Նատալի Սառոտ
Նատալի Սառոտ ֆր.՝ Nathalie Sarraute | |
|---|---|
.jpg) | |
| Ծնվել է | հուլիսի 18, 1900[1][2][3][4] |
| Ծննդավայր | Իվանովո, Q4527418?, Վլադիմիրի նահանգ, Ռուսական կայսրություն |
| Վախճանվել է | հոկտեմբերի 19, 1999[1][2][3][4] (99 տարեկանում) |
| Վախճանի վայր | Փարիզ, Ֆրանսիա |
| Մասնագիտություն | գրող, վիպասան, դրամատուրգ, բանաստեղծ-փաստաբան, հեղինակ և փաստաբան |
| Լեզու | ֆրանսերեն[1] |
| Քաղաքացիություն |  Ռուսական կայսրություն Ֆրանսիա |
| Գրական ուղղություններ | Nouveau Roman |
| Պարգևներ | Ֆորմենտոր մրցանակ |
| Ամուսին | Raymond Sarraute |
| Զավակներ | Anne Sarraute և Claude Sarraute |
| Nathalie Sarraute Վիքիպահեստում | |
Նատալի Սառոտ (ֆր.՝ Nathalie Sarraute, ի ծնե Նատալյա Իլյինիչնա Չեռնյակ (ռուս.՝ Наталья Ильинична Черняк), հուլիսի 18, 1900[1][2][3][4], Իվանովո, Q4527418?, Վլադիմիրի նահանգ, Ռուսական կայսրություն - հոկտեմբերի 19, 1999[1][2][3][4], Փարիզ, Ֆրանսիա), ֆրանսիացի կին գրող, 1907 թ.-ից ապրում էր Ֆրանսիայում։
Ավարտել է Փարիզի համալսարանի բանասիրական և իրավաբանական ֆակուլտետները։ «Նոր վեպ» գրական ուղղության ներկայացուցիչներից։ «Անծանոթի դիմանկարը» (1948), «Մարտըրո» (1953), «Պլանետարիում» (1959), «Ոսկե պտուղներ» (1963), «Կյանքի և մահվան միջև» (1968) վեպերին բնորոշ է գործող անձանց անդադար փոփոխվող հոգեվիճակի մանրամասն նկարագրությունը։ Հեղինակը գեղարվեստական խոսքի է վերածում հոգու անորսալի, մշուշոտ «շարժումներ», որոնք, սակայն, չեն ենթարկվում տրամաբանական իմաստավորման և չեն առնչվում սոցիալ-պատմական արտաքին պայմանների հետ։ Կերպարները չունեն իրենց անհատականությունը, երբեմն նույնիսկ իրենց անունը։ Գեղագիտական հայացքները շարադրել է «Կասկածների դարաշրջանը» (1956) տեսական հոդվածների ժողովածույում, պահանջելով հրաժարվել ռեալիզմի ավանդույթներից՝ հօգուտ «մաքուր հոգեբանականի»։ Հակառակ Մ-ի առաջ քաշած դրույթների, նրա վեպերը (մանավանդ «Դուք լսու՞մ եք նրանց», 1972) վերարտադրում են ֆրանսիական բուրժուազիայի մտավորականության միստիֆիկացված գիտակցությունը, պատկերացում են տալիս ժամանակակից Արևմտյան Եվրոպայի հոգևոր ճգնաժամի մասին։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 190)։ 
|
| ||||||||||
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
