Նատալյա Պետկևիչ
| Նատալյա Պետկևիչ | |
| Կրթություն՝ | Բելառուսի պետական համալսարանի իրավաբանական ֆակուլտետ |
|---|---|
| Գիտական աստիճան՝ | իրավաբանական գիտությունների թեկնածու |
| Մասնագիտություն՝ | քաղաքական գործիչ |
| Ծննդյան օր | հոկտեմբերի 24, 1972 (51 տարեկան) |
| Ծննդավայր | Մինսկ, Բելառուսական ԽՍՀ, ԽՍՀՄ |
| Քաղաքացիություն |  Բելառուս
|
| Ամուսին | Valentin Rybakov? |
Նատալյա Պետկևիչ (ռուս.՝ Ната́лья Влади́мировна Петке́вич, հոկտեմբերի 24, 1972, Մինսկ, Բելառուսական ԽՍՀ, ԽՍՀՄ)[1], բելառուս քաղաքական գործիչ, 2004-2010 թվականներին Բելառուսի նախագահի աշխատակազմի ղեկավարի տեղակալ, իսկ հետո՝ առաջին տեղակալ։ Բելառուսի իրավաբանների հանրապետական միության նախագահի տեղակալն է։ Բելառուսի դահուկային միության նախագահն է[2]։
Կենսագրություն[խմբագրել | խմբագրել կոդը]
Նատալյա Պետկևիչը ծնվել է 1972 թվականի հոկտեմբերի 24-ին Մինսկում։ 1994 թվականին ավարտել է Բելառուսի պետական համալսարանի իրավաբանական ֆակուլտետը։ 1999 թվականից իրավաբանական գիտությունների թեկնածու է, թեկնածուական դիսերտացիան պաշտպանել է «Արտաքին տնտեսական գործարքներ (իրավական տեսանկյուններ)» թեմայով։
Աշխատել է որպես առաջատար մասնագետ, ապա՝ Բելառուսի Հանրապետության նախագահի աշխատակազմի պետական և միջազգային իրավունքի պետական իրավական գլխավոր վարչության պետ։ 2001 թվականին դարձել է Ալեքսանդր Լուկաշենկոյի մամուլի քարտուղարը, 2004 թվականին՝ նախագահի աշխատակազմի ղեկավարի տեղակալը։
Նատալյա Պետկևիչին արգելվել է մուտք գործել ԱՄՆ և Եվրամիության երկրներ։ Արգելքի պատճառ է հանդիսացել Պետկևիչի մասնակցությունը 2006 թվականի նախագահական ընտրությունների արդյունքների աղավաղմանը։
2009 թվականի հունվարի 9-ին նշանակվել է Բելառուսի Հանրապետության նախագահի աշխատակազմի ղեկավարի առաջին տեղակալ։ Այդ պաշտոնը զբաղեցրել է մինչև 2010 թվականի դեկտեմբերի 28-ը։
2009 թվականի մարտի 27-ին ամուսնացել է Բելառուսի Հանրապետության ազգային պետական հեռուստառադիոընկերության նախագահի տեղակալ Ալեքսանդր Իվանովիչ Մարտինենկոյի հետ։
Աշխատել է որպես Բելառուսի Հանրապետության նախագահի օգնական։ 2014 թվականի հոկտեմբերի 1-ին Ալեքսանդր Լուկաշենկոյի հրամանագրով ազատվել է զբաղեցրած պաշտոնից։
2018 թվականին ամուսնացել է ՄԱԿ-ում Բելառուսի մշտական ներկայացուցիչ, դիվանագետ Վալենտին Ռիբակովի հետ։
Ծանոթագրություններ[խմբագրել | խմբագրել կոդը]
- ↑ «Белорусский экономический портал «ЭКОНОМИКА.BY»». Արխիվացված է օրիգինալից 2012 թ․ հուլիսի 27-ին. Վերցված է 2010 թ․ դեկտեմբերի 2-ին.
- ↑ Наталья Петкевич — председатель Белорусского лыжного союза