Յարլսբերգ (պանիր)

Վիքիպեդիայից՝ ազատ հանրագիտարանից
Jump to navigation Jump to search
Յարլսբերգ
Jarlsberg
Jarlsberg cheese.jpg
Տեսակ pressed cooked cheese և պանիր այծի կաթից
Առաջացման երկիր Նորվեգիա Նորվեգիա
Տարածաշրջան Նորվեգիա և Իռլանդիա[1]
Արտադրող Tine
Կաթ կովի կաթ
Պաստերիզացում այո
Կազմվածք կիսակարծր, դեղին գույնի,
խոշոր աչքերով
Հասունացման ժամանակաշրջան 1-ից 15 ամիս
Հայտնի է 1830 թվականից
Անունով Jarlsberg Manor
Jarlsberg (cheese) Վիքիպահեստում

Յարլսբերգ (անգլ.՝ Jarlsberg, /ˈjɑrlzbərɡ/), նորվեգական կիսակարծր պանիր, որը ստացվում է կովի պաստերիզացված կաթից: Ստացման համար օգտագործվում է ռենինի խմորիչ։ Այն ունի քաղցրավուն կծու համ և խոշոր աչքեր։

Նկարագրություն[խմբագրել | խմբագրել կոդը]

Յարլսբերգ պանիրն ունի դեղին կեղև։ Կտրելուց ամբողջ պանրի գույնը կրկին միատարր դեղին է։ Ունի փափուկ, սերուցքային, և քաղցրավուն համ։ Այս պանիրը հրաշալի է նաև տարբեր ուտեստներ պատրաստելու համար։ Jarlsberg Special Reserve պանիրը արտադրվում է սահմանափակ քանակությամբ։ Սա հին պանիր է հանդիսանում, որի տարիքը շուրջ մեկ տարի է[2]:

Պատմություն[խմբագրել | խմբագրել կոդը]

Յարլսբերգ պանրատեսակը ունի նմանություններ էմենտալի և այլ շվեյցարական ծակոտկեն պանիրների հետ։ 1830 թվականին շվեյցարացի պանրագործները եկան Նորվեգիա, որպեսզի նորվեգացի կաթնագործներին ուսուցանեն պատրաստել դասական շվեյցարական կծու, քաղցր և ծակոտկեն պանրի պատրաստման եղանակները։ Այդպիսի պանիրը դարձավ բավականին հանրաճանաչ և մի քանի տարի շարունակ բավականին լավ վաճառվեց Նորվեգիայում։ Բայց հետո ինչ-ինչ պատճառներով անհետացավ շուկաներից։ 1950-ական թվականներին Նորվեգիայի գյուղատնտեսության համալսարանի գիտնականները ձեռնամուխ եղան վերականգնելու այդ պանրի արտադրությունը։ 1956 թվականին պանիրը սկսեցին վաճառել Նորվեգիայում, իսկ 1961 թվականից արդեն սկսվեց պանրի արտահանումը։ Յարլսբերգ անվանումը պանրին տրվել է ի պատիվ այն քաղաքի, որտեղ առաջին անգամ արտադրել են այս տարատեսակը[3]:

Ներկայումս յարլսբերգ պանրատեսակը ունի իր կարևորագույն և մեծ տեղը նորվեգական տնտեսության արտահանման ծավալներում[4]: Պանիրը բավականին հայտնի է նաև ԱՄՆ-ում. այստեղ այն նաև արտադրում են ըստ նորվեգական համապատասխան լիցենզիայի։ Եվրոպական շուկայում նույնպես տարածված է այս պանրատեսակը։

Պատրաստում[խմբագրել | խմբագրել կոդը]

Յարլսբերգը պատրաստում են կովի պաստերիզացված կաթից, որի մեջ ավելացնում են խմորիչ և հատուկ կաթնաթթվային նյութ։ Որից հետո կաթը վերածվում է շիճուկով կաթնաշոռի։ Կաթնաշոռը տեղադրվում է պանրի համար նախատեսված կաղապարների մեջ և մամլիչի տակ դրվում։ Հետո աղ են ավելացնում և թողնում մեկից տասնհինգ ամիս։

Երիտասարդ յարլսբերգը շուկա է հանվում պատրաստելու պահից երկուսից երեք ամիս անց։ Այն ունի հաճելի և թեթև կծվային համ՝ կիտրոնի կեղևի բուրմունքով։ Առավել հին յարլսբերգը ունի ավելի սուր և հարուստ համ և վաճառվում է «Jarlsberg Special Reserve» մակնիշի ներքո։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]