Նելսոն Օլգրեն

Նելսոն Օլգրեն
Ծնվել է	մարտի 28, 1909[…]
Ծննդավայր	Դետրոյթ, Միչիգան, ԱՄՆ
Վախճանվել է	մայիսի 9, 1981[…] (72 տարեկան)
Վախճանի վայր	Նյու Յորք, Նյու Յորք, ԱՄՆ
Մասնագիտություն	գրող և վիպասան
Քաղաքացիություն	ԱՄՆ
Կրթություն	Ուրբանա-Շամպեյնի Իլինոյսի համալսարան, Theodore Roosevelt High School? և UIUC College of Media?
Ժանրեր	վեպ
Ուշագրավ աշխատանքներ	Never Come Morning?
Անդամակցություն	Արվեստի և գրականության ամերիկյան ակադեմիա
Աշխատավայր	Iowa Writers' Workshop?
Պարգևներ	Ազգային գրքի պարգև
Համատեղ ապրող	Սիմոնա դը Բովուար
	Nelson Algren Վիքիպահեստում

Նելսոն Օլգրեն (անգլ.՝ Nelson Algren, մարտի 28, 1909(1909-03-28)^[1]^[2]^[3]^[…], Դետրոյթ, Միչիգան, ԱՄՆ^[2] - մայիսի 9, 1981(1981-05-09)^[1]^[2]^[3]^[…], Նյու Յորք, Նյու Յորք, ԱՄՆ), ամերիկացի գրող, գրքի ազգային մրցանակի դափնեկիր։

Կենսագրություն[խմբագրել | խմբագրել կոդը]

Նելսոն Օլգրենը շվեդացի արտագաղթողի և գերմանացի հրեայի որդի էր։ Նրա մանկությունն անցել է Չիկագոյի հարավային մասում` աղքատների շրջանում, որտեղ ձևավորվել են Օլգրենի ստեղծագործական տեսակետները։ Հենց այստեղից էլ նա ձեռք է բերել իր ստեղծագործությունների թեմաները` տեղական քաղաքական գործիչների և մեծ քաղաքի՝ սոցիալական ցնցումներով կյանքը` մարմնավաճառներ, հարբեցողներ և հանցագործներ։

Ավարտել է Չիկագոյի Իլինոյսի համալսարանի լրագրության ֆակուլտետը։ Փորձել է մի շարք պատահական աշխատանքներ։ Մի անգամ նա նույնիսկ գողության համար բանտ է ընկել։ Օլգրենը Երկրորդ համաշխարհային պատերազմի մասնակից է եղել։ Ծառայել էր Ֆրանսիայում։ Երկու անգամ ամուսնացել է։ 1947 թվականին ԱՄՆ-ում հանդիպել է ֆրանսիացի գրող Սիմոնա դը Բովուարի հետ, որի հետ հարաբերությունները տևել են 14 տարի։ Նրա հետ Օլգրենը բազմաթիվ ուղևորություններ և ճանապարհորդություններ է կատարել Լատինական Ամերիկայում, Հունաստանում և Թուրքիայում։ Իր ձախակողմյան հայացքների համար նա քննարկման առարկա է դարձել Հակաամերիկյան գործողությունները հետաքննող հանձնաժողովի համար։ 1981 թվականին՝ ամերիկյան Արվեստի և գրականության ակադեմիայի անդամ ընտրվելու կապակցությամբ կազմակերպված ընդունելության ժամանակ, նա հանկարծամահ է եղել։

Գործունեություն[խմբագրել | խմբագրել կոդը]

1930-ականների հասարակական վերելքի ժամանակ լույս է տեսել «Ինչ-որ մեկը կոշիկներով» վեպը (անգլ.՝ «Somebody in boots», 1935)` Չիկագոյի պատանիների մասին, որոնք շեղվել էին ճիշտ ուղուց։ Հեղինակի հետագա ստեղծագործությունները պատմում էին նաև Չիկագոյի արվարձանների մարդկանց մասին։ Այդ ստեղծագործություններից լավագույնը «Ոսկե ձեռքով մարդը» վեպն էր (1949), որը արժանացել էր ԱՄՆ-ի գրքի ազգային մրցանակին (1950):

«Ուղևորություն վայրի երկրով» վեպում (1956) գրողը ստեղծել է 1930-ականներին Ամերիկայում հասարակական վերելքի ժամանակ տիրող չարի և փոխհարաբերությունների մռայլ պատկերը։

Օլգրենը գրել է մի քանի վիպակներ և 50-ից ավելի պատմվածքներ, բանաստեղծություններ, քննադատական ակնարկներ և այլն։

Հատընտիր ստեղծագործություններ[խմբագրել | խմբագրել կոդը]

Somebody in Boots (1935)
Never Come Morning (1942)
The Neon Wilderness (պատմվածքների հավաքածու, 1947)
The Man with the Golden Arm (1949)
Chicago: City on the Make (1951)
A Walk on the Wild Side (1956)
Nelson Algren’s Own Book of Lonesome Monsters (1962)
Who Lost an American? (1963)
Conversations with Nelson Algren (1964)
Notes from a Sea Diary: Hemingway All the Way (1965)
The Last Carousel (1973)
The Devil’s Stocking (1983)
America Eats (1992)
He Swung and He Missed (1993)
The Texas Stories of Nelson Algren (1994)
Nonconformity (1996)
Notes From a Sea Diary & Who Lost an American (2009).

Նելսոն Օլգրենի ստեղծագործությունները էկրանավորվել են։

1955 — «Ոսկե ձեռքով մարդը» (ռեժիսոր` Օտտո Պրեմինգիեր)
1962 — «Զբոսանք լուծարված թաղամասով» (ռեժիսոր` Էդվարդ Դմիտրիկ)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Roux P. d. Nouveau Dictionnaire des œuvres de tous les temps et tous les pays (ֆր.) — 2 — Éditions Robert Laffont, 1994. — Vol. 1. — P. 63. — ISBN 978-2-221-06888-5
↑ ^3,0 ^3,1 ^3,2 ^3,3 ^3,4 Encyclopædia Britannica

Արտաքին հղումներ[խմբագրել | խմբագրել կոդը]

Celebrating the life and works of one of America’s most neglected literary minds(անգլ.)
Նելսոն Օլգրենը imdb կայքում(անգլ.)

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Նելսոն Օլգրեն կատեգորիայում։

[_98094f74c9343e43-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_da62865d3bf4779c-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Roux P. d. Nouveau Dictionnaire des œuvres de tous les temps et tous les pays (ֆր.) — 2 — Éditions Robert Laffont, 1994. — Vol. 1. — P. 63. — ISBN 978-2-221-06888-5

[_427f753bd69b927e-3] 3,0 ^3,1 ^3,2 ^3,3 ^3,4 Encyclopædia Britannica

[1]

[2]

[3]