Նավարատրի

Վիքիպեդիայից՝ ազատ հանրագիտարանից
Jump to navigation Jump to search
Նավարատրի
D01944 Arati Rakshitbari giridih.jpg
Տեսակփառատոն
Տոնվում էFlag of India.svg Հնդկաստան

Նավարատրի (սանսկր.՝ नवरात्रि navarātri IAST, բենգալերեն՝ নবরাত্রি), հինդուական կրոնական տոն։ Սանսկրիտից թարգմանված՝ «նավարատրի» բառը նշանակում է «ինը գիշերներ»[1]։ Տասն օր և ինը գիշեր տևող այս տոնի ընթացքում հինդուիստները պաշտում են հինդուիզմի մեջ Աստծո ինը կանացի ձևերը՝ Շակտի/Դեվի։

Տոնը նշվում է տարին երկու անգամ. գարնանային լուսավոր ամսվա՝ Չայտրայի (ապրիլ - մայիս) կեսին և Աշվինա աշնանային ամիսներին (սեպտեմբեր - հոկտեմբեր)[2]։ Տոնակատարությունը սկսվում է նորալուսնից հետո առաջին օրը:

Քոլու տիկնիկները Նավարատրիի ժամանակ

Նավարատրիի ընթացքում անցկացվում են տաճարային տոներ[2], կատարվում են աղոթքներ[3], կազմակերպվում են հանդիսավոր երթեր և տոնավաճառներ[3]։ Հաճախ փառատոնի առաջին երեք օրերը նվիրված են Լակշմի աստվածուհուն, հաջորդ երեքը՝ Դուրգային, իսկ վերջինը՝ Սարասվատիին[2]։ Փառատոնի ամենակարևոր տարրերից մեկը Դուրգա Պուջան է. երկրպագուները երկրպագում են Դուրգայի տեսքով Դեվիին՝ նրա հովանավորչությունն ստանալու համար[4]։ Նավարատրիի հետ կապված առասպելներից մեկը պատմում է ասուրա Մահիշայի նկատմամբ Դուրգայի հաղթանակի մասին[2]։

Տարբեր շրջաններում կան նաև Նավարատրիի տոնակատարությունների տեղական ավանդույթներ։ Օրինակ՝ Գուջարաթում անցկացվում են կանանց հատուկ պարեր[5], Բենգալիայում՝ Կալի պատկերներով երթեր, Թամիլնադում՝ տիկնիկային բլուրներ. աստվածուհիների և հինդուական պանթեոնի աստվածների ֆիգուրներով հատուկ հարթակներ[2]։

Ծանոթագրություններ[խմբագրել | խմբագրել կոդը]

  1. Краснодембская, 1996b, էջ 297
  2. 2,0 2,1 2,2 2,3 2,4 Краснодембская, 1996b, էջ 298
  3. 3,0 3,1 Гусева Н. Р. Индия: тысячелетия и современность. — М.: Наука, 1971. — С. 79. — 143 с.
  4. Краснодембская, 1996a, էջ 180
  5. Индийский этнографический сборник / пор ред. Н. Н. Чебоксарова и Н. Р. Гусевой. — Издательство Академии наук СССР, 1961. — Т. 65. — С. 72. — 202 с.

Գրականություն[խմբագրել | խմբագրել կոդը]

ռուսերեն լեզվով
  • Краснодембская Н. Г. Дурга // Индуизм. Джайнизм. Сикхизм: словарь / под общ. ред. М. Ф. Альбедиль и А. М. Дубянского. — М.: Республика, 1996a. — С. 179—180. — 576 с. — ISBN 5-250-02557-9
  • Краснодембская Н. Г. Наваратри/Наваратра // Индуизм. Джайнизм. Сикхизм: словарь / под общ. ред. М. Ф. Альбедиль и А. М. Дубянского. — М.: Республика, 1996b. — С. 297—298. — 576 с. — ISBN 5-250-02557-9
այլ լեզուներով

Արտաքին հղումներ[խմբագրել | խմբագրել կոդը]