Յուլիան Ֆալատ

Յուլիան Ֆալատ; լեհ.՝ Julian Fałat
Ծնվել է	հուլիսի 30, 1853[…]
Ծննդավայր	Tulyholove, Գալիցիայի և Լոդոմերիայի թագավորություն, Ավստրիական կայսրություն
Վախճանվել է	հուլիսի 9, 1929[…] (75 տարեկան)
Մահվան վայր	Բիստրա, Gmina Wilkowice, Bielsko County, Սիլեզիայի վոյեվոդություն
Ազգություն	լեհեր
Քաղաքացիություն	Լեհաստան
Կրթություն	Մյունխենի գեղարվեստի ակադեմիա և Կրակովի արվեստի ակադեմիա
Մասնագիտություն	նկարիչ, ջրանկարիչ, ուսուցիչ, բնանկարիչ և ճանապարհորդ
Ժանր	բնանկար, Երիտասարդ Լեհաստան (արվեստ) և ջրաներկ
Ուշագրավ աշխատանքներ	Ash Wednesday? և View of Cracow?
Պարգևներ	և
Պաշտոն	ռեկտոր
Անդամակցություն	Society of Polish Artists "Sztuka"?
	Julian Fałat Վիքիպահեստում

Յուլիան Ֆալատ (լեհ.՝ Julian Fałat, հուլիսի 30, 1853(1853-07-30)^[1]^[2]^[3]^[…], Tulyholove, Գալիցիայի և Լոդոմերիայի թագավորություն, Ավստրիական կայսրություն - հուլիսի 9, 1929(1929-07-09)^[2]^[4]^[5]^[…], Բիստրա, Gmina Wilkowice, Bielsko County, Սիլեզիայի վոյեվոդություն^[6]), լեհ նշանավոր նկարիչ, ռեալիզմի և բնանկարային իմպրեսիոնիզմի ներկայացուցիչ։

Կենսագրություն

1864-1869 թվականներին սովորել է Պերեմիշլի (այժմ` Պշեմիսլ) գիմնազիայում, այնուհետև ընդունվել է Կրակովի գեղարվեստի դպրոց (1870-1871)։ Ներկեր գնելու գումար չունենալով` հիմնականում հմտացել է ջրաներկով նկարներ անելու մեջ։

1872-1873 թվականներին Յուլիան Ֆալատը մեկնել է Ուկրաինա, նկարիչ աշխատել հնագիտական պեղումներում, այնուհետև Օդեսայում աշխատել է ճարտարապետի օգնական։

1873 թվականին տեղափոխվել է Շվեյցարիա, ապա Մյունխեն, որտեղ սովորել է Բավարական թագավորական տեխնիկական բարձրագույն դպրոցում (այժմ` Մյունխենի տեխնիկական համալսարան), որն ավարտելուց հետո 1878 թվականին աշխատանքի է ընդունվել երկաթուղու շինարարությունում։

1878-1880 թվականներին Յուլիան Ֆալատը գեղանկարչական իր հմտությունները կատարելագործել է Շտրաուբերի և Ռաաբեի` Մյունխենի ակադեմիայում։ Այս շրջանում նա հիմնականում ստեղծել է բնանկարներ, ժանրային նկարներ և դիմանկարներ։

1881-1886 թվականներին ապրել է Վարշավայում, մի շարք ուղևորություններ կատարել Իտալիա, Իսպանիա, Մերձավոր Արևելք, Ուկրաինա, Լիտվա։ 1886 թվականին Բեռլինում ներկայացրել է ջրաներկով աշխատանքների շարք, որը պատկերում էր Ռաձիվիլով իշխանների որսորդության տեսարաններ։ Ցուցադրությունից հետո նա նշանակվել է Վիլհելմ II-ի պալատական նկարիչ։ Բեռլինում նկարիչը մնացել է մինչև 1895 թվականը։ Այս շրջանում նա եղել է 1891 թվականի Համաշխարհային ցուցահանդես լեհական բաժնի կազմակերպիչը։

1893 թվականին Յուլիան Ֆալատը դարձել է Բեռլինի գեղարվեստի ակադեմիայի անդամ, շքանշաններով պարգևատրվել է Բեռլինի, Մյունխենի, Վիեննայի ցուցահանդեսներում։

1895 թվականի ապրիլին նշանակվել է Կրակովի գեղարվեստի դպրոցի տնօրեն։ Այս պաշտոնում նա աշխատել է մինչև 1910 թվականը` իրականացնելով ուսման գործընթացի բարեփոխումներ, աշխատանքի ընդունելով նոր պրոֆեսորներ։ Ֆալատի ջանքերի շնորհիվ` դպրոցը դարձել է ակադեմիա (1900)։

1894-1895 թվականներին համագործակցել է նկարիչներ Վոյցեխ Կոսակի, Յան Ստանիսլավսկու, Միխալ Գորստկին-Վիվյուրսկու հետ։ Մասնակցել է «Բերյոզինա» համայնապատկերի ստեղծմանը («Նապոլեոնի զորքերի անցումը Բերյոզինայով 1812 թվականին», 1895)։

Յուլիան Ֆալատը եղել է լեհ նկարիչների` «Արվեստ» (լեհ.՝ «Sztuka») միավորման հիմնադիրներից։ Մասնակցել է միավորման բոլոր ցուցահանդեսներին երկրում և երկրից դուրս։

1910 թվականին հաստատվել է Սիլեզիայում։ 1921 թվականին դարձել է ժողովրդական լուսավորության նախարության` մշակույթի ու արվեստի բաժնի ղեկավար։

1878 թվականից իր աշխատանքները ներկայացրել է Վարշավայում (1890 թվականից համարվել է վարշավյան ցուցահանդեսների կոմիտեի անդամ, 1926 թվականին դարձել է նրա պատվավոր անդամ), նաև արտասահմանում կազմակերպված ցուցահանդեսներին, այդ թվում` Փարիզում (1879), Բեռլինում (1891), Մյունխենում (1892), Դրեզդենում և Վիեննայում (1894), Սենթ Լուիսում (1904)։

Հիմնականում նկարել է ձմեռային բնանկարներ, գյուղական ու որսորդական տեսարաններ։ Մեծ ճանաչում է ձեռք բերել ջրաներկով աշխատանքներով (ժանրային նկարներ, որսորդություն, ձմեռային բնանկարներ, լանդշաֆտային տեսարաններ, պատմական ճարտարապետություն)։ Նկարազարդումներ է արել լեհական ու արտասահմանյան մի շարք հրատարությունների համար։ Նկարիչն ասել է. «Լեհական արվեստը պետք է փոխանցի մեր պատմությունն ու մեր համոզմունքները, մեր որակները, ինչպես նաև մեր թերությունները. այն պետք է լինի մեր հողի, երկնքի ու իդեալների արտացոլումը»^[8]։

Յուլիան Ֆալատի երկու նկար Լեհաստանի` ֆաշիստերի կողմից 1944 թվականի օգոստոսին բռնազավթումից հետո դուրս է բերվել Լեհաստանի ազգային թանգարանից և արդյունքում հայտնվել ԱՄՆ-ում։ 2011 թվականին երկու նկարները հանդիսավոր վերադարձվել են Լեհաստանի ներկայացուցիչներին^[9]։

Հատընտիր գործեր

«Մոխրի ծածկույթ» (Popielec, 1881)
«Աղոթող ծերունի» (Modlący się starzec, 1881)
«Վերադարձ արջի հետ» (Powrót z niedźwiedziem, 1892)
«Դեղձերով տղա» (Chłopiec z brzoskwiniami, 1882)
«Նապոլեոնի անցումը Բերյոզինայով» (Przejście Napoleona przez Berezynę, 1890)
«Որսիղ առաջ Ռիտվանայում» (Przed polowaniem w Rytwianach, II пол. 90-х годов XIX века)
«Բերյոզինա» (Berezyna, 1907)
«Ձյուն» (Śnieg, 1907)

Պատկերասրահ

Աղոթող ծերունի
Ձմեռային բնապատկեր
Ձյուն
Վերադարձ արջի հետ
Նապոլեոնի անցումը Բերյոզինայով

Ծանոթագրություններ

↑ ^1,0 ^1,1 RKDartists (նիդերլ.)
↑ ^2,0 ^2,1 ^2,2 ^2,3 ^2,4 Julian Falat — 2006.
↑ ^3,0 ^3,1 Julian Falat // Benezit Dictionary of Artists — OUP, 2017. — ISBN 978-0-19-977378-7 — doi:10.1093/BENZ/9780199773787.ARTICLE.B00061223
↑ ^4,0 ^4,1 ^4,2 Բրոքհաուզի հանրագիտարան (գերմ.)
↑ ^5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^6,0 ^6,1 ^6,2 http://www.pinakoteka.zascianek.pl/Falat/Falat_5.htm
↑ https://muzeumslaskie.pl/pl/work/widok-krakowa-mskszm372/
↑ Julian Fałat - mistrz w technice akwarelowej - Bystra Śląska Արխիվացված 2008-04-09 Wayback Machine
↑ Похищенные нацистами картины возвращаются в Польшу Արխիվացված 2011-12-25 Wayback Machine Контрабанда, 25 сентября 2011 года)

Գրականություն

Jerzy Malinowski: Julian Fałat. Warszawa: Krajowa Agencja Wydawnicza, 1987. ISBN 83-03-01696-2.
Maciej Masłowski: Julian Fałat. Warszawa: Wydawnictwo Arkady, 1964.

Արտաքին հղումներ

Յուլիան Ֆալատ(չաշխատող հղում)

Վիքիպահեստն ունի նյութեր, որոնք վերաբերում են «Յուլիան Ֆալատ» հոդվածին։

[_5389d39c62682ceb-1] 1,0 ^1,1 RKDartists (նիդերլ.)

[_4675f76f677e56b3-2] 2,0 ^2,1 ^2,2 ^2,3 ^2,4 Julian Falat — 2006.

[_34f11ac9c14948c2-3] 3,0 ^3,1 Julian Falat // Benezit Dictionary of Artists — OUP, 2017. — ISBN 978-0-19-977378-7 — doi:10.1093/BENZ/9780199773787.ARTICLE.B00061223

[_d84498846670b6ce-4] 4,0 ^4,1 ^4,2 Բրոքհաուզի հանրագիտարան (գերմ.)

[_05c5fa88a8454114-5] 5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_0d4946d481cf1663-6] 6,0 ^6,1 ^6,2 http://www.pinakoteka.zascianek.pl/Falat/Falat_5.htm

[_e09697a845a3cf7b-7] ttps://muzeumslaskie.pl/pl/work/widok-krakowa-mskszm372/

[8] Julian Fałat - mistrz w technice akwarelowej - Bystra Śląska Արխիվացված 2008-04-09 Wayback Machine

[9] Похищенные нацистами картины возвращаются в Польшу Արխիվացված 2011-12-25 Wayback Machine Контрабанда, 25 сентября 2011 года)

[1]

[2]

[3]

[4]

[5]

[6]

[7]

[8]

[9]