Յար, յար (երգ)

«Յար, յար (երգ)»
ի երգը
Ժանր	Հայկական ազգային երաժշտություն
Լեզու	հայերեն

Յար, յար, հայկական գեղջկական ժողովրդական երգ, որը պատկանում է աշխատանքային երգերի ժանրին և դասվում է դաշտային աշխատանքային երգերի ենթաժանրին։ Երգը կատարում են մենակատարով՝ հիմնականում արական ձայնով։ Այն բնորոշվում է դանդաղ տեմպով և հանդարտ տրամադրությամբ։

Պատմություն և նշանակություն

Յար, յար երգը պատկանում է գութաներգերի (հորովելների) խմբին, որոնք հնագույն գյուղական երգեր են։ Դրանք կատարվել են դաշտային աշխատանքների ժամանակ՝ նպաստելով աշխատանքային ռիթմի պահպանմանը և բարձրացնելով աշխատողների ոգին։ Հորովելները մեծ նշանակություն են ունեցել հայ գյուղական կենցաղում՝ արտահայտելով աշխատավորի հոգեվիճակը և բնության հետ նրա կապը։

Հայ կոմպոզիտոր, խմբավար Սպիրիդոն Մելիքյանը «Յար, յար» երգը գրի է առել Բայազետի գավառի Ալաշկերտի գավառակում։

Երգի հայտնի կատարողներից է հայ կոմպոզիտոր, կոմիտասագետ Արթուր Շահնազարյանը։