Նանկայի համալսարան

Վիքիպեդիայից՝ ազատ հանրագիտարանից
Jump to navigation Jump to search
Նանկայի համալսարան
Main Building of Nankai University 2015-08-04.jpg
Տեսակհանրային հետազոտությունների համալսարան
Հիմնադրված է1919
Ընդհանուր անձնակազմ4336 մարդ
ԵրկիրFlag of the People's Republic of China.svg Չինաստան
ՏեղագրությունՏյանցզին
Կայքnankai.edu.cn
Կոորդինատներ: 39°6′4.0000000996093″ հս․ լ. 117°9′53.000000092026″ ավ. ե. / 39.101111111138777687° հս․. լ. 117.16472222224778932° ավ. ե. / 39.101111111138777687; 117.16472222224778932
Nankai University Վիքիպահեստում

Նանկայի համալսարան (չին.՝ 南开大学), 1919 թվականին հիմնադրված ազգային հետազոտական համալսարան Չինաստանի Տյանցզին քաղաքում: Համալսարանի հիմնադիրներն են համարվում չին լուսավորչիներ Չժան Բոլինը (1876—1951) և Յան Ֆանսունը (1860—1920): Համալսարանը ՉԺՀ պետական խորհրդի վարչապետ Չոու Էնլայայի ալմա մատերն է: Համարվում է Չինաստանի առաջին և լավագույն դասական համալսարանը[1][2][3][4]:

Պատմություն[խմբագրել | խմբագրել կոդը]

Համալսարանը հիմնադրվել է մասնավոր միջոցներով, ուստի ի սկզբանե փոքր է եղել: Իր գոյության առաջին փուլում այն ուներ ընդամենը հումանտիար գիտությունների, տեխնիկայի և բիզնեսի ֆակուլտետներ: Ուներ ընդհանուր 96 ուսանող: Համալսարանի առանձնահատկությունն այն էր, որ դասընթացները տեղի էին ունենում ամբողջությամբ անգլերենով: 1937 թվականին Նանկայի համալսարանը ընդլայնվել է և ունեցել երեք քոլեջ, 13 գրասենյակ և երկու հետազոտական ինստիտուտ: Այդ ժամանակ համալսարանում սովորում էր 429 ուսանող, իսկ պրոֆեսորադասախոսական կազմն բաղկացած էր 110 դասախոսից: Համալսարանը ստացել է «Բարձրագույն կրթության Հյուսիսային Աստղ» ոչ պաշտոնական անունը:

Արդիականություն[խմբագրել | խմբագրել կոդը]

2009 թվականի վերջին համալսարանում կար 22 քոլեջ, որոնք կրթական ծրագրեր էին առաջարկում բակալավրի 73 մասնագիտությունների համար, 208 ծրագիր մագիստրոսի վերապատրաստման համար, ինչպես նաև 122 ծրագիր դոկտորների գիտությունների համար: Ուսանողների ընդհանուր թիվը 12 հազար էր, մագիստորսներինը՝ նույնպես: Ուսանողների մոտ 10%-ը հիմնականում Հարավային Կորեայից էին, Ճապոնիայից, Եվրոպայից և Աֆրիկայից: Հայտնվելով Չինաստանի լավագույն բուհերի տասնյակում՝ Նանկայի համալսարանը երկրում զբաղեցնում էր առաջատար տեղը: Նանկայում է գտնվում մաթեմատիկայի, քիմիայի, պատմության, բիզնեսի և տնտեսության լավագույն դպրոցները: 2008 թվականի ՉԺՀ-ի կրթության նախարարությունը Նանկայի քիմիայի դպրոցը լավագույնն է համարել ամբողջ ՉԺՀ-ում: Մաթեմատիկայի և պատմության հետազոտությունների տնտեսագիտական բնագավառում Նանկայի համալսարանը ՉԺՀ-ի ավելի քան 2000 համալսարանների շարքում զբաղեցրել է երկրորդ տեղը:

Ակադեմիական դպրոցներ[խմբագրել | խմբագրել կոդը]

  • Բնապահպանական հետազոտությունների և ճարտարագիտության դպրոց
  • Օտար լեզուների քոլեջ
  • Պատմության քոլեջ
  • Նախադպրոցական տարիքի երեխաների համար քոլեջ
  • Տեղեկատվական տեխնոլոգիաների քոլեջ
  • Չինական լեզվի և մշակույթի քոլեջ
  • TEDA քոլեջ
  • Քիմիական քոլեջ
  • Բիզնեսի քոլեջ
  • Պետական կառավարման դպրոց
  • Գրականության դպրոց
  • Մաթեմատիկայի դպրոց
  • Բժշկական դպրոց
  • Մարդկային գիտությունների դպրոց
  • Իրավունքի դպրոց
  • Ծրագրային ապահովման դպրոց
  • Դեղագիտության դպրոց
  • Փիլիսոփայության դպրոց
  • Ֆիզիկայի դպրոց
  • Տնտեսագիտության դպրոց

Համալսարանի ռեկտորներ[խմբագրել | խմբագրել կոդը]

  • Չժան Բոլին՝ 1919—1948
  • Հե Լյան՝ 1948—1957
  • Յան Շիսյան 1957—1969, 1979—19
  • Ցզան Բոպին՝ 1978
  • Տեն Վեիցզաո՝ 1981—1986
  • Մու Գոգուան 1986—1995
  • Հոու Ցզիսին 1995—2006
  • Ժաո Ցզիհե՝ 2006-2011
  • Գոնգ Կե՝ 2011-մինչ օրս

Հայտնի շրջանավարտներ[խմբագրել | խմբագրել կոդը]

Չժոու Էնլեյ` Չինաստանի Պետական խորհրդի առաջին վարչապետ, Նանկայի համալսարանի շրջանավարտ

Վարկանիշ[խմբագրել | խմբագրել կոդը]

  • Չինաստանոի լավագույն բուհերի ցանկում 9-րդն էր: 2009 թվականի ժողովրդական համալսարանի կողմից հրապարակված վարկանիշ։
  • Ըստ www.netbig.com-ի՝ համալսարանը Չինաստանի լավագույն բուհերի ցանկում զբաղեցնում էր 8-րդ տեղը
  • 2005 թվականի ՉԺՀ-ի կրթության նախարարության վարկածով համալսարանը ՉԺՀ-ի լավագույն բուհերի ցանկում 8-րդն էր։

Ծանոթագրություններ[խմբագրել | խմբագրել կոդը]

  1. «Renmin University of China Higher Education Research»։ plan.ruc.edu.cn (չինարեն)։ Արխիվացված է օրիգինալից 2012-08-09-ին։ Վերցված է 2011-07-06 
  2. «Netbig 2011 Chinese University Ranking»։ rank2011.netbig.com (չինարեն)։ Վերցված է 2011-07-06 
  3. «Asian University Rankings 2011»։ topuniversities.com (անգլերեն)։ Արխիվացված է օրիգինալից 2012-08-09-ին։ Վերցված է 2011-07-06 
  4. «List of the first-class Chinese Universities 2012»։ qq.com (չինարեն)։ Արխիվացված է օրիգինալից 2012-08-09-ին։ Վերցված է 2012-02-03 

Արտաքին հղումներ[խմբագրել | խմբագրել կոդը]