Jump to content

Նարայանգանջ

Վիքիպեդիայից՝ ազատ հանրագիտարանից
Բնակավայր
Նարայանգանջ
23°37′0″N 90°30′0″E / 23.61667°N 90.50000°E / 23.61667; 90.50000
ԵրկիրԲանգլադեշ Բանգլադեշ
ՀամայնքNarayanganj District?
Մակերես33,57 կմ²
ԲԾՄ3 մետր
Բնակչություն967 951 մարդ (2022)[1][2]
Հեռախոսային կոդ02
Փոստային դասիչ1400
Պաշտոնական կայքncc.org.bd
Նարայանգանջ (Բանգլադեշ)##
Նարայանգանջ (Բանգլադեշ)

Նարայանգանջ (բենգալերեն՝ নারায়ণগঞ্জ Naraeongônj), քաղաք Բանգլադեշի կենտրոնական մասում՝ երկրի մայրաքաղաք Դաքքայից մոտավորապես 15 կիլոմետր դեպի հարավ-արևելք, Շիթալաքշյա գետի ափին, ծովի մակերևույթից 3 մետր բարձրության վրա[3]։ Նույնանուն շրջանի վարչական կենտրոնն է։ Ունի գետային նավահանգիստ, որն ամենահներից մեկն է Բանգլադեշում։ Բնակչության թվաքանակը հասնում է մոտավորապես երկու միլիոնի. այդ ցուցանիշով վեցերորդ տեղն է զբաղեցնում երկրում [4]: Արդյունաբերության ու գործարարության կենտրոն է, աչքի է ընկնում հատկապես տեքստիլի և ջուտի արտադրությամբ։ Ընդ որում՝ ջուտի վերամշակման ձեռնարկություններն այնքան շատ են քաղաքում, որ նրան տվել են «Բանգլադեշի Դանդի» մականունը (շոտլանդական Դանդի քաղաքը աշխարհով մեկ համբավվել է որպես ջուտի արտադրության կենտրոն և կոչվել է Ջուտոպոլիս[5]):

Ժողովրդագրություն

[խմբագրել | խմբագրել կոդը]

Նարայանգանջի բնակչության թվաքանակի փոփոխությունները.[6]:

199120012010
817 1331 133 1911 490 131

Պատմություն

[խմբագրել | խմբագրել կոդը]

Քաղաքի անվանումն առնչվում է 18-րդ դարի հինդուիստական կրոնական առաջնորդ Լաքշմի Նարայան Թաքուրին, ով Պլեսսիի ճակատամարտից հետո՝ 1766 թվականին Շիթալաքշյա գետի ափին տարածքներ է վարձակալել Բրիտանական արևելահնդկական ընկերությունից և հողամասեր, շուկաներ, գումարներ նվիրաբերել Նարայանա (Վիշնու) աստծու պաշտամունքը տարածելու և պատշաճ մակարդակով իրականացնելու համար[7][8]։

1876 թվականի սեպտեմբերի 8-ին հիմնվել է Նարայանգանջի համայնքը, որտեղ Հարականտա Բաներջիի ընծայաբերած գումարներով կառուցվել և 1885 թվականին բացվել է տարածաշրջանի առաջին հիվանդանոցը։

2011 թվականի մայիսի 5-ին, նախկին երեք համայնքների (Նարայանգանջի, Սիդհիրգանջի և Քադամ Ռասուլի) միավորման արդյունքում, ստեղծվել է Նարայանգանջի քաղաքային ընկերակցություն (Narayanganj City Corporation) անվանումը կրող վարչական նոր միավորը[9]։

Պատկերասրահ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ https://www.bbs.gov.bd/
  2. ↑ 2022 Census of Bangladesh
  3. ↑ «Narayanganj, Bangladesh Page» (անգլերեն). Արխիվացված օրիգինալից 2012 թ․ օգոստոսի 12-ին. Վերցված է 2011 թ․ հունիսի 21-ին.
  4. ↑ «Narayanganj». Banglapedia.
  5. ↑ «Jute Industry in Dundee and India». Dundee (UK). Արխիվացված է օրիգինալից 2017 թ․ ապրիլի 15-ին. Վերցված է 2022 թ․ օգոստոսի 28-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
  6. ↑ «Nārāyanganj» (անգլերեն). World Gazetteer. Արխիվացված է օրիգինալից 2012 թ․ օգոստոսի 12-ին. Վերցված է 2011 թ․ հունիսի 21-ին.
  7. ↑ «Narayanganj». Banglapedia.
  8. ↑ «Narayanganj». banglapedia. Արխիվացված օրիգինալից 2012 թ․ օգոստոսի 19-ին.
  9. ↑ «History & Facts - Narayanganj City Corporation». ncc.org.bd. Արխիվացված է օրիգինալից 2012 թ․ դեկտեմբերի 13-ին. Վերցված է 2015 թ․ փետրվարի 17-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Նարայանգանջ» հոդվածին։
Ստացված է «https://hy.wikipedia.org/w/index.php?title=Նարայանգանջ&oldid=9952094» էջից