Jump to content

Նաոմիտի Ուեդա

Վիքիպեդիայից՝ ազատ հանրագիտարանից
Նաոմիտի Ուեդա
ճապ.՝ 植田直通
Քաղաքացիությունը  Ճապոնիա
Ծննդյան ամսաթիվ հոկտեմբերի 24, 1994(1994-10-24)[1] (31 տարեկան)
Ծննդավայր Uki, Կումամոտո (պրեֆեկտուրա), Ճապոնիա
Հասակ 186 սանտիմետր
Քաշ 77 կգ
Դիրք պաշտպան

Նաոմիտի Ուեդա (ճապ. 植田 直通; հոկտեմբերի 24, 1994(1994-10-24)[1], Uki, Կումամոտո (պրեֆեկտուրա), Ճապոնիա), ճապոնացի ֆուտբոլիստ, «Կասիմա Անտլերս» ակումբի խաղացող։ Խաղում է կենտրոնական պաշտպանի դիրքում։ Հանդես է եկել Ճապոնիայի պատանեկան և երիտասարդական տարբեր հավաքականներում, 2016 թվականին դարձել է Ասիայի երիտասարդական թիմերի առաջնության հաղթող, 2016 թվականի ամառային Օլիմպիական խաղերի և 2018 թվականի աշխարհի առաջնության մասնակից։ Ճապոնիայի ազգային հավաքականի խաղացող։

Վաղ տարիներ

[խմբագրել | խմբագրել կոդը]

Սովորելով տարրական դպրոցում՝ Ուեդան գրանցվել է թեկվոնդոյի և զգալի հաջողություններ գրանցել այդ մարզաձևում: Ավագ դպրոցում սովորելու ընթացքում նա դարձել է Ճապոնիայի պատանիների չեմպիոն և մասնակցել միջազգային մրցումների[2]։ Երրորդ դասարանում Նաոմիտին ընկերոջ հրավերով գրանցվել է նաև ֆուտբոլի, որտեղ նույնպես հաջողել է[3]։ Ավագ դպրոցում Ուեդան ընտրություն է կատարել հօգուտ ֆուտբոլի և ընդունվել Օցուի ավագ դպրոց, որը հայտնի է իր ուժեղ ֆուտբոլային ծրագրով[4]։ Ուսման երրորդ տարում նա դարձել է դպրոցական ֆուտբոլային թիմի ավագ, այդ կարգավիճակով 2012 թվականին դուրս է եկել «Վ-Վարեն Նագասակի» պրոֆեսիոնալ ակումբի հետ կայսեր գավաթի առաջին շրջանի խաղին[5], ինչպես նաև դպրոցական թիմերի միջև 91-րդ ազգային առաջնության խաղերին[6]։ Դպրոցական տարիներին Ուեդան ստացել է «Կոկորդիլոս» մականունը, Նաոմիտիի խոսքով՝ դա կապված է մրցակցի հարձակվողների դեմ նրա խաղաոճի հետ, որը հիշեցնում է կոկորդիլոսի գիշատիչ սովորությունները, որը բռնում է զոհին և քաշում նրան դեպի հատակը[7]։

Ակումբային կարիերա

[խմբագրել | խմբագրել կոդը]

Դեռ ավագ դպրոցում սովորելու տարիներին Ուեդան հրավերներ էր ստանում մի քանի պրոֆեսիոնալ ֆուտբոլային ակումբներից, որոնց թվում էին «Ուրավա Ռեդսը», «Յոկոհամա Ֆ. Մարինոսը», «Կավասակի Ֆրոնտալեն», «Տոկիոն» և «Նագոյա Գրամպուսը»[8][9]։ Նաոմիտին ընտրություն է կատարել «Կասիմա Անտլերս» ակումբի օգտին, որին միացել է 2013 թվականի հունվարին դպրոցական թիմակից Յուտա Տոյեկավայի հետ[7][10]։

2013 թվականի մրցաշրջանում Ուեդան պահեստային էր «Կասիմա Անտլերսում»՝ ոչ մի անգամ չխաղալով Ջեյ Լիգայում, բայց երբեմն խաղային պրակտիկա էր ստանում գավաթային խաղերում՝ ընդհանուր առմամբ մասնակցելով երեք խաղի։ Նրա պրոֆեսիոնալ դեբյուտը կայացել է 2013 թվականի մարտի 23-ին Ջեյ Լիգայի գավաթի «Տոկիոյի» դեմ խաղում[11]։ 2014 թվականի մարտի 1-ին Ուեդան իր նորամուտը նշել է Ջեյ լիգայում՝ փոխարինման դուրս գալով «Վանֆոր Կոֆու»-ի հետ խաղում[12]։ 2014 թվականի մրցաշրջանի սկզբում նա մնացել է պահեստայինների նստարանին, սակայն առաջնության ութ տուրից հետո գլխավոր մարզիչ Տոնինյո Սերեզոն Նաոմիտիին վստահել է տեղը հիմնական կազմում: Ընդհանուր առմամբ Ուեդան 20 հանդիպում է անցկացրել Ճապոնիայի առաջնությունում, ևս երկու հանդիպում անցկացրել է լիգայի երիտասարդ խաղացողների հավաքականում, որը հանդես է եկել երրորդ դիվիզիոնում:

2015 թվականի մրցաշրջանում Ուեդան սկսել է ավելի հազվադեպ հայտնվել հիմնական կազմում՝ հարավկորեացի պաշտպան Հվան Սոկ Հոյի թիմի կազմում ընդգրկվելու պատճառով։ Այնուամենայնիվ, այդ մրցաշրջանում նա իր նորամուտը նշել է AFC Չեմպիոնների լիգայում՝ իր առաջին հանդիպումը անցկացնելով փետրվարի 25-ին ավստրալիական «Վեսթերն Սիդնեյ Ուոնդերերս» ակումբի դեմ[13]։ Ապրիլի 16-ին Նաոմիտին իր առաջին գոլն է խփել «Կասիմա Անտլերսի» կազմում՝ աչքի ընկնելով Ջեյ լիգայի «Կասիվա Ռեյսոլի» հետ խաղում[14]։ Ընդամենը մեկ մրցաշրջանում նա 12 հանդիպում է անցկացրել Ճապոնիայի առաջնությունում, աչքի է ընկել մեկ գոլով, ինչպես նաև կրկին երկու հանդիպում է անցկացրել երրորդ լիգայի երիտասարդ ֆուտբոլիստների հավաքականում: Մրցաշրջանի ավարտից հետո Ուեդայով հետաքրքրվում էին «Սագան Տոսուն» և «Վիսել Կոբեն», սակայն նա նախընտրեց մնալ «Կասիմա Անտլերսում»[15][16]։

2016 թվականի մրցաշրջանում Ուեդան հաղթել է Հվանգին և Գեն Շոջիի հետ կազմել «Կասիմա Անտլերսի» կենտրոնական պաշտպանների հիմնական զույգը[17]։ Ուեդայի թիմի հետ 2016 թվականին դարձել է Ճապոնիայի չեմպիոն և կայսեր գավաթակիր, ինչպես նաև հանդես է եկել աշխարհի ակումբային առաջնությունում: Նա մասնակցել է նաև եզրափակիչ խաղին, որում ճապոնական ակումբը պարտվել է Մադրիդի «Ռեալին»[18]։ Չնայած այդ խաղում 2:4 հաշվով կրած պարտությանը, ճապոնական և համաշխարհային մի շարք պարբերականներ բարձր են գնահատել Ուեդայի և Շոջիի խաղը պաշտպանությունում[19][20][21]։

2017 թվականի փետրվարի 18-ին Ուեդան մեկնարկային կազմ էր դուրս եկել «Ուրավա Ռեդ Դայմոնդսի» դեմ Ճապոնիայի սուպերգավաթի խաղին, որում իր ակումբը հաղթել էր 3:2 հաշվով[22]։ Մարտին Նաոմիտին ԱՖԿ Չեմպիոնների լիգայում հաջող ելույթների համար Toyota ընկերությունից ստացել էր Ասիայի ամսվա լավագույն երիտասարդ խաղացողի մրցանակը[23]։

2017 թվականի դեկտեմբերին գերմանական մամուլում տեղեկություն հայտնվեց Երկրորդ Բունդեսլիգայի «Ունիոն Բեռլին» ակումբի ղեկավարության՝ ձմեռային տրանսֆերային պատուհանի ժամանակ Ուեդային ձեռք բերելու ցանկության մասին[24], սակայն այդ տեղափոխությունը չկայացավ, և նոր մրցաշրջանում ֆուտբոլիստը շարունակեց խաղալ «Կասիմա Անտլերսի» կազմում։ 2018 թվականի հուլիսի 17-ին ճապոնացին, այնուամենայնիվ, տեղափոխվեց Եվրոպա՝ չորս տարվա պայմանագիր կնքելով բելգիական «Սերկլ Բրյուգե» ակումբի հետ: Ակումբի նախագահ Ֆրանս Շոթեն, մեկնաբանելով տրանսֆերը, նշել է Ուեդային որպես ուժեղ և տաղանդավոր պաշտպան՝ լուրջ փորձով, լավ կարգապահությամբ, աշխատասիրությամբ և մեծ ներուժով[25]։ Օգոստոսի 11-ին Նաոմիտին նորամուտը նշեց նոր թիմում՝ Բելգիայի առաջնությունում ամբողջ հանդիպումն անցկացնելով Լիեժի «Ստանդարտ»-ի հետ[26]։ Բելգիայում անցկացրած երկու տարիների ընթացքում Ուեդան մասնակցել է 55 հանդիպման, դարձել մեկ գոլի հեղինակ: 2020/21 մրցաշրջանի առաջին կեսում նա սկսեց խնդիրներ ունենալ հիմնական կազմում հայտնվելու հետ[27]։

2021 թվականի հունվարի 18-ին Ուեդան տեղափոխվեց ֆրանսիական «Նիմ», որը վարձակալեց նրան մինչև 2020/21 մրցաշրջանի ավարտը՝ հետագայում գնելու հնարավորությամբ[27]։ Նոր ակումբում ճապոնացին նորամուտը նշել է փետրվարի 10-ին Ֆրանսիայի գավաթի խաղարկության «Նիսի» հետ խաղում[28]։

Ելույթներ ազգային հավաքականում

[խմբագրել | խմբագրել կոդը]

2010 թվականին Ուեդան խաղացել է Ճապոնիայի հավաքականի կազմում Ուզբեկստանում կայացած Ասիայի մինչև 16 տարեկանների առաջնությունում։ Ճապոնիայի հավաքականը հասել է մրցաշարի կիսաեզրափակիչ, որտեղ պարտվել է Հյուսիսային Կորեայի հավաքականին[3]։

2011 թվականին Ուեդան Ճապոնիայի մինչև 17 տարեկանների հավաքականի կազմում հանդես է եկել Մեքսիկայում կայացած աշխարհի պատանեկան առաջնությունում։ Մրցաշարում նա մասնակցել է հավաքականի բոլոր 5 հանդիպումներին և աչքի ընկել Արգենտինայի հավաքականի դարպասը խփած գոլով[29]։

2014 թվականի դեկտեմբերին Ճապոնիայի ազգային հավաքականի գլխավոր մարզիչ Խավիեր Ագիրեն Ուեդային հրավիրել է 2015 թվականի Ասիայի գավաթ՝ վնասվածք ստացած Ացուտո Ուչիդայի փոխարեն[30]։ Մրցաշարում Ուեդան պահեստային էր և ոչ մի անգամ խաղադաշտ դուրս չի եկել։ 2015 թվականի մայիսին ճապոնական թիմի նոր գլխավոր մարզիչ Վահիդ Հալիլհոջիչը Ուեդային կանչել էր երկօրյա հավաքի[31]։

2016 թվականի հունվարին Ուեդան ճապոնական թիմի կազմում մասնակցել է Կատարում կայացած երիտասարդական թիմերի Ասիայի առաջնությանը: Մրցաշարում նա մասնակցել է հինգ հանդիպման՝ բաց թողնելով միայն մեկ խաղ և հաղթական գոլ խփել ԿԺԴՀ-ի հավաքականի դարպասը: Ճապոնիան հասել է առաջնության եզրափակիչ, որտեղ հաղթել է Հարավային Կորեայի հավաքականին և դարձել չեմպիոն[2]։ Ճապոնիայի հավաքականի հետ Ուեդան մասնակցել է նաև 2016 թվականի ամառային Օլիմպիական խաղերին: Մրցաշարում նա խմբային փուլում մասնակցել է իր թիմի բոլոր երեք հանդիպումներին, որից հետո Ճապոնիան դուրս է մնացել մեդալների համար պայքարից[29]։

2017 թվականի դեկտեմբերի 12-ին Ուեդան իր նորամուտը նշել է Ճապոնիայի ազգային հավաքականի կազմում Արևելյան Ասիայի գավաթի խաղարկությունում Չինաստանի թիմի հետ խաղում, որը ճապոնացիները հաղթեցին 2-1 հաշվով[32]։ Նա մասնակցել է նաև Կորեայի Հանրապետության հավաքականի հետ հաջորդ հանդիպմանը, որում նրա թիմը պարտություն է կրել 1:4 հաշվով: Մրցաշարի արդյունքներով Ճապոնիայի հավաքականը գրավել է երկրորդ տեղը[33]։ 2018 թվականի մայիսի 31-ին Ուեդան մարզիչ Ակիրա Նիսինոյի կողմից ընդգրկվել է Ճապոնիայի հավաքականի հայտացուցակում Ռուսաստանում կայանալիք Աշխարհի առաջնությանը[34]։ Մրցաշարում նա պահեստային էր և խաղադաշտ դուրս չէր գալիս։ Առաջնությունից հետո Նաոմիտին նշել է․ «Իմ նպատակն է դառնալ այնպիսի խաղացող, որը կարող է հանդես գալ գլոբալ մակարդակով։ Զարգանալու ցանկությունս միայն ուժեղացավ, երբ նստարանից հետևում էի աշխարհի առաջնության խաղերին»[35].

2019 թվականի մայիսի 24-ին Ճապոնիայի ազգային հավաքականի գլխավոր մարզիչ Հաջիմե Մորիյասուն Ուեդային ընդգրկեց Ամերիկայի գավաթի հայտացուցակում։ Հավաքականի այս կազմը հավաքվել է հիմնականում երիտասարդ խաղացողներից, որոնք մեծ հավանականությամբ պետք է խաղային 2020 թվականի ամառային Օլիմպիական խաղերում[36]։ Ուեդան հավաքականի հիմնական պաշտպանն էր մրցաշարում և առանց փոխարինման անցկացրեց բոլոր երեք հանդիպումները խմբային փուլում, որից հետո ճապոնացիները դուրս մնացին գավաթի համար պայքարից[37]։

2020 թվականի հոկտեմբերի 13-ին Կոտ դ'Իվուարի հավաքականի հետ ընկերական խաղում Ուեդան խփեց իր առաջին գոլը Ճապոնիայի հավաքականի կազմում։ Այս գոլը միակն էր խաղում և հաղթանակ պարգևեց նրա թիմին[27]։

Վիճակագրություն

[խմբագրել | խմբագրել կոդը]

Ակումբային վիճակագրություն

[խմբագրել | խմբագրել կոդը]
Ելույթներ Լիգա Գավաթ Լիգայի գավաթ Ասիա Այլ Ընդհանուր
Ակումբ Լիգա Մրցաջրջան Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Օցուի ավագ դպրոց — 2012 — 1 0 — — — 1 0
Կասիմա Անտլերս I 2013 0 0 1 0 2 0 — — 3 0
2014 20 0 1 0 3 0 — — 24 0
2015 12 1 2 0 0 0 2 0 — 16 1
2016 22 0 4 0 2 0 — 3 0 31 0
2017 29 3 2 0 — 7 1 1 0 39 4
2018 14 0 — — 6 1 — 20 1
Ընդհանուր 97 4 10 0 7 0 15 2 4 0 133 6
Ջեյ լիգայի հավաքական (մինչև 22) III 2014 2 0 — — — — 2 0
2015 2 0 — — — — 2 0
Ընդհանուր 2 0 — — — — 2 ?
Սերկլ Բրյուգե I 2018/2019 26 1 1 0 — — — 27 1
2019/2020 19 0 1 0 — — — 20 0
2020/2021 8 0 0 0 — — — 8 0
Ընդհանուր 53 1 2 0 — — — 55 1
Նիմ I 2020/2021 0 0 1 0 — — — 1 0
Ընդհանուր կարիերայի ընթացքում 154 5 15 0 7 0 15 1 4 0 195 6
  1. ԱՖԱ Չեմպիոնների լիգա։
  2. Ճապոնիայի սուպերգավաթ, Աշխարհի ակումբային առաջնություն։

Հանդիպումներ հավաքականում

[խմբագրել | խմբագրել կոդը]
Ուեդայի հանդիպումները Ճապոնիայի հավաքականի կազմում
№ Ամսաթիվ Հակառակորդ Հաշիվ Գոլեր Մրցույթ
1 Դեկտեմբերի 12, 2017 Չինաստանի Ժողովրդական Հանրապետություն Չինաստան 2:1 — Արևելյան Ասիայի գավաթ 2017
2 Դեկտեմբերի 16, 2017 Հարավային Կորեա Հարավային Կորեա 1:4 — Արևելյան Ասիայի գավաթ 2017
3 Մարտի 27, 2018 Ուկրաինա Ուկրաինա 1:2 — Ընկերական հանդիպում
4 Հունիսի 12, 2018 Պարագվայ Պարագվայ 4:2 — Ընկերական հանդիպում
5 Հունիսի 17, 2019 Չիլի Չիլի 0:4 — Ամերիկայի գավաթ 2019
6 Հունիսի 20, 2019 Ուրուգվայ Ուրուգվայ 2:2 — Ամերիկայի գավաթ 2019
7 Հունիսի 24, 2019 Էկվադոր Էկվադոր 1:1 — Ամերիկայի գավաթ 2019
8 Սեպտեմբերի 5, 2019 Պարագվայ Պարագվայ 2:0 — Ընկերական հանդիպում
9 Հոկտեմբերի 15, 2019 Տաջիկստան Տաջիկստան 3:0 — ԱԱ-2022-ի ընտրական մրցաշար
10 Նոյեմբերի 14, 2019 Ղրղզստան Ղրղզստան 2:0 — ԱԱ-2022-ի ընտրական մրցաշար
11 Նոյեմբերի 19, 2019 Վենեսուելա Վենեսուելա 4:1 — Ընկերական հանդիպում
12 Հոկտեմբերի 13, 2020 Կոտ դ'Իվուար Կոտ դ'Իվուար 1:0 1 Ընկերական հանդիպում
13 Նոյեմբերի 13, 2020 Պանամա Պանամա 1:0 — Ընկերական հանդիպում

Ընդհանուր՝ խաղացված հանդիպումներ՝ 13 / խփված գոլեր՝ 1, հաղթանակներ՝ 7, ոչ-ոքի՝ 2, պարտություններ՝ 4:

Ձեռքբերումներ

[խմբագրել | խմբագրել կոդը]

«Կասիմա Անտլերս»

  • Ճապոնիայի չեմպիոն՝ 2016
  • Կայսեր գավաթակիր՝ 2016
  • Ջեյ լիգայի գավաթակիր՝ 2015
  • Ճապոնիայի սուպերգավաթակիր՝ 2017

Ճապոնիա

  • Ասիայի երիտասարդական թիմերի չեմպիոն՝ 2016

Ծանոթագրություններ

[խմբագրել | խմբագրել կոդը]
  1. 1 2 Transfermarkt.com(բազմ․) — 2000.
  2. 1 2 McKirdy, Andrew. (2016 թ․ փետրվարի 23). «Olympic hopefuls aim to shine in J. League» (անգլերեն). The Japan Times. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  3. 1 2 «植田直通（鹿島アントラーズ）「継続は力なり」» (ճապոներեն). Sokker King. 2013 թ․ հունիսի 26. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  4. ↑ 安藤隆人 (2012 թ․ դեկտեմբերի 29). «超高校級ＤＦ・植田直通が持つ唯一無二の才能 高校選手権・注目校紹介　大津編» (ճապոներեն). Yahoo. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  5. ↑ «Ohzu High School - V-Varen Nagasaki, Sep 1, 2012 - Emperor's Cup - Match sheet» (անգլերեն). Transfermarkt. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  6. ↑ «"超高校級ＤＦ"大津・植田初戦で涙» (ճապոներեն). デイリースポーツ. 2013 թ․ հունվարի 1. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  7. 1 2 Քաղվածելու սխալ՝ Սխալ <ref> պիտակ՝ «cr» անվանումով ref-երը տեքստ չեն պարունակում:
  8. ↑ «プロ注目！Ｕ１９植田　進路先を３クラブに絞り込む» (ճապոներեն). Sponichi Annex. 2012 թ․ հուլիսի 18. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  9. ↑ «元テコンドー日本王者だった植田　"注目発言"で争奪戦さらに激化！？» (ճապոներեն). Sponichi Annex. 2011 թ․ հուլիսի 7. Արխիվացված է օրիգինալից 2013 թ․ մարտի 4-ին. Վերցված է 2017 թ․ սեպտեմբերի 24-ին.
  10. ↑ «エース封じ、任せろ…熊本・大津のＤＦ植田» (ճապոներեն). The Yomiuri Shimbun. 2012 թ․ դեկտեմբերի 19. Արխիվացված է օրիգինալից 2016 թ․ մարտի 4-ին. Վերցված է 2017 թ․ սեպտեմբերի 24-ին.
  11. ↑ «Kashima Antlers - FC Tokyo, Mar 23, 2013 - J. League Cup - Match sheet» (անգլերեն). Transfermarkt. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  12. ↑ «Ventforet Kofu - Kashima Antlers, Mar 1, 2014 - J1 League - Match sheet» (անգլերեն). Transfermarkt. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  13. ↑ «Kashima Antlers vs. Western Sydney Wanderers — 25 February 2015 — Soccerway». Արխիվացված օրիգինալից 2015 թ․ դեկտեմբերի 30-ին. Վերցված է 2015 թ․ նոյեմբերի 9-ին. {{cite web}}: no-break space character in |title= at position 45 (օգնություն)
  14. ↑ «Kashiwa Reysol - Kashima Antlers, Apr 16, 2015 - Meiji Yasuda J1 League - First Stage - Match sheet» (անգլերեն). Transfermarkt. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 25-ին.
  15. ↑ «Ｕ23日本１勝　信頼される男、ＤＦ植田直通Ｖ弾» (ճապոներեն). Nikkan Sports News. 2016 թ․ հունվարի 14. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 25-ին.
  16. ↑ «【鹿島】Ｕ２３代表・植田が残留決断「鹿島で勝負したい」» (ճապոներեն). The Hochi Shimbun. 2015 թ․ դեկտեմբերի 30. Արխիվացված է օրիգինալից 2016 թ․ հունվարի 1-ին. Վերցված է 2017 թ․ սեպտեմբերի 25-ին.
  17. ↑ Hayward, Ben. (2016 թ․ դեկտեմբերի 17). «Who are Kashima Antlers? Real Madrid's Club World Cup final opponents profiled» (անգլերեն). Goal.com. Արխիվացված օրիգինալից 2017 թ․ սեպտեմբերի 29-ին. Վերցված է 2017 թ․ սեպտեմբերի 28-ին.
  18. ↑ Ostlere, Lawrence. (2016 թ․ դեկտեմբերի 18). «Real Madrid 4-2 Kashima Antlers: Club World Cup final – as it happened» (անգլերեն). The Guardian. Արխիվացված օրիգինալից 2017 թ․ սեպտեմբերի 24-ին. Վերցված է 2017 թ․ սեպտեմբերի 24-ին.
  19. ↑ «Kashima Antlers come close to achieving 'Midwinter Night's Dream'» (անգլերեն). Mainichi Japan. 2016 թ․ դեկտեմբերի 19. Արխիվացված օրիգինալից 2017 թ․ սեպտեմբերի 29-ին. Վերցված է 2017 թ․ սեպտեմբերի 28-ին.
  20. ↑ «レアルを焦らせた鹿島守備陣にスペイン紙が高評価…一方で昌子にはやや厳しめ» (ճապոներեն). Goal.com. 2016 թ․ դեկտեմբերի 19. Արխիվացված օրիգինալից 2016 թ․ դեկտեմբերի 21-ին. Վերցված է 2017 թ․ սեպտեմբերի 28-ին.
  21. ↑ «「鹿島から多くの才能が現れた」伊紙が"目を奪われた"選手として柴崎などを紹介» (ճապոներեն). Football Channel. 2016 թ․ դեկտեմբերի 20. Արխիվացված օրիգինալից 2017 թ․ սեպտեմբերի 29-ին. Վերցված է 2017 թ․ սեպտեմբերի 28-ին.
  22. ↑ «RESULTS OF KASHIMA vs URAWA GAME-FUJI XEROX SUPER CUP 2017：Feb 18th, 2017» (անգլերեն). J. LEAGUE.JP. Արխիվացված օրիգինալից 2017 թ․ սեպտեմբերի 29-ին. Վերցված է 2017 թ․ սեպտեմբերի 28-ին.
  23. ↑ Muralidharan, Ashwin. (2017 թ․ ապրիլի 2). «AFC Champions League 2017: Young player of the month - Kashima Antlers' Naomichi Ueda» (անգլերեն). Goal.com. Արխիվացված օրիգինալից 2017 թ․ սեպտեմբերի 24-ին. Վերցված է 2017 թ․ սեպտեմբերի 24-ին.
  24. ↑ Ketterl, Johannes. (2017 թ․ դեկտեմբերի 5). «1. FC Union Berlin: Japaner Naomichi Ueda im Visier?» (գերմաներեն). Liga-Zwei.de. Արխիվացված օրիգինալից 2018 թ․ օգոստոսի 6-ին. Վերցված է 2018 թ․ օգոստոսի 6-ին.
  25. ↑ «Cercle Brugge strikt Japanse WK-ganger Naomichi Ueda» (հոլանդերեն). KW. 2018 թ․ հուլիսի 17. Արխիվացված օրիգինալից 2018 թ․ օգոստոսի 6-ին. Վերցված է 2018 թ․ օգոստոսի 6-ին.
  26. ↑ «Un troisième partage d'affilée pour le Standard contre le Cercle» (ֆրանսերեն). Sport/Foot Magazine. 2018 թ․ օգոստոսի 12. Արխիվացված օրիգինալից 2018 թ․ սեպտեմբերի 6-ին. Վերցված է 2018 թ․ օգոստոսի 13-ին.
  27. 1 2 3 «Japan's Naomichi Ueda joins Nimes on loan» (անգլերեն). The Asian Football Confederation. 2021 թ․ հունվարի 19. Վերցված է 2021 թ․ փետրվարի 23-ին.
  28. ↑ «Nîmes sans ses cadres, Ueda dans le groupe en Coupe de France contre Nice» (ֆրանսերեն). L’Équipe. 2021 թ․ փետրվարի 10. Արխիվացված օրիգինալից 2021 թ․ մարտի 3-ին. Վերցված է 2021 թ․ փետրվարի 23-ին.
  29. 1 2 «Naomichi UEDA» (անգլերեն). FIFA. Արխիվացված է օրիգինալից 2017 թ․ հոկտեմբերի 18-ին. Վերցված է 2017 թ․ սեպտեմբերի 24-ին.
  30. ↑ «Japan full-back Uchida ruled out of Asian Cup» (անգլերեն). FourFourTwo. 2014 թ․ դեկտեմբերի 28. Արխիվացված օրիգինալից 2017 թ․ սեպտեմբերի 25-ին. Վերցված է 2017 թ․ սեպտեմբերի 24-ին.
  31. ↑ «大久保嘉人ら28人日本代表候補合宿メンバー／一覧» (ճապոներեն). Nikkan Sports News. 2015 թ․ մայիսի 7. Արխիվացված օրիգինալից 2017 թ․ սեպտեմբերի 24-ին. Վերցված է 2017 թ․ սեպտեմբերի 28-ին.
  32. ↑ McKirdy, Andrew. (2017 թ․ դեկտեմբերի 12). «Yu Kobayashi, Gen Shoji spark Japan in triumph over China at E-1 Football Championship» (անգլերեն). The Japan Times. Արխիվացված օրիգինալից 2017 թ․ դեկտեմբերի 13-ին. Վերցված է 2017 թ․ դեկտեմբերի 21-ին.
  33. ↑ McKirdy, Andrew. (2017 թ․ դեկտեմբերի 20). «East Asian tournament provides few clues for World Cup» (անգլերեն). The Japan Times. Արխիվացված օրիգինալից 2017 թ․ դեկտեմբերի 22-ին. Վերցված է 2017 թ․ դեկտեմբերի 21-ին.
  34. ↑ «Nishino announces provisional Japan squad» (անգլերեն). FIFA. 2018 թ․ մայիսի 31. Արխիվացված օրիգինալից 2018 թ․ հուլիսի 3-ին. Վերցված է 2018 թ․ հուլիսի 3-ին.
  35. ↑ «Soccer: World Cup star Inui says next goal is contributing to Real Betis» (անգլերեն). The Mainichi. 2018 թ․ հուլիսի 13. Արխիվացված է օրիգինալից 2018 թ․ օգոստոսի 6-ին. Վերցված է 2018 թ․ օգոստոսի 6-ին.
  36. ↑ «Samurai Blue boss Hajime Moriyasu selects squad of Olympic hopefuls for Copa America» (անգլերեն). The Japan Times. 2019 թ․ մայիսի 24. Արխիվացված օրիգինալից 2020 թ․ ապրիլի 12-ին. Վերցված է 2019 թ․ հունիսի 18-ին.
  37. ↑ Rey, Debora. (2019 թ․ հունիսի 24). «Copa America: Ecuador and Japan eliminated after draw» (անգլերեն). Yahoo! News. Արխիվացված օրիգինալից 2019 թ․ հունիսի 29-ին. Վերցված է 2019 թ․ հունիսի 29-ին.
Ստացված է «https://hy.wikipedia.org/w/index.php?title=Նաոմիտի_Ուեդա&oldid=10758811» էջից