Նատալյա Գլեբովա

Նատալյա Գլեբովա ռուս.՝ Наталья Владимировна Глебова
Ծնվել է	նոյեմբերի 11, 1981(1981-11-11) (41 տարեկան)
Ծննդավայր	Տուապսե, Կրասնոդարի երկրամաս, ՌԽՖՍՀ, ԽՍՀՄ
Քաղաքացիություն	Կանադա
Մայրենի լեզու	ռուսերեն
Կրթություն	Ռայերսոնի անվան համալսարան և London Central Secondary School?
Մասնագիտություն	մոդել և գեղեցկության մրցույթի մասնակից
Ամուսին	Paradorn Srichaphan?
Պարգևներ և մրցանակներ	Միսս Տիեզերք (գեղեցկության մրցույթ) (2005)
Կայք	hhblife.com
Natalie Glebova Վիքիպահեստում

Նատալյա Վլադիմիրի Գլեբովա (անգլ.՝ Natalie Glebova, նոյեմբերի 11, 1981(1981-11-11), Տուապսե, Կրասնոդարի երկրամաս, ՌԽՖՍՀ, ԽՍՀՄ), ազգությամբ ռուս մոդել, Միսս Տիեզերք Կանադա 2005 (անգլ.՝ Miss Universe Canada), Միսս Տիեզերք 2005 Բանգկոկում։

Կենսագրություն

Նատալյան ծնվել է Կրասնոդարի երկրամասի Տուապսե քաղաքում։ Վեց տարի սովորել է տեղի թիվ 6 ավագ դպրոցում։ Նա սովորել է դասական դաշնամուր և 12 տարեկանում ավարտել պրոֆեսիոնալ երաժշտական ​​դպրոցը։ Հաղթել է մարզական ռիթմիկ մարմնամարզության տարբեր առաջնություններում։

13 տարեկանում՝ 1994 թվականին, Նատալյա Գլեբովան ծնողների հետ արտագաղթել է Կանադայի Տորոնտո քաղաք։ Նախքան «Միսս տիեզերք» մրցույթը Նատաշան աշխատել է որպես մոդել և Տորոնտոյի Ռայերսոնի համալսարանում ստացել տեղեկատվական տեխնոլոգիաների ոլորտում առևտրի, կառավարման և շուկայավարման բակալավրի աստիճան։ Աշխատել է նաև որպես տարրական և ավագ դպրոցի մոտիվացիոն խոսնակ։

2004 թվականին Նատալյան մասնակցել է «Միսս տիեզերք Կանադա» մրցույթին, որտեղ զբաղեցրել է երրորդ տեղը։ 2005 թվականի հունվար ամսվա մրցումներում նա նվաճել է «Միսս Կանադա» տիտղոսը։

Նատալյա Գլեբովան մասնակցել է Բանգկոկում կայացած «Միսս Տիեզերք 2005» մրցույթին և հաղթող ճանաչվել։ Նրա հաղթանակը Կանադայի պատմության մեջ երկրորդն էր՝ Լոնդոնից Կարեն Դիանա Բոլդվինից հետո, որը «Միսս տիեզերք» մրցույթում հաղթել էր 1982 թվականին։

2006 թվականից Նատալյան բնակվում է Բանգկոկում (Թաիլանդ)։ Նա «Fah Glebova International» ընկերության հիմնադիր-նախագահն է։

Անձնական կյանք

2007 թվականի նոյեմբերի 29-ին Նատալյան ամուսնացել է Թաիլանդի հայտնի թենիսիստ Պարադորնա Սիչափխանի հետ։ Հարսանիքը տեղի է ունեցել Բանգկոկում։ 2011 թվականի փետրվարի 25-ին զույգը հայտարարել է ամուսնալուծության մասին։

2016 թվականի ապրիլի 9-ին ծնվել է Գլեբովայի և Դին Քելիի դուստրը՝ Մայա Քելլի Գլեբովան։

Արտաքին հղումներ

• Պաշտոնական կայք
• Նատաշան լավն է, բայց, ավաղ, մերը չէ․ «Միսս տիեզերքը» ծնվել է Տուապսեում
• Նատալյա Գլեբովա Ֆեյսբուքում
• Ամսագրերի լուսանկարների պատկերասրահ և տեսանյութեր
• Paradorn Sichapan & Miss Universe 2005 Natalie Glebova Are Engaged Archived 2008-10-24 at the Wayback Machine.