Յան Կաչմարեկ
| Յան Կաչմարեկ | |
|---|---|
.jpg) | |
| Ծնվել է | ապրիլի 29, 1953[1][2] Կոնին, Greater Poland Voivodeship, Լեհաստան |
| Երկիր |  Լեհաստան |
| Մահացել է | մայիսի 21, 2024[3] (71 տարեկան) Կրակով, Լեհաստան[3] |
| Գերեզման | Ռակովիցկի գերեզմանատուն |
| Մասնագիտություն | կոմպոզիտոր և ֆիլմերի երաժշտությունների հեղինակ |
| Կրթություն | Պոզնանի Ադամ Միցկևիչ համալսարան և Q9296687? |
| Պարգևներ | |
| Կայք | jan-ap-kaczmarek.com |
 Jan A. P. Kaczmarek Վիքիպահեստում | |
Յան Անջեյ Պավել Կաչմարեկ (լեհ.՝ Jan Andrzej Paweł Kaczmarek, ապրիլի 29, 1953[1][2], Կոնին, Greater Poland Voivodeship, Լեհաստան - մայիսի 21, 2024[3], Կրակով, Լեհաստան[3]), լեհ կոմպոզիտոր։ 2011 թվականին արժանացել է Օսկարի, վավերագրական և գեղարվեստական ավելի քան 30 ֆիլմերի երաժշտության հեղինակ։
Կենսագրություն
[խմբագրել | խմբագրել կոդը]Յան Կաչմարեկն ավարտել է Պոզնանի Ադամ Միցկևիչի անվան համալսարանի իրավաբանական ֆակուլտետը։ Քաղաքական պատճառներով հրաժարվել է դիվանագետի կարիերայից։ Սկսել է երաժշտություն գրել՝ որպեսզի ի վերջո ինքնարտահայտման ազատություն ձեռք բերի։
|
Երաժշտություն գրելն ու նվագելն ինձ համար կրոն էր,— խոստովանում է կաչմարելը,— և միայն հետո դարձավ մասնագիտություն։ | 
|
1970-ական թվականների վերջին համագործակցում էր Եժի Գրոտովսկու թատերական լաբորատորիայի հետ։ 1977 թվականին ստեղծում է «Ութերորդ օրվա նվագախումբը», որն սկսում է շրջագայել 1970-ական թվականների վերջերին և 2009 թվականի տվյալներով 18 շրջագայություն էր ունեցել։ Կաչմարեկը իր առաջին ալբոմը՝ «Վերջաբանի երաժշտություն»-ը , ձայնագրել է Fliying fish ստուդիայի համար։ 1989 թվականին տեղափոխվում է Լոս Անջելես։
Առաջին անգամ հաջողության է հասնում ԱՄՆ-ում թատրոնում։ Երաժշտություն էր գրում Չիկագոյի Գուդմանի թատրոնի և Լոս Անջելեսի Մարկ Թափերի ֆորումի համար։ Ջոն Ֆորդի պիեսի հիման վրա բեմականացված «Չի կարելի նրան սանձարձակ անվանել» ներկայացման համար գրված երաժշտության համար դրամատիկական արվեստի ոլորտում արժանացել է «Drama Desk Award» մրցանակի։ Ներկայացումը բեմադրվել է Նյու Յորքի Շեքսպիրի փառատոնին 1992 թվականին։
2005 թվականին ռեժիսոր Մարկ Ֆոսթերի «Կախարդական աշխարհ» ֆիլմի երաժշտության համար ստացել է «Օսկար»։ Պարգևատրվել է նաև Կինոքննադատների ազգային խորհրդի կողմից՝ ֆիլմի լավագույն երաժշտության համար․ կինոերաժշտության ոլորտում ունեցած ձեռքբերումների համար առաջադրվել է «Ոսկե գլոբուս»[4] և Էնթոնի Էսկվիտի անվան մրցանակների։
Կաչմարեկը 2 սիմֆոնիկ ստեղծագործության պատվեր է ստացել՝ նվիրված Լեհաստանի կյանքում տեղի ունեցած կարևոր ազգային իրադարձություններին՝ «Ազատության կանտատա»-ն (2005)՝ նվիրված «Համերաշխություն» արհմիության 25-ամյակին և «Օրատորիա 1956»-ը՝ ի հիշատակ Պոզնանում տոտալիտար վարչակարգի դեմ ապստամբության ճնշման 50-ամյակին։ Երկու ստեղծագործությունների պրեմիերաները հեռարձակվել են լեհական հեռուստատեսության ուղիղ եթերով։
Կինեմատոգրաֆիական արվեստի և գիտության ամերիկյան ակադեմիայի անդամ էր։
Լեհաստանում աշխատել է Sundance Film Festival կինոինստիտուտի նմանօրինակ հաստատություն ստեղծելու վրա։
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Broadway Database — 2000.
- ↑ 2,0 2,1 Discogs — 2000.
- ↑ 3,0 3,1 3,2 3,3 3,4 3,5 https://variety.com/2024/film/news/jan-kaczmarek-oscar-winner-finding-neverland-dead-1236011642/
- ↑ «2005 Złote Globy – Hollywoodzkie Stowarzyszenie Prasy Zagranicznej». serwis Filmweb.
{{cite news}}: Unknown parameter|data access=ignored (օգնություն)
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Յան Կաչմարեկ» հոդվածին։ |
| ||||||||||||||||
