Յոթ դայակ
 ռուս.՝ Семь нянек | |
|---|---|
| Երկիր | .svg){kind=small} ԽՍՀՄ |
| Ժանր | կինոկատակերգություն |
| Թվական | 1962 |
| Լեզու | ռուսերեն |
| Ռեժիսոր | Ռոլան Բիկով[1] |
| Սցենարի հեղինակ | Վալերի Ֆրիդ և Յուլի Դունսկի |
| Դերակատարներ | Սեմյոն Մորոզով, Վլադիմիր Իվաշով, Valentin Burov? և Տատյանա Նադեժդինա |
| Օպերատոր | Պյոտր Սատունովսկի |
| Երաժշտություն | Կարեն Խաչատրյան |
| Կինոընկերություն | Մոսֆիլմ |
| Տևողություն | մոտ 76 րոպե |
«Յոթ դայակ» (ռուս.՝ «Семь нянек»), խորհրդային կինոկատակերգություն, որն էկրան է բարձրացել 1962 թվականին։ Ռոլան Բիկովի ռեժիսորական երկրորդ աշխատանքն է[2][3], որը, սակայն, թողարկվել է նախքան նրա առաջին ֆիլմը՝ «Կորել է ամառը» (ռուս.՝ «Пропало лето»):
Սյուժե[խմբագրել | խմբագրել կոդը]
Ժամագործական գործարաններից մեկում աշխատում է երիտասարդական բրիգադը, որը կոչվում է «ոսկե»։ Ամեն ինչ նրանց հաջողվում է և աշխատանքում, և հասարակական կյանքում։ Բայց տղաներն ուզում են ուրիշ արարք էլ անել։ Նրանց համար այդպիսի սխրանք է դառնում մանկահասակ իրավախախտների համար նախատեսված գաղութից դժվար դեռահաս Աֆանասի Պոլոսուխինին (Սեմյոն Մորոզով) վերադաստիարակելու փորձը։
Նրան վերցնում են հենց գաղութի մեկուսարանից և խանդավառությամբ սկսում են վերադաստիարակել, սակայն Աֆանասին չի էլ ուզում փոխվել։ Ինչո՞ւ փոխվել, եթե սկսվում է հարմարավետ նոր կյանք, իսկ դաստիարակներն ահավոր դյուրահավատ ու միամիտ են, և նրանց խաբելը շատ հեշտ է (նա նույնիսկ իր խնամակալներին ներկայացնում է որպես «ստիլյագաներ և ձրիակերներ», որպեսզի արդարանա կոմիսիոն խանութի աշխատողի մոտ)։ Սակայն գաղտնին, այնուամենայնիվ, ակնհայտ է դառնում միայն այն ժամանակ, երբ Աֆանասին իսկապես որոշում է փոխվել, սակայն նա մի փոքր ուշացել է, քանի որ հուսահատված տղաները որոշել են ընդունել իրենց ակնհայտ բարոյական պարտությունը և վերադարձնել տղային գաղութ` դատարանի կողմից հետագա նշանակված դաժան պատիժը կրելու համար։
Դերասաններ[խմբագրել | խմբագրել կոդը]
- Սեմյոն Մորոզով – Աֆանասի Պոլոուխին
- Վալենտին Բուրով – Պավել
- Վլադիմիր Իվաշով – Վիկտոր
- Միքայելա Դրոզդովսկայա – Մայա
- Տատյանա Նադեժդինա – Լենա
- Նատալյա Բատիրևա – Իրա
- Վիկտոր Խոխրյակով – գաղութի պետ
- Վալենտին Զուբկով – Գրիգորի Իվանովիչ Վոլոշին, արտադրամասի կուսկազմակերպիչ
- Ալեքսեյ Բախար – Գորդեև, արտադրամասի պետ
- Վերա Մայորովա – Ալլա («Սոնկա-Ոսկեձեռիկ», «Լյուբկա-Ոսկրեոտիկ»)
- Ալեքսեյ Գրիբով – Լենայի պապը
- Մարիա Կրավչունովսկայա – Լենայի տատը
- Վլադիմիր Ռաուտբարտ – դիրիժոր
- Զինովի Գերդտ – Շամսկի, Մայայի հայրը
- Վերա Օռլովա – Շամսկայա, Մայայի մայրը
Նկարահանող խումբ[խմբագրել | խմբագրել կոդը]
- Սցենարի հեղինակներ՝ Վալերի Ֆրիդ, Յուլի Դունսկի
- Ռեժիսոր` Ռոլան Բիկով
- Ռեժիսորի օգնական` Արկադի Ալեքսեև
- Օպերատոր` Պյոտր Սատունովսկի
- Կոմպոզիտոր՝ Կարեն Խաչատրյան
Ծանոթագրություններ[խմբագրել | խմբագրել կոդը]
- ↑ http://www.imdb.com/title/tt0056466/
- ↑ «СЕМЬ НЯНЕК»։ dic.academic.ru
- ↑ «Семь нянек. Х/ф»։ Russia-1։ Արխիվացված է օրիգինալից 2020-11-20-ին։ Վերցված է 2021-07-03
Արտաքին հղումներ[խմբագրել | խմբագրել կոդը]
- «Յոթ դայակ» ֆիլմը kino-teatr.ru կայքում
- «Յոթ դայակ»(անգլ.) ֆիլմը Internet Movie Database կայքում
|
