Նադին Լաբակի

Վիքիպեդիայից՝ ազատ հանրագիտարանից
Նադին Լաբակի
արաբ․՝ نادين لبكي‎‎
Ծնվել էփետրվարի 18, 1974(1974-02-18)[1] (49 տարեկան)
ԾննդավայրBaabdat, Մաթնի շրջան, Լեռնային Լիբանան, Լիբանան
ԿրթությունՍուրբ Ժոզեֆի համալսարան
Քաղաքացիություն Լիբանան
Մասնագիտությունդերասանուհի, կինոռեժիսոր, սցենարիստ և կինոդերասանուհի
Ամուսին(ներ)Քալիդ Մուզանար
Պարգևներ և մրցանակներ
Արվեստների և գրականության շքանշանի ասպետ
nadinelabaki.com

Նադին Լաբակի (արաբ․՝ نادين لبكي‎‎, փետրվարի 18, 1974(1974-02-18)[1], Baabdat, Մաթնի շրջան, Լեռնային Լիբանան, Լիբանան), լիբանանցի դերասանուհի, կինոռեժիսոր, սցենարիստ և կինոդերասանուհի։

Կենսագրություն[խմբագրել | խմբագրել կոդը]

Նադին Լաբակին իր կյանքի առաջին տասնյոթ տարիներն անցկացրել է պատերազմական միջավայրում, մինչև որ 1991 թվականին Լիբանանում քաղաքացիական պատերազմը ավարտվեց[2]։ Իր կարիերան սկսել է 1990 թվականի Studio El Fan շոուում։ Շոուն սկսվել էր 1970-ական թվականներից և շարունակվել էր մինչև 2000-ական թվականները։ Տաղանդների շոուում տարբեր երաժշտական տեսահոլովակների նկարահանման համար արժանացել է մրցանակի[3]։

Լաբակին Բեյրութի Սուրբ Հովսեփի համալսարանում աուդիովիզուալ ուսումնասիրությունների աստիճան է ստացել։ 1997 թվականին նա թողարկել է իր 11 Rue Pasteur ֆիլմը, որը Փարիզի Արաբական Համաշխարհային ինստիտուտում արժանացել է Արաբական կինոյի բիենալեում լավագույն կարճամետրաժ ֆիլմերի մրցանակին։ Լաբակին եզակի է նրանով, որ ի տարբերություն լիբանանցի և արաբ կինոռեժիսորների, նա արտասահմանում կրթություն չի ստացել[2]։

1998 թվականին նա մասնակցել է Փարիզի Կորս Ֆլորանում դերասանական խաղի վերաբերյալ սեմինարին։ Նա շարունակել է գովազդներ և երաժշտական տեսահոլովակներ նկարահնել հայտնի արևելյան երգիչների համար, որոնց համար նա մի քանի անգամ մրցանակների է արժանացել։

Նադին Լաբակի սկսել է իր դերասանուհու կարիերան 2000-ական թվականներին՝ նկարահանվելով կարճամետրաժ ֆիլմերում[4]։ 2010 թվականին նկարահանվել է ռեժիսոր Ջորջ Հաքեմի «Stray Bullet» ֆիլում։

Անձնական կյանք[խմբագրել | խմբագրել կոդը]

Լաբակին մի քանի լեզու գիտի, որոնցից են արաբերենը, ֆրանսերենը, անգլերենը և իտալերեն։ 2007 թվականին ամուսնացել է երաժիշտ և կոմպոզիտոր Քալիդ Մուզաների հետ։ 2009 թվականին զույգն ունեցել է տղա՝ Վալիդը։ 2016 թվականին ծնվել է նրանց դուստրը։

2016 թվականին Լաբակին Բեյրութի ամերիկյան համալսարանից պատվավոր աստիճան է ստացել և համալսարանի 150-ամյակին նվիրված հանդիսավոր արարողության ժամանակ ելույթ է ունեցել։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Internet Movie Database — 1990.
  2. ↑ 2,0 2,1 Armes Roy (2015-01-29)։ New Voices in Arab Cinema (անգլերեն)։ Indiana University Press։ էջ 232։ ISBN 9780253015280  (link)
  3. ↑ Frishkopf Michael Aaron (2010)։ Music and Media in the Arab World (անգլերեն)։ American Univ in Cairo Press։ էջեր 103 and 104։ ISBN 9789774162930 
  4. ↑ Stafford Roy (2014-01-10)։ The Global Film Book (անգլերեն)։ Routledge։ ISBN 9781136474583 
Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Նադին_Լաբակի&oldid=7830016» էջից