Յսթեդալսբրին

Յսթեդալսբրին (նորվ.՝ Jostedalsbreen), մայրցամաքային Եվրոպայի խոշորագույն սառցադաշտը: Գտնվում է Նորվեգիայի Սոգն օգ Ֆյուրանե կոմսությունում: Սառցադաշտի ամենաբարձր կետը համարվում է 1957 մետր բարձրություն ունեցող Յոյգսթե Բրեաքուլեն լեռը՝ չնայած Լոդալսքոփա նունատակն ունի 2083 մետր բարձրություն:

Սառցադաշտի մակերեսը 487 կմ² է: Առավելագույն լայնությունը 600 մետր է, իսկ երկարությունը՝ 60 կմ: Այն ունի շուրջ 50 ճյուղավորումներ, որոնցից են Բրիքսդալսբրինը և Նիգարդսբրինը: 1991 թվականին Յսթեդալսբրին սառցադաշտը ընդգրկվեց համանուն պարկի մեջ: Սառցադաշտը դիմակայուն է ոչ թե ցածր ջերմաստիճանի շնորհիվ, այլ ձյան մեծ քանակի տեղումների:

2012 թվականին սառցադաշտի Բրիքսդալսբրին ճյուղավորումից մի քանի ամսվա ընթացքում 50 մետրանոց սառցաբեկոր հալվեց: Ուսումնասիրությունները ցույց են տվել, որ վերջին 10 տարում համաշխարհային տաքացման հետևանքով Յսթեդալսբրին սառցադաշտը կարճացել է 146 մետրով:

Ներկայումս սառցադաշտի վրա սառցամագլցումները դադարեցված են, քանի որ մտավախություն կա, որ սառույցի վերին շերտի փափկելու հետևանքով կարող են արձանագրվել դժբախտ դեպքեր:

Պատկերասրահ

• 
• 
• 
• 

Արտաքին հղումներ

• Jostedalsbreen National Park Centre. (նորվ.)
• Jostedal Glacier National Park. (անգլ.)
• Directorate for Nature Management — National Parks. Archived 2004-12-08 at the Wayback Machine. (նորվ.)

Գրականություն

• Wold Bjørn, Ryvarden Leif (1996)։ Jostedalsbreen, Norway's Largest Glacier։ Oslo, Norway: J. W. Cappelens Forlag AS։ ISBN 9788276830927 
• Slingsby William Cecil (2003)։ Norway: the Northern Playground։ Rockbuy Limited։ ISBN 9781904466079 
• Dyer Anthony, Robertson Ian H., Baddeley John (2006)։ Walks and Scrambles in Norway։ United Kingdom: Rockbuy Limited։ ISBN 9781904466253