Նարիման Հասանզադե

Նարիման Հասանզադե; ադրբ.՝ Nəriman Həsənzadə
Ծնվել է	փետրվարի 18, 1931 (93 տարեկան)
Ծննդավայր	Փոյլու (Աղստևի շրջան), Ղազախի շրջան, Ադրբեջանական ԽՍՀ, ԱԽՖՍՀ, ԽՍՀՄ
Մասնագիտություն	գրող, բանաստեղծ, դրամատուրգ, արձակագիր, թարգմանիչ և խմբագիր
Քաղաքացիություն	ԽՍՀՄ և Ադրբեջան
Կրթություն	Մաքսիմ Գորկու անվան գրականության ինստիտուտ, Ganja State University? և Բաքվի պետական համալսարան
Գիտական աստիճան	բանասիրական գիտությունների թեկնածու
Կուսակցություն	ԽՄԿԿ
Պարգևներ	; ; ; Q25542958? և Q110915321?
Կայք	anl.az/el/emb/N.Hesenzade/index.html
	Nəriman Həsənzadə Վիքիպահեստում

Նարիման Ալիմամեդ օղլի Հասանզադե (ադրբ.՝ Nəriman Əliməmməd oğlu Həsənzadə, փետրվարի 18, 1931(1931-02-18), Փոյլու (Աղստևի շրջան), Ղազախի շրջան, Ադրբեջանական ԽՍՀ, ԱԽՖՍՀ, ԽՍՀՄ), ադրբեջանցի բանաստեղծ և դրամատուրգ, փիլիսոփայական գիտությունների թեկնածու (1965), Ադրբեջանական ԽՍՀ-ի արվեստի վաստակավոր գործիչ (1981), Ադրբեջանի ժողովրդական բանաստեղծ^[1] (2005):

Կենսագրություն և կարիերա

Նարիման Հասանզադեն ծնվել է 1931 թվականի փետրվարի 18-ին Ադրբեջանի Ղազախի շրջանի (այսօր Աղստևի շրջան) Փոյլու բնակավայրում։ 1954 թվականից ԽՄԿԿ անդամ է։ Հասանզադեն գրել է մի շարք պոետիկ բանաստեղծությունների շարքեր, որոնցից առավել հայտնի են«Բարեկամներս ինձ սպասում են» (1956), «Իմ հոգին բանաստեղծություն է ուզում» (1964), «Իմ գիշերը, իմ ցերեկը» (1973), «Զմրուխտե թռչուն» (1976), «Դու ներեցիր» (1979), «Մի մտահոգվիր» (1982) և այլն։

Բացի բանաստեղծություններից, Նարիման Հասանզադեն գրել է նաև «Նարիման» (1968) պոեմը՝ նվիրված Նարիման Նարիմանովին և «Նուրու փաշան»։ Որպես դրամատուրգ գրել է նաև մի շարք պիեսներ, որոնցից է՝ «Թող իմանա ամբողջ Արևելքը» (1981), դրամա՝ «Աթաբեկները» (1983)՝ նվիրված ներկայիս Ադրբեջանի տարածքում XII դարում ապրող մարդկանց կյանքին, արձակ՝ «Նաբատ մորաքրոջ հացը» (1974), որը դարձավ Նարիման Հասանզադեի անդրանիկ արձակ ստեղծագործությունը։

Նարիման Հասանզադեի ստեղծագործությունները թարգմանվել են ԽՍՀՄ տարբեր ժողովուրդների լեզուներով։ Անձամբ Հասանզադեն ադրբեջաներեն է թարգմանել Ալեքսանդր Պուշկինի, Տարաս Շևչենկոյի, Նիկոլայ Նեկրասովի, Իվան Ֆրանկոյի, Լեսյա Ուկրաինկայի և այլոց ստեղծագործությունները։ Բացի գրելուց, Նարիմանը զբաղվել է նաև ադրբեջանաուկրաինական հարաբերություններով^[2]։

1978 թվականից Նարիման Հասանզադեն «Գրականություն և արվեստ» թերթի գլխավոր խմբագիրն է եղել։ Արժանացել է ԽՍՀՄ «Պատվո նշան» և ադրբեջանական «Շոհրատ» մրցանակների։ Ադրբեջաներենի և ադրբեջանական գրականության դասախոս է Ազգային ավիացիոն ակադեմիայում։

Ծանոթագրություններ

↑ Народный поэт Азербайджана Нариман Гасанзаде отмечает юбилей // mir24.tv. — 29 марта 2011.
↑ Һәсәнзадә Нәриман Әлимәммәд оғлу / Под ред. Дж. Кулиева. — Азербайджанская советская энциклопедия: Главная редакция Азербайджанской советской энциклопедии, 1987. — Т. X. — С. 212.

Արտաքին հղումներ

Վիքիպահեստն ունի նյութեր, որոնք վերաբերում են «Նարիման Հասանզադե» հոդվածին։

[mir24.tv-1] Народный поэт Азербайджана Нариман Гасанзаде отмечает юбилей // mir24.tv. — 29 марта 2011.

[АСЭ-2] Һәсәнзадә Нәриман Әлимәммәд оғлу / Под ред. Дж. Кулиева. — Азербайджанская советская энциклопедия: Главная редакция Азербайджанской советской энциклопедии, 1987. — Т. X. — С. 212.

[1]

[2]