Յանիս Պետերս

Յանիս Պետերս լատիշ․՝ Jānis Peters
Ծնվել է	հունիսի 30, 1939(1939-06-30)
Ծննդավայր	Պրիեկուլե, Լատվիա
Վախճանվել է	հունվարի 27, 2025(2025-01-27) (85 տարեկան)
Մասնագիտություն	գրող և քաղաքական գործիչ
Լեզու	լատիշերեն
Քաղաքացիություն	Լատվիա և  ԽՍՀՄ
Կուսակցություն	ԽՄԿԿ
Պարգևներ	և
Զավակներ	Krišjānis Peters?

Յանիս Պետերս (հունիսի 30, 1939(1939-06-30), Պրիեկուլե, Լատվիա - հունվարի 27, 2025(2025-01-27)), լատվիացի բանաստեղծ և հրապարակախոս, դիվանագետ և հասարակական գործիչ։

Կենսագրություն

Պետերսի առաջին բանաստեղծությունը տպագրվել է 1961 թվականին։ Հետագայում աշխատել է «Ļeņina Ceļš» (1963–1964), «Cīņa» (1964–1967) և «Zvaigzne» պարբերականների արձակի բաժնի խմբագիր։ Նրա առաջին բանաստեղծական ժողովածուն լույս է տեսել 1968 թվականին, նույն թվականին անդամակցել է Լատվիայի գրողների միությանը։ Յանիս Պետերսը բանաստեղծությունների տասը ժողովածուների, թատրոնի համար երգերի տեքստերի, լիբրետոյի և բազմաթիվ արձակ ստեղծագործությունների հեղինակ է, այդ թվում՝ կոմպոզիտոր Ռայմոնդ Պաուլսի մասին գրքի։

Ընտրվել է Լատվիական ԽՍՀ գրողների միության առաջին քարտուղար (1985-1990 թթ.)։ Օյարս Վացիետիսի մրցանակի առաջին դափնեկիր (1984)։ 1990 թվականին ընտրվել է Լատվիայի Գիտությունների ակադեմիայի պատվավոր անդամ։

Լատվիայի ժողովրդական ճակատի հիմնադիրներից և առաջնորդներից էր, Ռուսաստանի Դաշնությունում անկախ Լատվիայի Հանրապետության առաջին դեսպանը (1991-1997 թթ.):

Ռայմոնդ Պաուլսի բազում հայտնի երգերի տեքստերի հեղինակն է։ Գրել է Հայաստանին նվիրված բանաստեղծություններ։

Որդին լատվիացի քաղաքական գործիչ Կրիշյանիս Պետերսն է (1975-2014):

Գրքեր

• «Ջրաղացքար» (1968)
• «Պոպղակ» (1970)
• «Իմ մեղվի ծառը» (1973)
• «Բալթիկ ծովում աղ դրված…» (Դ․ Ավոտինյայի հետ, 1973)
• «Սպիտակ հյուսիսային մամուռ» (1977, Կրիշյանիս Վալդեմարի մասին)
• «Նախազգացումներ» (1979)
• «Զարթուցիչի վերանորոգում» (1980)
• «Յոթ քայլ դեպի դուռը» (1980)
• «Դարբինը դարբնում է երկնքում» (1981, ակնարկներ)
• «Ընտրություն» (1982)
• «Մարդահամար» (1984)
• «Երեք թանկարժեք բաներ» (1984)
• «Ագռավը երգչախմբում» (1988)
• «Ես սիրում եմ քեզ» (1998)

Պարգևներ

• Երեք աստղի շքանշանի ասպետ (1995 թ․ ապրիլի 17)
• Ժողովուրդների բարեկամության շքանշան,
• Օյարս Վացիետիսի մրցանակ (1984), և այլն։

Արտաքին հղումներ

• Բանաստեղծություններ (Աշոտ Գրիգորյանի թարգմանությամբ)
• Բանաստեղծություններ (ռուսերեն թարգմանությամբ)