Նադրա Հադդադ
Նադրա Հադդադ արաբ․՝ نَدْرة حَدَّاد | |
|---|---|
 | |
| Ծնվել է | հոկտեմբերի 30, 1881 |
| Ծննդավայր | Հոմս, Սիրիա |
| Վախճանվել է | մայիսի 27, 1950 (68 տարեկան) |
| Մասնագիտություն | բանաստեղծ, վաճառական և խմբագիր |
| Քաղաքացիություն | .svg){kind=small} Օսմանյան կայսրություն և .svg){kind=small} ԱՄՆ |
| Անդամակցություն | The Pen League? |
 Nadrah Haddad Վիքիպահեստում | |
Նադրա Հադդադ (արաբ․՝ ندرة حداد, հոկտեմբերի 30, 1881, Հոմս, Սիրիա - մայիսի 27, 1950) սիրիացի բանաստեղծ էր և Հյուսիսային Ամերիկայի առաջին արաբալեզու գրական ընկերության՝ «Փետուրի միավորման» հիմնադիր անդամ[1][2]։
Վաղ կյանք
[խմբագրել | խմբագրել կոդը]Նադրան ծնվել է 1881 թվականի հոկտեմբերի 30-ին Հոմսում, օսմանահպատակ Սիրիայում, սիրիացի հույն ուղղափառ մտավորական Ռաշիդ Հադդադի ընտանիքում։ Նա նախնական կրթությունը ստացել է քաղաքի հունական ուղղափառ համայնքային դպրոցում և աշխատել է որպես հաշվապահ, նախքան 1897 թվականի դեկտեմբերի 26-ին 17 տարեկանում Միացյալ Նահանգներ գաղթելը[3]։
Հադդադը բնակություն է հաստատել Նյու Յորքում և զբաղվել առևտրով, միաժամանակ գրելով բանաստեղծություններ։ Նա աշխատել է որպես արաբալեզու «ալ-Սայիհ» (արաբ․՝ السايح, «Զբոսաշրջիկը») հրատարակության գլխավոր խմբագիր, որը հիմնադրել էր իր եղբայր Աբդ ալ-Մասիհը։ Ավելի ուշ նա աշխատել է բանկային ոլորտում[4][5]։
Աշխատանքներ
[խմբագրել | խմբագրել կոդը]Հադդադը «Փետուրի միավորման» հիմնադիր անդամ է, որը Հյուսիսային Ամերիկայի առաջին արաբալեզու գրական ընկերությունն է[6]։ Խմբակն սկզբնապես ստեղծվել է Նասիբ Արիդայի և Նադրայի եղբոր՝ Աբդ ալ-Մասիհի կողմից 1916 թվականին, իսկ հետագայում վերակազմավորվել է 1920 թվականին Նյու Յորքում մահջարի գրողների ավելի մեծ խմբի կողմից՝ Ջիբրան Խալիլ Ջիբրանի գլխավորությամբ[7][8][9]։
Հադդադի ամենահայտնի աշխատանքը «Դիվան Աուրակ ալ-Խարիֆն» է (Աշնանային տերևների գիրքը)[10]։
Մահ
[խմբագրել | խմբագրել կոդը]Հադդադը մահացել է սրտի կաթվածից 1950 թվականի մայիսի 27-ին՝ հարսանեկան արարողության ժամանակ, այն բանից հետո, երբ նա արտասանել էր նորապսակներին շնորհավորող բանաստեղծություն[11]։
Անձնական կյանք
[խմբագրել | խմբագրել կոդը]Նադրան ամուսնացել է Հադբո Հադդադի հետ և ունեցել երեք երեխա՝ Ռոբերտ, Ուիլյամ և Ժոզետ[4]։
Ծանոթագրություններ
[խմբագրել | խմբագրել կոդը]- ↑ Bushrui, Jenkins
- ↑ Qomeiha, 2021, էջ 25
- ↑ Qomeiha, 2021, էջ 25–26
- ↑ 4,0 4,1 Qomeiha, 2021, էջ 26
- ↑ Zarkali, 2002, էջ 15
- ↑ Zeghidour, 1982, էջ 142
- ↑ Qomeiha, 2021, էջ 27
- ↑ Al-Funun, 2000
- ↑ Katibah, Ziadeh, էջ 13
- ↑ Haddad, 1941
- ↑ Qomeiha, 2021, էջ 28
Աղբյուրներ
[խմբագրել | խմբագրել կոդը]- Bawardi, Hani J. (2015). The Making of Arab Americans: From Syrian Nationalism to U.S. Citizenship (1st ed.). Texas: University of Texas Press. ISBN 978-1-47730-752-6.
- Bushrui, Suheil (1987). Kahlil Gibran of Lebanon. Smythe. ISBN 9780861402793.
- Haiek, Joseph R. (1984). Arab-American Almanac. News Circle Publishing House. ISBN 978-0-915652-21-1.
- Jayyusi, Salma Khadra; Tingley, Christopher (1977). Trends and Movements in Modern Arabic Poetry. Brill. ISBN 9789004049208.
- Meisami, Julie Scott; Starkey, Paul, eds. (1998). Encyclopedia of Arabic Literature. Vol. 1. Routledge. ISBN 9780415185714.
- Popp, Richard Alan (2001). «Al-Rābiṭah al-Qalamīyah, 1916». Journal of Arabic Literature. Brill Publishers. 32 (1): 30–52. doi:10.1163/157006401X00123. JSTOR 4183426.
Արտաքին հղումներ
[խմբագրել | խմբագրել կոդը]
| ||||||||||||||||||||||||||||||||||