Jump to content

Յոնաս Գահր Ստյորե

Վիքիպեդիայից՝ ազատ հանրագիտարանից
Յոնաս Գահր Ստյորե
բուկմոլ՝ Jonas Gahr Støre
Դիմանկար
Ծնվել էօգոստոսի 25, 1960(1960-08-25)[1][2][3] (64 տարեկան)
ԾննդավայրՕսլո, Նորվեգիա[1]
Քաղաքացիություն Նորվեգիա
Մայրենի լեզունորվեգերեն
Կրոնքրիստոնեություն
ԿրթությունSlemdal skole? (1973)[4], Ris skole? (1976)[4], Berg Upper Secondary School? (1979)[4], Royal Norwegian Naval Academy? (1980)[4] և Փարիզի քաղաքական հետազոտությունների ինստիտուտ (1985)[4]
Մասնագիտությունքաղաքական գործիչ, դիվանագետ և Բաժնետեր
ԱշխատատուՀարվարդի համալսարան[1], Նորվեգիայի մենեջմենթի դպրոց, Առողջապահության համաշխարհային կազմակերպություն, Norwegian Red Cross? և Նորվեգիայի զինված ուժեր
ԱմուսինMarit Slagsvold?[5]
Ծնողներհայր՝ Ulf Jonas Støre?[4], մայր՝ Unni Støre?[6]
Զբաղեցրած պաշտոններՆորվեգիայի վարչապետ
ԿուսակցությունՆորվեգական բանվորական կուսակցություն[1][7]
Պարգևներ և
մրցանակներ
ԱնդամությունNorwegian Parliament Coronavirus Committee?
Ստորագրություն
Изображение автографа
 Jonas Gahr Støre Վիքիպահեստում

Յոնաս Գահր Ստյորե (նորվ.՝ Jonas Gahr Støre, օգոստոսի 25, 1960(1960-08-25)[1][2][3], Օսլո, Նորվեգիա[1]), նորվեգացի քաղաքական և պետական գործիչ, Նորվեգական բանվորական կուսակցության առաջնորդը 2014 թվականից, Նորվեգիայի գործող վարչապետ 2021 թվականի հոկտեմբերի 14-ից։

Յոնաս Գահր Ստյորեը նախկինում եղել է Նորվեգիայի արտաքին գործերի նախարար (2005-2012), Նորվեգիայի առողջապահության և սոցիալական ապահովության նախարար (2012-2013), 2009 թվականից Սթորթինգի (Նորվեգիայի խորհրդարանի) պատգամավոր[8]։

Կենսագրություն

[խմբագրել | խմբագրել կոդը]

Յոնաս Գահր Ստյորեն ծնվել է 1960 թվականի օգոստոսի 25-ին Օսլոյում, հարուստի ընտանիքոիմ, ապրել են քաղաքի արևմտյան մասում։ Հայրը (1925—2017) եղել է նավահանգստային գործակալ, պապը՝ երկաթե վառարանների և ջեռուցման համակարգերի արտադրության ղեկավար։

Յոնաս Գահր Ստյորեն 1979-1980 թվականներին սովորել է Բերգենի Նորվեգական ռազմածովային ակադեմիայում, 1980-1981 թվականներին ծառայել է Նորվեգիայի ռազմածովային ուժերում, ստացել է ֆենդրիկի (ռազմածովային ուժերի կրտսեր լեյտենանտ) կոչում, 1981-1985 թվականներին Փարիզի Քաղաքական հետազոտությունների ինստիտուտում սովորել է քաղաքագիտություն[8]։

Որպես երիտասարդ դասախոս 1986 թվականին հրավիրվել է Հարվարդի համալսարանի իրավաբանական ֆակուլտետ։ Հայրենիք վերադառնալուց հետո՝ 1986-1989 թվականներին, եղել է Նորվեգիայի բիզնես կառավարման մասնավոր դպրոցի (այժմ՝ Նորվեգիայի կառավարման դպրոց) գիտաշխատող[8]։

1989-1995 թվականներին եղել է Նորվեգիայի վարչապետ Գրու Հարլեմ Բրունթլանի աշխատակազմի հատուկ խորհրդատու։ 1995-1998 թվականներին եղել է վարչապետներ Թուրբյորթ Յագլանդի և Հելյ Մագնե Բունևիկի կառավարությունների միջազգային բաժնի ղեկավարը, 1998-2000 թվականներին՝ Առողջապահության համաշխարհային կազմակերպության գործադիր տնօրեն Գրու Հարլեմ Բրունթլանի աշխատակազմի ղեկավար։ 2002-2003 թվականներին Յոնաս Գահր Ստյորեն զբաղեցրել է «Econ Analyze AS» (այժմ՝ «Pöyry») խորհրդատվական ընկերության վարչության նախագահի պաշտոնը, 2003 թվականի օգոստոսից մինչև 2005 թվականի աշուն եղել է Նորվեգական Կարմիր խաչի գլխավոր քարտուղար[8]։

2005 թվականի խորհրդարանական ընտրություններից հետո մինչև 2012 թվականը զբաղեցրել է Արտաքին գործերի նախարարի պաշտոնը։

2008 թվականին եղել է Կաբուլում գտնվող հյուրանոցում, որտեղ տեղի ունեցել ահաբեկչական հարձակում։ 2009 թվականի խորհրդարանական ընտրությունների արդյունքներով ընտրվել է Ստորթինգի պատգամավոր[8]։ 2009-2013 թվականներին խորհրդարանում նրան փոխարինել է Թրուլս Վիկհոլմը։ 2012 թվականի սեպտեմբերի 21-ին կառավարությունում փոփոխությունների արդյունքում Յոնաս Գահր Ստյորեն նշանակվել է Նորվեգիայի առողջապահության և սոցիալական ապահովության նախարար[8]։ Պադգամավոր է վերընտրվել է 2013, 2017[8] և 2021 թվականներին։ 2021 թվականի հոկտեմբերի 14-ից Սթորթինգում նրան փոխարինել է է Ֆրուդե Յակոբսենը։

1995 թվականին անդամակցել է Նորվեգական բանվորական կուսակցությանը։ 2014 թվականի հունիսի 18-ին ՆԱՏՕ-ի գլխավոր քարտուղարի պաշտոնը զբաղեցրած Ենս Սթոլթենբերգի հրաժարականից հետո Յոնաս Գահր Ստյորեն զբաղեցրել է Նորվեգական բանվորական կուսակցության ղեկավար[8]։

Յոնաս Գահր Ստյորեն խոսում է անգլերեն, ֆրանսերեն և գերմաներեն[8]։

Վարչապետ

[խմբագրել | խմբագրել կոդը]

ն ընտրություններում Նորվեգական բանվորական կուսակցության հաղթանակից հետո ստանձնել է Նորվեգիայի վարչապետի պաշտոնը՝ Կոնգսբերգում տեղի ունեցած ահաբեկչությունից մեկ օր անց[8][9][10]։

Անձնական կյանք

[խմբագրել | խմբագրել կոդը]

1988 թվականի ամուսնացած է Մարիտ Սլագսվոլդի հետ։ Ունի երեք երեխա[8]։

Հանդիսանում է «Լիդս Յունայթեդ» անգլիական ֆուտբոլային ակումբի երկրպագու[11]։

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Յոնաս Գահր Ստյորե» հոդվածին։
Ֆեյսբուք  · X (անգլ.)
Թեմատիկ կայքեր
Բառարաններ և հանրագիտարաններ

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 1,5 1,6 https://www.stortinget.no/no/Representanter-og-komiteer/Representantene/Representantfordeling/Representant/?perid=JGS&tab=Biography
  2. ↑ 2,0 2,1 Store norske leksikon(նորվ.) — 1978. — ISSN 2464-1480
  3. ↑ 3,0 3,1 Munzinger Personen (գերմ.)
  4. ↑ 4,0 4,1 4,2 4,3 4,4 4,5 4,6 Biografi: Støre, Jonas Gahr — 2021.
  5. ↑ https://www.tv2.no/a/8673754/
  6. ↑ 6,0 6,1 6,2 Jonas Gahr Støres mor er død — Schibsted Media, 2021. — ISSN 0804-3116; 0807-2027
  7. ↑ Støres vei til toppen: En gang «Super-Jonas» – nå blir han statsminister — 2007.
  8. ↑ 8,00 8,01 8,02 8,03 8,04 8,05 8,06 8,07 8,08 8,09 8,10 «Стёре, Йонас Гар». ТАСС. Արխիվացված օրիգինալից 2021 թ․ հոկտեմբերի 18-ին. Վերցված է 2021 թ․ հոկտեմբերի 18-ին.
  9. ↑ «Йонас Гар Стёре станет новым премьером Норвегии». ТАСС. 2021 թ․ հոկտեմբերի 14. Արխիվացված օրիգինալից 2021 թ․ հոկտեմբերի 18-ին. Վերցված է 2021 թ․ հոկտեմբերի 18-ին.
  10. ↑ «Statsminister Jonas Gahr Støre (Ap)» (նորվեգերեն). regjeringen.no. Արխիվացված օրիգինալից 2021 թ․ հոկտեմբերի 15-ին. Վերցված է 2021 թ․ հոկտեմբերի 18-ին.
  11. ↑ «Meet the Leeds United fan who is now the Prime Minister of Norway». Thick Accent (ամերիկյան անգլերեն). 2021 թ․ հոկտեմբերի 16. Արխիվացված օրիգինալից 2022 թ․ սեպտեմբերի 11-ին. Վերցված է 2022 թ․ սեպտեմբերի 11-ին.
Ստացված է «https://hy.wikipedia.org/w/index.php?title=Յոնաս_Գահր_Ստյորե&oldid=10275642» էջից