Նավասարդ (տարեգիրք)

Նավասարդ
Տեսակ	հանդես
Ժանր	գրական, գեղարվեստական տարեգիրք
Խմբագիր	Դանիել Վարուժան, Հ․ Սիրունի
Հրատարակման վայր	Կոստանդնուպոլիս
Հրատարակման տարեթիվ	1914

Անվան այլ կիրառումների համար տե՛ս՝ Նավասարդ (այլ կիրառումներ)

«Նավասարդ», գրական, գեղարվեստական տարեգիրք։ Լույս է տեսել Կոստանդնուպոլիսում, 1914 թվականին։ Խմբագիրներ՝ Դանիել Վարուժան, Հ․ Սիրունի։ Աշխատակցել են ժամանակի ականավոր հայ գրողները, արվեստաբանները, բանասերները։ Ունեցել է գրականության, արվեստի, բանասիրության բաժիններ։ Տպագրվել է նաև օտար դասական հեղինակների (Մ․ Մետեռլինկ, Օ․ Ուայլդ, Ա․ Միցկհիչ և ուրիշներ) գործեր։ Արժեքավոր են Կոմիտասի «Լոռու գութաներգը Վարդաբլուր գյուղի ոճով» և Օ․ Սեումյանի «Հայ թատրոնի վերածնունդի համար» հոդվածները։ «Նավասարդ»-ի էջերում տեղ են գտել նկարչական արվեստի նմուշների վերատպություններ, ունեցել է ճոխ ձևավորում։ 2-րդ գրքի շարվածքը ոչնչացվել է 1915 թվականի Մեծ եղեռնի ժամանակ։

Սա հանդեսի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 190)։