Նատալյա Լեբեդևա

Վիքիպեդիայից՝ ազատ հանրագիտարանից
Jump to navigation Jump to search
Նատալյա Լեբեդևա
Անձնական տեղեկություն
Սեռ`իգական
Բնօրինակ անուն`ռուս.՝ Наталья Борисовна Лебедева
Մասնագիտացում`գեղասահորդ, գեղասահքի մարզիչ, technical specialist և assistant technical specialist
Երկիր`Flag of Ukraine.svg Ուկրաինա
Ծննդյան ամսաթիվ`դեկտեմբերի 16, 1964(1964-12-16) (56 տարեկան)
Ծննդավայր`Զապորոժիե, Ուկրաինական ԽՍՀ, ԽՍՀՄ
Մարզիչ(ներ)`

Նատալյա Լեբեդևա (ռուս.՝ Наталья Борисовна Лебедева, դեկտեմբերի 16, 1964(1964-12-16), Զապորոժիե, Ուկրաինական ԽՍՀ, ԽՍՀՄ). խորհրդային գեղասահորդուհի, մարզիչ։ ԽՍՀՄ երկակի չեմպիոն մենասահքում։

Կենսագրություն[խմբագրել | խմբագրել կոդը]

Ծնվել է Ուկրաինայում, իսկ 1970-ականներին տեղափոխվել է Սվերդլովսկ։ Մարզվել է Իգոր Քսենոֆոնտովի ղեկավարությամբ (սակայն, միջազգային մրցումներում նրան ուղեկցում էին Վ. Կովալյովը, Էդուարդ Պլիները[1], Բ. Ռոգացկինը[2] և այլոք)։ Առաջին խոշոր մրցումներից մեկը Սվերդլովսկում կայացած ԽՍՀՄ ժողովուրդների 1978 թվականի Ձմեռային սպարտակիադան էր, որտեղ էլ Նատալյան աղջիկների մեջ գրավեց 15-րդ հորիզոնականը[3]։ Մեծահասակների կարգում առաջին մրցումը 1981 թվականի ապրիլին Սվերդլովսկում կայացած ԽՍՀՄ Գավաթի առաջնությունն էր, որտեղ նատալյան զբաղեցրեց 9-րդ հորիզոնականը։ 1984 թվականին նա դարձավ ԽՍՀՄ չեմպիոն և ընդգրկվեց ազգային հավաքականի կազմում։ Վնասվածքի պատճառով բաց է թողնում 1987-1988 թթ.. մրցաշրջանը։ 1988 թվականի հոկտեմբերին Skate Canada-յի մրցումներում Նատալյան կատարում է իր լավագույն ազատ ծրագիրը` Պ. Ի. Չայկովսկու երաժշտությամբ։ Ծրագիրը կատարվեց մեծ արագությամբ, ոգեշնչմամբ, անթերի կատարված չորս եռակի ցատկով (չնայած նրան, որ նրան ուղեկցում էր ևս մեկ մարզիչ՝ Գ. Յա. Զմիևսկայա)`հասնելով հաղթանակի (այդ թվում`առաջ անցնելու ամերիկուհի Դ. Թրեներից): 1989 թվականին Եվրոպայի առաջնությունում նվաճեց արծաթե մեդալ: 1990 թվականի դեկտեմբերին երկրորդ անգամ է դառնում ԽՍՀՄ չեմպիոն: 1990 թվականին Լենինգրադում կայացած Եվրոպայի առաջնությունում առաջնությունների պատմության մեջ վերջինը, մեծ տարբերությամբ հաղթում է երկու պարտադիր ֆիգուրները (բոլոր ինը դատավորները Նատալյային 1-ին տեղը տվեցին ֆիգուրների համար շատ բարձր գնահատականներով՝ մինչև 4,5): Հաջորդը կարճ ծրագիրն էր, և նա ուներ բոլոր հնարավորությունները դառնալու ​​Եվրոպայի առաջին խորհրդային չեմպիոնուհին: Սակայն ազատ ծրագրում երեք անգամ վայր ընկնելուց (եռակի տուլուպ և երկու կրկնակի սալխ) և միայն մեկ մաքուր կատարված եռակի ցատկից հետո (տուլուպ) նորից զբաղեցրեց երկրորդ հորիզոնականը:

Ծրագրերը, որոնք հիմնականում բեմադրվում էին հիմնականում դասական երաժշտության վրա, առանձնանում էին խիստ զսպված ոճով: Նա ուներ ընդամենը ընդամենը երկու եռակի ցատկ`տուլուպ և սալխ: Նա կատարեց քայլերով յոթ ցատկեևից կազմվախ օրիգինալ կոմբինացիա`ցատկ շպագատ, վալլեյ, օյլեր և կրկնակի սալխ:

1993 թվականին տեղափոխվել է Մինսկ, որտեղ աշխատել է որպես մարզիչ: 1994 թվականի Օլիմպիական խաղերում արդեն ելույթ էին ունենում նրա սաները` Ելենա Գրիգորևա/Սերգեյ Շեյկո բելառուսական զույգը։ Ներկա պահին մարզում է Մոսկվայի մարզի Օդինցովո քաղաքում։ Համարվում է միջազգային կարգի դատավոր, դատում է սիրողական և ռուսական մակարդակի մրցույթները։

Սպորտային ձեռքբերումներ[խմբագրել | խմբագրել կոդը]

Մրցումներ/Տարի 1982 1983 1984 1985 1986 1987 1988 1989 1990
Ձմեռային օլիմպիական խաղեր - - - - - - - - -
Գեղասահքի աշխարհի առաջնություն - - - 7 10 - - 5 5
Գեղասահքի Եվրոպայի առաջնություն - - - 6 4 - - 2 2
Գեղասահքի ԽՍՀՄ առաջնություն 8 5 1 3 3 - 2 2 1

Ծանոթագրություններ[խմբագրել | խմբագրել կոդը]

  1. «Спорт на Урале - Плинер Эдуард Георгиевич» (ռուսերեն)։ sportufo.ru։ Վերցված է 2017-06-15 
  2. «Спорт на Урале - Рогацкин Борис Владимирович» (ռուսերեն)։ sportufo.ru։ Վերցված է 2017-06-16 
  3. Кира Иванова. Extras. Зимняя Спартакиада народов СССР 1978 Archived 2012-02-01 at the Wayback Machine.(չաշխատող հղում)