն Իտալիայում[21] և գրավել է 3-րդ հորիզոնականը չարթերում, որտեղ այն մնացել է 40 շաբաթ, որից 13-ը՝ Թոփ 10-ում էր: «Almeno stavolta» երգը շատ տարածված էր և գրավել էր 5-րդ հորիզոնականը չարթերում[22]։ 2004 թվականին կայացել է եվրոպական և լատինաամերիկյան շրջագայություն։

2005 թվականի մայիսի 13-ին թողարկվել է նրա ութերորդ ստուդիական ալբոմը՝ Una parte di me-ն։ Ալբոմը Իտալիայում և Շվեյցարիայում զբաղեցրել է երրորդ հորիզոնականը՝ մնալով իտալական չարթերում ավելի քան 50 շաբաթ և վաճառվելով ավելի քան 200,000 օրինակով[23]։ Հուլիսի 2-ին Նեկը ելույթ է ունեցել Live 8 բարեգործական համերգում[24], իսկ նոյեմբերին նա սկսել է շրջագայություն՝ նոր ալբոմը գովազդելու համար, դեբյուտը կատարելով Միլանի ֆորումում, որտեղ նրա մոտ ստացվել է վաճառել բոլոր տոմսերը, նա փորձել է նույն հաջողությանը հասնել յուրաքանչյուր իտալական քաղաքում։

Ալբոմում ներառված էր հիթային Lascia che io sia… սինգլը[25][26]։ Սինգլը հասել է չարթերի երկրորդ հորիզոնականին, ինչպես նաև մնացել է լավագույն ութնյակում 15 շաբաթ[27], ստանալով պլատինե հավաստագիր, դարձել է այդ տարի Իտալիայի տասը ամենաշատ վաճառվող սինգլներից մեկը[28]։ 2007 թվականի ամռանը Նեկը վերաձայնագրել է «Para ti sería…» երգը իսպանական «El Sueño de Morfeo» խմբի հետ։ Երգը ներառվել է En el cuarto 26 ալբոմի վերաթողարկման մեջ և հասել է իսպանական ներբեռնումների չարթերի առաջին հորիզոնականին՝ ավելի քան 13 շաբաթ պահպանելով առաջին հորիզոնականը[29][30][31]։ Հաջորդ երկու սինգլները՝ «Contromano»-ն և «L'inquietudine»-ը, նույնպես բարձրացել են իտալական ռադիո չարթեր։

2006 թվականի նոյեմբերի 23-ին Նեկը թողարկել է իր իններորդ Nella stanza 26 ալբոմը, որը զբաղեցրել է հինգերորդ տեղը Իտալիայում և Շվեյցարիայում և կրկին վաճառվել է ավելի քան 200,000 օրինակով։ Այն ներառում էր «Instabile» հիթ սինգլը, որը զբաղեցրել է երրորդ հորիզոնականը[32] և մնացել է լավագույն հնգյակում 6 շաբաթ[33]։ 2007 թվականին «Nella stanza 26» երգի համար Նեկը ստացել է հեղինակավոր Lunezia «Poesia del Rock» մրցանակը[34] և ելույթ է ունեցել Հռոմում կայացած Wind Music Awards մրցանակաբաշխությանը[35]։

Նեկը 2009 թվականին։

2008 թվականին Նեկը «Walking Away» դուետ է ձայնագրել Կրեյգ Դևիդի հետ[36]։

2009 թվականի հունվարի 30-ին Նեկը թողարկել է իր տասներորդ Un'altra direzione ալբոմը, որը պարունակում է 12 նոր երգ[37]։ Այն պլատինե հավաստագիր է ստացել և վաճառվել ավելի քան 70 000 օրինակով[38]։

2010 թվականի նոյեմբերի 16-ին թողարկվել է Greatest Hits 1992–2010: E da qui ալբոմը, որը պարունակում է Նեկի 20-ամյա կարիերայի երգերի հավաքածուն և երեք նախկինում չհրապարակված երգեր։ Այն մնացել է չարթերում ավելի քան 64 շաբաթ[39] և ստացել է պլատինե հավաստագիր[40]: Մարտի 28-ին Նեկը Վատիկանի Սուրբ Պետրոսի հրապարակում Երիտասարդության համաշխարհային օրվա 25-ամյակի առթիվ կատարել է երկու երգ՝ «Se non-ami» «Per non-morire mai»[41]։

Հուլիսին Նեկը ելույթ է ունեցել Ասսիզիի Բազիլիկի Սան Ֆրանչեսկո հրապարակում բարեգործական համերգի ժամանակ[42]։ 2012 թվականի հուլիսի 25-ին նա ելույթ է ունեցել Բոլոնիայի «Ռենատո Դալարա» մարզադաշտում մարդասիրական մեծ համերգի ժամանակ[43]։

2013 թվականի ապրիլի 16-ին թողարկվել է Filippo Neviani-ն՝ նրա տասնմեկերորդ ստուդիական ալբոմը, որը երաժշտական չարթերում զբաղեցրել է երկրորդ հորիզոնականը[44]։ Ալբոմի բոլոր երգերը կատարել է Նեկը[45]։ Ալբոմը հաջորդել է «Congiunzione Astrale» հիթային սինգլին, որը թողարկվել է 2013 թվականի մարտի 22-ին։ Հաջորդ սինգլը՝ «La metà di niente»-ն, նույնպես վերաձայնագրվել է իսպաներենով՝ «La Mitad de Nada», որպես դուետ Սերջիո Դալմայի հետ[46]։ 2014 թվականին Նեկը արժանացել է Lunezia մրցանակի փոփ-ռոք անվանակարգում[47]։

Մայիսի 11-ին Նեկը ելույթ է ունեցել Միլանի Պիացցա Դուոմո հրապարակում կայացած RadioItalia-ի կենդանի համերգին[48]։ Հունիսին նա ելույթ է ունեցել Ասսիզիի բարեգործական համերգին[49], իսկ հուլիսին Հռոմի Իտալական Ֆորոում[50], և Լոս Անջելեսի Reventon երաժշտական փառատոնում[51][52]։ Սեպտեմբերի 23-ին նա ելույթ է ունեցել Բարսելոնայի La Mercè փառատոնում[53]։ Հոկտեմբերի 3-ին Նեկի եվրոպական շրջագայությունը չեղարկվել է ձայնալարերի հետ կապված խնդիրների պատճառով, որոնք նրան թույլ չեն տվել երգել երկու ամիս[54]։

2014 թվականին Նեկը ստացել է Tributo ad Augusto մրցանակը, որը ամեն տարի շնորհվում է իր գեղարվեստական և հասարակական աշխատանքով աչքի ընկնող երաժշտին[55]: Մարտի 28-ին Նեկը՝ որպես պատվավոր նախագահ, ներկայացրել է Magna Grecia 17-րդ մրցանակաբաշխությունը՝ գեղեցկությանը, մշակույթին և արվեստին նվիրված ցուցահանդեսը, որը ամեն տարի կայանում է Ապուլիայում[56]: Սեպտեմբերի 1-ին նա ուղիղ եթերում ելույթ է ունեցել Հռոմի Օլիմպիական մարզադաշտում կայացած Partita Interreligiosa per la Pace մարդասիրական ֆուտբոլային խաղում[57]:

2016 թվականին Նեկը մարզիչ էր Amici di Maria De Filippi տաղանդների շոուի 15-րդ թողարկումում[58][59]։ Մայիսին թողարկվել է «Uno di questi giorni» սինգլը, որը արժանացել է ոսկե հավաստագրման[60]։ Հուլիսին նա ելույթ է ունեցել լատինաամերիկյան երաժշտությանը նվիրված Reventon փառատոնում և Լոս Անջելեսի Microsoft Theatre-ում[61]։

Հոկտեմբերի 14-ին թողարկվել է նրա տասներեքերորդ ստուդիական ալբոմը՝ Unici-ն։ 2017 թվականի գարնանը և ամռանը ալբոմի թողարկմանը հաջորդել է համազգային շրջագայությունը[62], ինչպես նաև 2017 թվականի մայիսի 21-ին նրա առաջին համերգը Վերոնայի արենայում[63]։

Անձնական կյանք

[խմբագրել | խմբագրել կոդը]

2006 թվականի սեպտեմբերի 2-ին Նեկը ամուսնացել է Պատրիսիա Վակոնդիոյի հետ[64]։ Նրանք ունեն դուստր՝ Բեատրիս Մարիան, որը ծնվել է 2010 թվականի սեպտեմբերի 12-ին։

Սկավառակագրություն

[խմբագրել | խմբագրել կոդը]

Իտալերեն ալբոմներ

  • Nek, 1992
  • In te, 1993
  • Calore umano, 1995
  • Lei, gli amici e tutto il resto, 1997
  • In due, 1998
  • La vita è, 2000 (Ամբողջ ժամանակաշրջանի ամենահայտնի երգ)
  • Le cose da difendere, 2002
  • The Best Of Nek — L’anno zero, 2003
  • Una parte di me, 2005
  • Nella stanza 26, 2006
  • Un’altra direzione, 2009
  • E da qui — Greatest Hits 1992—2010, 2010
  • Filippo Neviani, 2013
  • Prima di parlare, 2015
  • UNICI, 2016

Իսպաներեն ալբոմներ

  • Nek, 1997
  • Entre tú y yo, 1999
  • La vida es, 2000
  • Las cosas que defenderé, 2002
  • Lo mejor de Nek — El año cero, 2003
  • Una parte de mí, 2005
  • En el cuarto 26, 2006
  • Nuevas direcciones, 2009
  • Es así — Greatest Hits 1992—2010, 2011
  • Filippo Neviani (Spanish Version) 2013

Սինգլներ

  • In te
  • Uomo con te
  • Angeli nel ghetto
  • Cuori in tempesta
  • Dimmi cos'è
  • Tu sei, tu sai
  • Laura non c'è
  • Sei grande
  • Se io non avessi te
  • Se una regola c'è
  • Sto con te
  • Con un ma e con un se
  • Ci sei tu
  • Sul treno
  • La vita è
  • Con la terra sotto di me
  • Sei solo tu
  • Parliamo al singolare
  • Le cose da difendere
  • Cielo e terra
  • Almeno stavolta
  • L’anno zero
  • Lascia che io sia
  • Contromano
  • L’inquietudine
  • Instabile
  • Notte di febbraio
  • Nella stanza 26
  • La voglia che non vorrei
  • Congiunzione Astrale
  • La metà di niente
  • Fatti avanti amore

Ծանոթագրություններ

[խմբագրել | խմբագրել կոդը]
  1. 1 2 Discogs(անգլերեն) — 2000.
  2. 1 2 3 4 Deregibus, Enrico (2006). Dizionario completo della Canzone Italiana [The complete dictionary of Italian Song] (իտալերեն). Giunti Editore. էջ 332. ISBN 9788809756250. Արխիվացված է օրիգինալից 2021-06-04-ին. Վերցված է 2016-01-31-ին.
  3. ↑ «Neck, Beatrice c'è». Famiglia Cristiana (իտալերեն). 2010-11-18. Արխիվացված է օրիգինալից 2021-06-04-ին. Վերցված է 2021-06-04-ին.
  4. 1 2 3 4 «Sanremo Campioni: Biografia Nek» (իտալերեն). Rai. Արխիվացված է օրիգինալից 2015-03-17-ին. Վերցված է 2015-02-16-ին.
  5. ↑ Pozzi, Gloria (1998-06-12). «Nek: ho imparato tutto da Sting». Corriere della Sera (իտալերեն): 35. Արխիվացված է օրիգինալից 2015-09-26-ին. Վերցված է 2017-01-03-ին.
  6. ↑ «Nek agli esordi in TV: debutto nel 1991 con Fiorello in giuria». VelvetMusic (իտալերեն). Metup.it. 2013-05-26. Արխիվացված է օրիգինալից 2021-06-04-ին. Վերցված է 2021-06-04-ին.
  7. 1 2 3 4 Lannert, John; Dezzani, Mark (1998-06-06). «Italy's Nek A Latino Success Story». Billboard. 110 (23): 11, 91. Արխիվացված օրիգինալից 2021-06-04-ին. Վերցված է 2015-02-15-ին.
  8. ↑ Tesseyre, Cecile (1998-02-28). «Nek launches his career in France with "Laura non-c'è"». Billboard. 110 (9): 55. Արխիվացված օրիգինալից 2021-06-04-ին. Վերցված է 2015-02-15-ին.
  9. ↑ «Music And Politics Mix at Platinum Europe Awards». Billboard. 110 (32): 44. 1998-08-08. Արխիվացված օրիգինալից 2021-06-04-ին. Վերցված է 2015-02-15-ին.
  10. ↑ «Nek - Laura no està (Official Video) - YouTube». Արխիվացված օրիգինալից 2023-03-15-ին. Վերցված է 2024-03-10-ին.
  11. ↑ Lannert, John (1998-05-16). «Elvis Crespo Has His Own Shakin' Goin' On; Chart Notes, Radio». Billboard. 110 (20): 45. Արխիվացված օրիգինալից 2019-12-16-ին. Վերցված է 2015-02-15-ին.
  12. ↑ Llewellyn, Howell (1997-11-22). «Spain, Premios Amigo». Billboard. 109 (47): 74. Արխիվացված օրիգինալից 2021-06-04-ին. Վերցված է 2015-02-15-ին.
  13. ↑ Llewellyn, Howell (1999-04-22). «Latin Music Award Winners & Finalists». Billboard. 111 (17): 32. Արխիվացված օրիգինալից 2021-06-04-ին. Վերցված է 2015-02-15-ին.
  14. ↑ Luzzatto, Fegiz Mario (1998-09-06). «Vasco trionfa al Festivalbar e attacca la tv». Corriere della Sera (իտալերեն): 34. Արխիվացված օրիգինալից 2015-12-22-ին. Վերցված է 2015-02-19-ին.
  15. ↑ «Hits of the World». Billboard. 112 (31): 50–51. 2000-07-29. Արխիվացված օրիգինալից 2021-06-04-ին. Վերցված է 2015-02-15-ին.
  16. ↑ Cobo, Leila (2000-11-11). «Hits of the World». Billboard. 112 (46): 47. Արխիվացված օրիգինալից 2021-06-04-ին. Վերցված է 2015-02-15-ին.
  17. ↑ «Hits of the World». Billboard. 114 (24): 62. 2002-06-15. Արխիվացված օրիգինալից 2021-06-04-ին. Վերցված է 2015-02-15-ին.
  18. ↑ «Hits of the World». Billboard. 114 (25): 52. 2002-06-22. Արխիվացված օրիգինալից 2021-06-04-ին. Վերցված է 2015-02-15-ին.
  19. ↑ «Hits of the World». Billboard. 114 (26): 52. 2002-06-29. Արխիվացված օրիգինալից 2021-06-04-ին. Վերցված է 2015-02-15-ին.
  20. ↑ Sexton, Paul (2003-10-18). «Europe's Local Stars Seek Regional Success». Billboard. 115 (42): 45. Արխիվացված օրիգինալից 2021-06-04-ին. Վերցված է 2015-02-15-ին.
  21. ↑ Laffranchi, Andrea (2004-04-21). «Nek: Depeche Mode e America? Basiliari». Corriere della Sera (իտալերեն): 38. Արխիվացված օրիգինալից 2016-01-25-ին. Վերցված է 2015-02-19-ին.
  22. ↑ «Almeno Stavolta on Italian charts». ItaliaCharts.com. Hung Medien. Արխիվացված օրիգինալից 2015-03-16-ին. Վերցված է 2015-02-16-ին.
  23. ↑ Worden, Mark (2005-09-05). «Nek Stretches». Billboard. 117 (36): 77. Արխիվացված օրիգինալից 2021-06-04-ին. Վերցված է 2015-02-15-ին.
  24. ↑ «Africa, oggi il Live8 in dieci città del mondo». Corriere della Sera (իտալերեն). 2005-07-02. Արխիվացված է օրիգինալից 2016-03-03-ին. Վերցված է 2021-06-04-ին.
  25. ↑ «Festivalbar: Nek su Jovanotti all'ultimo show». Corriere della Sera (իտալերեն). 2005-09-14. Արխիվացված է օրիգինալից 2016-03-04-ին. Վերցված է 2021-06-04-ին.
  26. ↑ Worden, Mark (2005-09-16). «Warner Artists Dominate Italy's Festivalbar». Billboard. Արխիվացված է օրիգինալից 2015-09-06-ին. Վերցված է 2021-06-04-ին.
  27. ↑ «Lascia che io sia on Italian charts». ItaliaCharts.com. Hung Medien. Արխիվացված օրիգինալից 2015-03-16-ին. Վերցված է 2015-02-16-ին.
  28. ↑ «I singoli più venduti del 2005». Hit Parade Italia (իտալերեն). Արխիվացված օրիգինալից 2013-12-10-ին. Վերցված է 2015-02-15-ին.
  29. ↑ «Para Ti Seria on Spain Digital Songs chart on 15-12-2007». Billboard Biz. Արխիվացված օրիգինալից 2015-09-07-ին. Վերցված է 2015-02-19-ին.
  30. ↑ «Para Ti Seria on Spain Digital Songs Chart on 01-03-2008». Billboard Biz. Արխիվացված օրիգինալից 2015-09-07-ին. Վերցված է 2015-02-19-ին.
  31. ↑ «Hits of the World». Magazine. Vol. 120, no. 10. 2008-03-08. էջ 66. Արխիվացված օրիգինալից 2021-06-04-ին. Վերցված է 2015-02-19-ին.
  32. ↑ «Hits of the World». Billboard. 118 (50): 58. 2006-12-16. Արխիվացված օրիգինալից 2021-06-04-ին. Վերցված է 2015-02-15-ին.
  33. ↑ «Instabile on Italian charts». ItaliaCharts.com. Hung Medien. Արխիվացված օրիգինալից 2015-03-16-ին. Վերցված է 2015-02-16-ին.
  34. ↑ «Comunicato Stampa: Nek vince Premio Lunezia – Poesia del Rock 2007» (իտալերեն). Rockol. 2009-01-17. Արխիվացված է օրիգինալից 2015-11-23-ին. Վերցված է 2021-06-04-ին.
  35. ↑ Worden, Mark (2007-07-21). «The Big Chill». Billboard. 119 (29): 20–21. Արխիվացված օրիգինալից 2021-06-04-ին. Վերցված է 2015-02-15-ին.
  36. ↑ Smirke, Richard (2009-01-17). «Get Together». Billboard. 121 (2): 15. Արխիվացված օրիգինալից 2021-06-04-ին. Վերցված է 2015-02-15-ին.
  37. ↑ Worden, Mark (2009-03-14). «New Direction». Billboard. 121 (10): 35. Արխիվացված օրիգինալից 2021-06-04-ին. Վերցված է 2015-02-15-ին.
  38. ↑ «Domani 21 Aprile 2009 - Artisti uniti per l'Abruzzo». Valdelsa.net (իտալերեն). Արխիվացված օրիգինալից 2015-02-16-ին. Վերցված է 2015-02-15-ին.
  39. ↑ «Greatest Hits 1992–2010: E da qui on Italian charts». ItaliaCharts.com. Hung Medien. Արխիվացված օրիգինալից 2015-02-19-ին. Վերցված է 2015-02-19-ին.
  40. ↑ «Certificazioni Artisti - Dalla settimana 1 del 2009 alla settimana 39 del 2011» (PDF) (իտալերեն). Արխիվացված է օրիգինալից (PDF) 2012-05-29-ին. Վերցված է 2013-07-31-ին.
  41. ↑ «Dio ha un progetto per me, la mia vita è importante e necessaria. È un dono che è bene vivere. L'essenziale è l'amore». Giovani Favara (իտալերեն). 2010-03-28. Արխիվացված է օրիգինալից 2015-02-16-ին. Վերցված է 2015-02-15-ին.
  42. ↑ «Con Carlo Conti musica benefica». Corriere della Sera (իտալերեն). 2011-06-15. Արխիվացված է օրիգինալից 2021-06-04-ին. Վերցված է 2021-06-04-ին.
  43. ↑ «Ligabue e soci per solidarietà». Corriere della Sera (իտալերեն). 2012-07-25. Արխիվացված է օրիգինալից 2021-06-04-ին. Վերցված է 2021-06-04-ին.
  44. ↑ «Il nuovo disco di Nek al top: la più alta new entry». Corriere della Sera (իտալերեն). 2013-04-30. Արխիվացված է օրիգինալից 2015-09-24-ին. Վերցված է 2021-06-04-ին.
  45. ↑ Ascione, Arianna (2013-04-12). «Filippo Neviani, Nek: "Il disco si chiama come me perchè è il mio disco più personale"». Soundblog.it (իտալերեն). Արխիվացված օրիգինալից 2015-02-16-ին. Վերցված է 2013-05-04-ին.
  46. ↑ «"La Mitad de Nada": Nek duetta con Sergio Dalma». Corriere della Sera (իտալերեն). 2013-04-13. Արխիվացված է օրիգինալից 2015-09-24-ին. Վերցված է 2021-06-04-ին.
  47. ↑ «Elisa, Nek, Pezzali... Tutti I Vincitori Del Premio Lunezia 2014». Radio Italia (իտալերեն). 2014-07-09. Արխիվացված է օրիգինալից 2021-06-04-ին. Վերցված է 2021-06-04-ին.
  48. ↑ «11 big live l'11 maggio in Piazza Duomo a Milano». Corriere della Sera (իտալերեն). 2013-04-19. Արխիվացված է օրիգինալից 2021-06-04-ին. Վերցված է 2021-06-04-ին.
  49. ↑ «Assisi, le star della musica italiana insieme nel nome della solidarietà» (իտալերեն). La Repubblica. 2013-06-08. Արխիվացված է օրիգինալից 2019-12-28-ին. Վերցված է 2021-06-04-ին.
  50. ↑ «Nek a Roma, oltre due ore di concerto in attesa del tour autunnale. Guarda le foto». Radio Italia (իտալերեն). 2013-07-16. Արխիվացված է օրիգինալից 2021-06-04-ին. Վերցված է 2021-06-04-ին.
  51. ↑ «Nek Al "Reventon Super Estrella Music" Di Los Angeles». Radio Italia (իտալերեն). 2013-06-05. Արխիվացված է օրիգինալից 2016-03-05-ին. Վերցված է 2021-06-04-ին.
  52. ↑ «Reventon Super Estrella 2013». Global Trend Productions. Արխիվացված է օրիգինալից 2015-02-16-ին. Վերցված է 2021-06-04-ին.
  53. ↑ «Nek Al "Merce 2013", La Festa Della Città Di Barcellona». Radio Italia (իտալերեն). 2013-06-05. Արխիվացված է օրիգինալից 2016-03-05-ին. Վերցված է 2021-06-04-ին.
  54. ↑ Suriani, Samantha (2013-10-03). «Nek: annullati i concerti del tour 2013 a causa di un edema alle corde vocali». VelvetMusic (իտալերեն). Metup.it. Արխիվացված է օրիգինալից 2021-06-05-ին. Վերցված է 2021-06-04-ին.
  55. ↑ «Nek Vince Il Tributo Ad Augusto Dei Nomadi». Radio Italia (իտալերեն). 2014-02-03. Արխիվացված է օրիգինալից 2018-02-04-ին. Վերցված է 2021-06-04-ին.
  56. ↑ «Nek, Presidente Onorario, Presenta I "Magna Grecia Awards 2014"». Radio Italia (իտալերեն). 2014-03-28. Արխիվացված է օրիգինալից 2021-06-05-ին. Վերցված է 2021-06-04-ին.
  57. ↑ «Nek Canterà All'Olimpico Di Roma Per La Partita Per La Pace». Radio Italia (իտալերեն). 2014-03-28. Արխիվացված է օրիգինալից 2021-06-04-ին. Վերցված է 2021-06-04-ին.
  58. ↑ «Amici 15: Emma, Elisa, Nek e J-Ax saranno i direttori artistici». Radio Italia (իտալերեն). 2016-02-27. Արխիվացված է օրիգինալից 2021-06-04-ին. Վերցված է 2021-06-04-ին.
  59. ↑ «Nek: ecco copertina e tracklist di "Unici"». Radio Italia (իտալերեն). 2016-09-22. Արխիվացված է օրիգինալից 2021-06-05-ին. Վերցված է 2021-06-04-ին.
  60. ↑ «Nek ritorna con un nuovo singolo "Uno di questi giorni"». Radio Italia (իտալերեն). 2016-04-29. Արխիվացված է օրիգինալից 2021-06-04-ին. Վերցված է 2021-06-04-ին.
  61. ↑ Giovanni Ferrari (2016-07-25). «Nek al Reventon 2016: le immagini». Panorama (իտալերեն). Arnoldo Mondadori Editore Spa. Արխիվացված է օրիգինալից 2019-04-04-ին. Վերցված է 2021-06-04-ին.
  62. ↑ Andrea Conti (2016-12-23). «Nek live: Arena di Verona e tour primavera estate 2017». Radio RTL 102,500 (իտալերեն). Արխիվացված է օրիգինալից 2021-06-04-ին. Վերցված է 2021-06-04-ին.
  63. ↑ Andrea Conti (2016-10-28). «Nek, concerto all'Arena di Verona il 21 maggio 2017». Radio RTL 102,500 (իտալերեն). Արխիվացված է օրիգինալից 2021-06-04-ին. Վերցված է 2021-06-04-ին.
  64. ↑ «Il tuo bacio è come... Milano». Corriere della Sera (իտալերեն). 2013-06-28. Վերցված է 2017-01-03-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Նեկ» հոդվածին։
Ստացված է «https://hy.wikipedia.org/w/index.php?title=Նեկ&oldid=10870523» էջից