Յոզեֆ Մայստեր
| Յոզեֆ Մայստեր ֆրանսերեն՝ Joseph Meister | |
|---|---|
 | |
| Ծնվել է | փետրվարի 21, 1876[1] |
| Ծննդավայր | Փարիզի 18-րդ շրջան, Փարիզ |
| Մահացել է | հունիսի 24, 1940[1] (64 տարեկան) |
| Մահվան վայր | Փարիզ |
| Գերեզման | Բանյոյի գերեզմանատուն |
| Քաղաքացիություն |  Ֆրանսիա |
| Մասնագիտություն | concierge |
| Աշխատատու | Պաստյորի ինստիտուտ |
Յոզեֆ Մայստեր (գերմ.՝ Joseph Meister, փետրվարի 21, 1876[1], Փարիզի 18-րդ շրջան, Փարիզ - հունիսի 24, 1940[1], Փարիզ), առաջին մարդը, որը փրկվել է կատաղությունից։
Կենսագրություն
[խմբագրել | խմբագրել կոդը]Յոզեֆ Մայստերը ծնվել է 1876 թվականին, Էլզասում, նրա անունն ու ազգանունը գերմանական են։ 1885 թվականին 9-ամյա տղային կծել է կատաղած շուն։ Գյուղական բժիշկը նրա մորը խորհուրդ է տվել դիմել այն ժամանակ արդեն հայտնի դարձած Լուի Պաստյորին։
Մայրը տղային տարել է Փարիզ, որտեղ Պաստյորը հենց նոր է ավարտած եղել իր հաջող փորձերը կենդանիների վրա՝ շներին պատվաստելով թուլացված վիրուսով[2]։ Պաստյորն այդ ժամանակ բժշկի որակավորում չի ունեցել և ըստ օրենքի՝ իրավունք չուներ բուժելու երեխային։ Սակայն բոլորին հստակ էր, որ առանց բուժման տղան կմահանար, հետևաբար Պաստյորը որոշել է ռիսկի դիմել։
Մայստերին 14 օր շարունակ ներարկել է կատաղությամբ վարակված ճագարի ուղեղային հյուսվածքից պատրաստված ուժեղ դեղաչափեր, ինչի արդյունքում տղան չի հիվանդացել կատաղությամբ։ Փորձի հաջողությունն արագորեն բերել է կատաղության բուժման և պատվաստման զարգացմանը[3]։
Փրկված Մայստերն իր ողջ մնացած կյանքը նվիրել է Պաստյորն․ նա որպես պահակ աշխատել է Պաստյորի ինստիտուտում։
1940 թվականի հունիսի 24-ին՝ Երկրորդ համաշխարհային պատերազմի ժամանակ գերմանական բանակի Փարիզ ներխուժումից տասն օր անց, Մայստերն իր գազային ատրճանակով ինքնասպան է եղել[4][5]։
Վարկածներից մեկի համաձայն՝ Մայստերն ինքնասպանություն է գործել, քանի որ գերմանացի զինվորները պահանջել են նրանից որ բացի Պաստյորի գերեզմանը[6][7][8]։
Սակայն այդ տեղեկությունները հերքվել են «Veterinary Medicine» ամսագրի հոդվածում և Մայստերի թոռնուհու կողմից։ Երկու աղբյուրներն էլ նշել են, որ նա ընկճվել է իր ընտանիքին օկուպացված Փարիզից հեռացնելու մեղքի զգացումից՝ կարծելով, որ դա հանգեցրել է նրանց մահվան։
Մշակույթում
[խմբագրել | խմբագրել կոդը]Մայստերի դերը խաղացել է Դիկի Մուրը 1936 թվականին նկարահանված «Պատմություն Լուի Պաստյորի մասին» ֆիլմում: Լուի Պաստյորի կողմից կատաղության դեմ պատվաստման պոտենցիալ վտանգավոր պատվաստման պատմությունը ներկայացվել է նաև «Մութ հարցեր. Խճճված, բայց ճշմարիտ» հեռուստասերիալի մի դրվագում և «Բի-բի-սի»֊ի 1974 թվականի «Մանրէներ և մարդիկ» դրամա-վավերագրական հեռուստասերիալում։
Գրականություն
[խմբագրել | խմբագրել կոդը]- Поль де Крюи «Охотники за микробами» ISBN 5-94278-977-0
- Gerald L. Geison. The Private Science of Louis Pasteur (Princeton University Press, 1995) 0691034427
Ծանոթագրություններ
[խմբագրել | խմբագրել կոդը]- 1 2 3 4 GeneaStar
- ↑ Wasik, Bill; Murphy, Monica Rabid: A Cultural History of the World's Most Diabolical Virus. — Penguin, 2012. — ISBN 1101583746
- ↑ René Dubos, Louis Pasteur: Freelance Of Science, Little, Brown and Company, 1950.
- ↑ Eugène Wollman, Archives de l’Institut Pasteur, Fond Eugène Wollman, cote WLL1.A.1, «Journal d’Eugene Wollman», 1940.
- ↑ Hubert Marneffe, Archives de l’Institut Pasteur, Fond Hubert Marneffe, cote MRF.ARC.13, note d’Hubert Marneffe: «Mort de Joseph Meister».
- ↑ Asimov, Isaac. The New Intelligent Man’s Guide to Science. Basic Books, New York, 1965.
- ↑ Veterinary Medicine 35, p. 5538, 1940
- ↑ Blog de Mijo Demouron Արխիվացված 2018-12-12 Wayback Machine, 21 janvier 2008.