Յուլյա Վոլֆթորն

Յուլյա Վոլֆթորն; գերմ.՝ Julie Wolfthorn
Ի ծնե	գերմ.՝ Julie Wolf
Ծնվել է	հունվարի 8, 1864
Ծննդավայր	Թորուն, Պրուսիայի թագավորություն, Գերմանական միություն
Վախճանվել է	դեկտեմբերի 29, 1944 (80 տարեկան)
Մահվան վայր	Տերեզիենշտադտ, Terezín
Քաղաքացիություն	Նացիստական Գերմանիա
Կրթություն	Ժյուլիանի ակադեմիա և Կոլարոսսիի ակադեմիա
Մասնագիտություն	նկարչուհի
Ժանր	դիմապատկեր
Ուսուցիչ	Էդմոն Աման-Ժան և Կառլ Գյուստավ
Աշակերտներ	Mina Arndt?
	Julie Wolfthorn Վիքիպահեստում

Յուլյա Վոլֆթորն (գերմ.՝ Julie Wolfthorn, ծննդյան անունը՝ Յուլյա Վոլֆ, հունվարի 8, 1864(1864-01-08)^[1]^[2], Թորուն, Պրուսիայի թագավորություն, Գերմանական միություն^[2] - դեկտեմբերի 29, 1944(1944-12-29), Տերեզիենշտադտ, Terezín^[1]), գերմանացի նկարիչ, մոդեռն արվեստում սիմվոլիզմի ներկայացուցիչ, «Բեռլինյան սեցեսիոն» միության անդամ։

Կենսագրություն[խմբագրել | խմբագրել կոդը]

Յուլյա Վոլֆթորնը ծնվել է 1864 թվականին Պրուսիայի նահանգ Թորուն քաղաքում, հրեական ընտանիքում։ Ծննդյան անունը եղել է Յուլյա Վոլֆ, սակայն նկարչուհին հետագայում փոխել է ազգանունը՝ դրան ավելացնելով հայրենի քաղաքի անունը (գերմ.՝ Thorn): Ծնողների մահից հետո 1883 թվականին տեղափոխվել է Բեռլին՝ ապրելու ազգականների մոտ։ 1890 թվականին սովորել է Կուրտ Հերմանի՝ կանանց համար նախատեսված գծագրության և նկարչության դպրոցում։ Քանի որ կանայք Գերմանիայում արվեստի բնագավառում ակադեմիական կրթություն չէին կարող ստանալ, Յուլյան մեկնել է Փարիզ, սովորելու Կոլարոսի և Ժյուլիանի ակադեմիաներում։ 1898 թվականին 65 նորարար արվեստագետների հետ մասնակցել է «Բեռլինյան սեցեսիոն» միության և "Verein der Künstlerinnen und Kunstfreunde Berlin" (Բեռլինի նկարիչների և արվեստի սիրահարների ընկերակցություն) ստեղծմանը։ Բեղմնավոր աշխատել է, մասնակցել ցուցահանդեսներին։ Նրան հռչակ են բերել հայտնի բանաստեղծ Ռիխարդ Դեմելի, գրող Գուստավ Լանդաուերի ընտանիքի անդամների, ճարտարապետ Գերման Մուտեզիուսի, դերասանուհի Թիլա Դյուրեի և ժամանակի այլ հայտնի բեռլինցիների դիմանկարները։

Նացիստների իշխանության գալուց հետո Յուլյա Վոլֆթորնը մնացել է Բեռլինում, համագործակցել «Հրեական մշակույթի միության» հետ։ 1941 թվականին նացիստները փակեցին կազմակերպությունը, բռնագրավեցին գույքը և ձերբակալեցին կազմակերպության մասնակիցներին։

1942 թվականի հոկտեմբերի 28-ին 78-ամյա Յուլյա Վոլֆթորնը և նրա քույր Լուիզա Վոլֆն արտաքսվել են Տերեզիենշտադտ համակենտրոնացման ճամբար։ Չնայած հանգամանքներին, Յուլյան շարունակել է նկարել, երբ հնարավորություն է ունեցել^[4]։

Նկարչուհին մահացել է 1944 թվականի դեկտեմբերի 29-ին համակենտրոնացման ճամբարում։ Նրա անունով Բեռլինում փողոց կա։

Գրականություն[խմբագրել | խմբագրել կոդը]

Breuer, Gerda. Meer, Julia (Ed.): Women in Graphic Design, Jovis. Berlin, 2012. ISBN 978-3-86859-153-8, p. 403 ff, 587-588
Heike Carstensen: Die Malerin und Graphikerin Julie Wolfthorn (1864 - 1944). Rekonstruktion eines Künstlerinnenleben, Marburg 2011.
Hedwig Brenner: Jüdische Frauen in der bildenden Kunst II. Konstanz 2004.
Jugend Jg. 2, No. 47, cover design, 1897.

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 The Database of Victims of the Nazi Persecution — Prague: Terezín Initiative Institute.
↑ ^2,0 ^2,1 ^2,2 ^2,3 ^2,4 Database of the Terezín Memorial
↑ ^3,0 ^3,1 Thieme U., Becker F., Vollmer H. Thieme-Becker-Vollmer (գերմ.) / Hrsg.: U. Thieme, F. Becker, H. Vollmer, F. C. Willis — E. A. Seemann.
↑ Յուլյա Վոլֆթորնի կենսագրությունը

Արտաքին հղումներ[խմբագրել | խմբագրել կոդը]

Juliewolfthorn.de
Julie Wolfthorn past auction works
Berlin-Women: Julie Wolfthorn
Curt Herrmann Biography|bot=InternetArchiveBot }}

Վիքիպահեստն ունի նյութեր, որոնք վերաբերում են «Յուլյա Վոլֆթորն» հոդվածին։

[_b1b8ff3a16c568ed-1] 1,0 ^1,1 ^1,2 ^1,3 ^1,4 The Database of Victims of the Nazi Persecution — Prague: Terezín Initiative Institute.

[_de0f6a095962708d-2] 2,0 ^2,1 ^2,2 ^2,3 ^2,4 Database of the Terezín Memorial

[_bd573b463124365e-3] 3,0 ^3,1 Thieme U., Becker F., Vollmer H. Thieme-Becker-Vollmer (գերմ.) / Hrsg.: U. Thieme, F. Becker, H. Vollmer, F. C. Willis — E. A. Seemann.

[4] Յուլյա Վոլֆթորնի կենսագրությունը

[1]

[2]

[3]

[4]