Յոսթ Ամման
Յոսթ Ամման | |
|---|---|
 | |
| Ծնվել է | ոչ ուշ քան հունիսի 13, 1539 կամ 1539 |
| Ծննդավայր | Ցյուրիխ[1] |
| Վախճանվել է | մարտի 17, 1591[2][3][4][…] |
| Մահվան վայր | Նյուրնբերգ, Միջին Ֆրանկոնիա, Բավարիա[1] |
| Քաղաքացիություն | Գերմանիա[5][3] և Շվեյցարիա[3] |
| Մասնագիտություն | նկարազարդող, նկարիչ, գծանկարիչ, օֆորտանկարիչ, փորագրիչ, դիզայներ, ջրանկարիչ, glass painter և գծանկարիչ |
| Ուսուցիչ | Virgil Solis? |
 Jost Amman Վիքիպահեստում | |
Յոսթ Ամման (գերմ.՝ Jost Amman, ոչ ուշ քան հունիսի 13, 1539 կամ 1539, Ցյուրիխ[1] - մարտի 17, 1591[2][3][4][…], Նյուրնբերգ, Միջին Ֆրանկոնիա, Բավարիա[1]), տասնվեցերորդ դարի շվեյցարացի նկարիչ և փորագրիչ, գրքի ճանաչված պատկերազարդող և փայտափորագրող։
Կենսագրություն[խմբագրել | խմբագրել կոդը]
Յոսթ Ամմանը ծնվել է 1539 թվականի հունիսի 13-ին, Շվեյցարիայի Ցյուրիխ քաղաքում։ Նրա առաջին աշխատանքները եղել են գրքավաճառ Ֆրոշաուերի պատվերով։ Նրա նկարները և կտավները որոշ չափով պահպանվել են, նրա փորագրությունների մեծ մասը, արված պղնձի և փայտի վրա, պատրաստվել են հիմնականում Զիգմունդ Ֆոյերաբենդի համար, Մայնի Ֆրանկֆուրտ քաղաքում։
1560 թվականին Ամմանը տեղափոխվել է գերմանական Նյուրնբերգ քաղաք և համագործակցել է այնտեղ Վիրգիլիոս Սոլիսի և այլ նկարիչների հետ։ Պղնձի վրա նրա փորագրությունների թիվը հասնում է մի քանի հարյուրի, ավելի մեծ է փայտի վրա արված փորագրությունների թիվը, չնայած որ դրանց մեծ մասը նա կատարել է ոչ մենակ։ XVI-րդ դարի երկրորդ կեսին Յոսթ Ամմանի նկարներն ու գրքերը չափազանց տարածված են եղել և վերահրատարակվել են մի քանի անգամ։ Բրոքհաուզի և Եֆրոնի հանրագիտական բառարանում նրա աշխատանքներին տրված է հետևյալ գնահատականը. «Որքան նա հասարակ է աստվածաշնչյան իր պատկերազարդումներում, նույնքան էլ թարմ ու պարզ է, երբ պատկերում է իրեն շրջապատող կերպարները։ Նա գերմանացի ամենաարդյունավետ նկարազարդողներից մեկն է։ Նրա ստեղծագործություններն իրենց ճշմարտացիությամբ և պատկերների խորությամբ լավագույն նյութ են հնագույն գերմանական ազգի կենցաղն ուսումնասիրելու համար։ Նրա լավագույն ստեղծագործողություններից են Հանս Սաքսի, Ծովակալ Կոլինյիի, Յոհան Նոյդյորֆերի և ուրիշների դիմանկարները, փորագրությունները պղնձի և փայտի վրա հագուստի պատկերները, գրքերի պատկերազարդումներ»։ Յոսթ Ամմանը մահացել է Նյուրնբերգ քաղաքում, 1591 թվականի մարտի 17-ին։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 RKDartists (նիդերլ.)
- ↑ 2,0 2,1 2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 3,2 3,3 3,4 SIKART — 2006.
- ↑ 4,0 4,1 4,2 Encyclopædia Britannica
- ↑ Շվեդիայի Ազգային թանգարանի նկարիչների ցանկ — 2016.
Արտաքին հղումներ[խմբագրել | խմբագրել կոդը]
- «Յոսթ Ամման»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907
- Կենսագրություն
| ||||||||||||||||
