Յուրի Դետոչկինի հուշարձան (Սամարա)

Վիքիպեդիայից՝ ազատ հանրագիտարանից
Յուրի Դետոչկինի հուշարձան
Քարտեզ
Քարտեզ
Տեսակհուշարձան
Ստեղծումնոյեմբերի 9, 2012
Երկիր Ռուսաստան
ՔաղաքԿոմսոմոլսկայա հրապարակ
ԲնակավայրՍամարա
Շինության ձևբրոնզե հուշարձան
Ներկա վիճակկանգուն

Յուրի Դետոչկինի հուշարձան (ռուս.՝ Памятник Юрию Деточкину), հուշարձան՝ նվիրված Էլդար Ռյազանովի «Զգուշացիր ավտոմեքենայից» ֆիլմի գլխավոր հերոս Յուրի Դետոչկինին։ Տեղադրվել է Սամարայի երկաթուղային կայարանի հարևանությամբ՝ Կոմսոմոլսկայա հրապարակում։

Պատմություն[խմբագրել | խմբագրել կոդը]

Հուշարձանը տեղադրվել է 1927 թվականի նոյեմբերի 18-ին Սամարայում ծնված Էլդար Ռյազանովի 85-ամյակի կապակցությամբ։ 2,2 մ բարձրությամբ 470 կիլոգրամ քաշով բրոնզե քանդակում պատկերված է ապահովագրական գործակալ, սիրողական թատրոնի դերասան և մեքենա փախցնող Յուրի Դետոչկինն այնպես, ինչպես երևում է ֆիլմի վերջին սցենարում, երբ կանգնած է տրոլեյբուսի առջև, ողջունելով գլխարկը ձեռքին, պայուսակը ոտքերի մոտ, ժպիտը դեմքին՝ «Բարև, Լյուբա, ես վերադարձել եմ»։

Ստեղծագործության էսքիզը ստեղծվել է «Նովայա գազետա» թերթի գլխավոր նկարիչ Պյոտր Սարուխանովի կողմից, իսկ «Նովայա գազետա» թերթի խմբագիր Դմիտրի Մուրատովը նախագծի ոգեշնչողներից մեկն էր։ Բրոնզե քանդակը ստեղծել է Ռուսաստանի նկարիչների միության անդամ Իվան Մելնիկովը։ Քանդակագործի խոսքերով նա փորձել է պատկերել մարդու ներքին վիճակը, ով իր հոգում պահում է լավը, չնայած անցած բոլոր փորձություններին[1]։ Հուշարձանը ստեղծվել է արտաբյուջետային միջոցների հաշվին[2]։

Հուշարձանի տեղադրման համար ընտրվել է կայարանի հարևանությամբ գտնվող տարածքը, որպեսզի հուշարձանը տեսանելի լինի ինչպես սամարացիների, այնպես էլ քաղաքի այցելուների համար։ Հուշարձանի տեղադրման վայրը հաստատվել է Ռյազանովի կողմից[1]։ Հուշարձանի բացման արարողությունը տեղի է ունեցել 2012 թվականի նոյեմբերի 9-ին, որին ներկա են գտնվել մոտ երկու հարյուր մարդ։ Էլդար Ռյազանովը տիկնոջ հետ ժամանել է բացման արարողությանը, իսկ մեծ էկրանին ցուցադրվել է դերասանուհի Օլգա Արոսևայի ողջույնի խոսքը, որը «Զգուշացիր ավտոմեքենայից» ֆիլմում մարմնավորել է Յուրի Դետոչկինի հարսնացուին՝ Լյուբային, որի մոտ էլ շտապում էր բանտից[3]։ Հուշարձանի բացման արարողությանը ներկա է գտնվել նաև Սամարայի մարզի նահանգապետ Նիկոլայ Մերկուշկինը[2]։

Ծանոթագրություններ[խմբագրել | խմբագրել կոդը]

  1. 1,0 1,1 Ирина Чечурина (2012 թ․ նոյեմբերի 9). «В Самаре открыли памятник Юрию Деточкину» (ռուսերեն). Российская газета. Վերցված է 2013 թ․ սեպտեմբերի 5-ին.
  2. 2,0 2,1 «В Самаре открыли памятник Юрию Деточкину» (ռուսերեն). Полит.ру. 2012 թ․ նոյեմբերի 9. Արխիվացված է օրիգինալից 2019 թ․ սեպտեմբերի 19-ին. Վերցված է 2013 թ․ օգոստոսի 31-ին.
  3. «В Самаре установлен памятник Юрию Деточкину» (ռուսերեն). tvkultura.ru. 2012 թ․ նոյեմբերի 9. Արխիվացված է օրիգինալից 2012 թ․ նոյեմբերի 16-ին. Վերցված է 2013 թ․ օգոստոսի 31-ին.