Նար Հովհաննիսյան

Վիքիպեդիայից՝ ազատ հանրագիտարանից
Jump to navigation Jump to search
Նար Հովհաննիսյան
Նար Հովհաննիսյան.jpg
Հիմնական տվյալներ
Բնօրինակ անուն հայ․՝ Նար Հովհաննիսյան
Ի ծնե անուն Նար Միքայելի Հովհաննիսյան
Ծնվել է 1913 մարտի 30 Թիֆլիս
Թիֆլիս, Ռուսական կայսրություն[1]
Երկիր Flag of the Soviet Union.svg ԽՍՀՄ
Flag of Armenia.svg Հայաստան
Մահացել է դեկտեմբերի 25, 1995(1995-12-25) (տարիքը 82) Երևան
Երևան, Հայաստան
Ժանրեր օպերա
Մասնագիտություն Երգիչ, բաս
Երգչաձայն բաս
Գործիքներ վոկալ
Շրջանավարտ Թբիլիսիի Վանո Սարաջիշվիլիի անվան պետական կոնսերվատորիա

Նար Միքայելի Հովհաննիսյան, (1913, մարտի 30 (ապրիլի 12), Թիֆլիս- 1995, դեկտեմբերի 25, Երևան), հայ խորհրդային երգիչ (բասԽՍՀՄ ժողովրդական արտիստ (1969 թ.)։

Եղել է Նար-Դոսի որդին։

Կենսագրություն[խմբագրել | խմբագրել կոդը]

1941 թվականին ավարտել է Թբիլիսիի կոնսերվատորիան (Ե. Ա. Վրոնսկու երգեցողության դասարան)։ 1931-1937 թվականներին՝ Թբիլիսիի օպերայի և բալետի թատրոնի խմբերգիչ, 1945-1951 թվականներին՝ մեներգիչ։ 1951 թվականից՝ Երևանի օպերայի և բալետի թատրոնի մեներգիչ։ Նրա հնչուն, հյութեղ, հարուստ երանգավորումով ձայնն առանձնապես արտահայտիչ է ցածր ձայնածավալում։ Դերասանական վառ տաղանդը, զուսպ, առնական խաղը հնարավորություն են ընձեռել կերտել երաժշտական-բեմական տպավորիչ կերպարներ՝ Դավիթ Բեկ (Արմեն Տիգրանյանի «Դավիթ Բեկ»), Նադիր շահ (Սպենդիարյանի «Ալմաստ»), Ներսես, Հոր-հոր աղա (Չուխաճյանի «Արշակ Բ», «Լեբլեբիջի»), Դև Ենոք (Գ. Արմենյանի «Խորտակում»), Թորոս (Բաբաևի «Արծվաբերդ»), Կոչուբեյ (Չայկովսկու «Մազեպա»), Կոնչակ (Բորոդինի «Իշխան Իգոր»), Ջրաղացպան (Դարգոմիժսկու «Ջրահարս»), Դոն Բազիլիո (Ռոսսինիի «Սևիլյան սափրիչ»), Ռամֆիս (Վերդիի «Աիդա»), Մեֆիստոֆել (Գունոյի «Ֆաուստ»), Օրովեզ (Բելլինիի «Նորմա»), Ցանգալա (Փալիաշվիլու «Դաիսի») և այլն։ 1954-1963 թվականներին դասավանդել է Երևանի կոնսերվատորիայում: Համերգներով հանդես է եկել ԽՍՀՄ քաղաքներում և արտասահմանում (Սիրիա, Լիբանան, ԿԺԴՀ, Բելգիա, Հունգարիա, ԱՄՆ, ԳԴՀ, Լեհաստան, Լյուքսեմբուրգ, Աֆրիկայի 9 երկրներ)։ ՀԽՍՀ IV գումարման Գերագույն խորհրդի պատգամավոր։

Պարգևատրվել է Լենինի շքանշանով:

Ծանոթագրություններ[խմբագրել | խմբագրել կոդը]

  1. Ованисян Нар Михайлович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 572 CC-BY-SA-icon-80x15.png