Յանիս Դալինիշ

Վիքիպեդիայից՝ ազատ հանրագիտարանից
Jump to navigation Jump to search
Յանիս Դալինիշ
Անձնական տեղեկություն
Սեռ`արական
Ազգություն`լատվիացի
Մասնագիտացում`թեթև աթլետ
Երկիր`Flag of Latvia.svg Լատվիա
Ծննդյան ամսաթիվ`նոյեմբերի 5, 1904(1904-11-05)
Ծննդավայր`Վալմիերա, Լատվիա
Մահվան ամսաթիվ`հունիսի 11, 1978(1978-06-11) (73 տարեկանում)
Մահվան վայր`Մելբուրն, Ավստրալիա

Յանիս Դալինիշ (լատիշ․՝ Jānis Daliņš, 5 նոյեմբերի, 1904, Վոլմար (ներկայում՝ Վալմիերա, Լիֆլյանդիա, Ռուսական կայսրություն11 հունիսի, 1978, Մելբուռն, Ավստրալիա), լատվիացի մարզիկ, թեթև աթլետ, Լատվիայի պատմության մեջ առաջին օլիմիպական մեդալակիրը։

1932 թվականի Ամառային օլիմպիական խաղերում Յանիս Դալինիշը վաստակում է արծաթե մեդալ մարզական քայլք մարզաձևում։ 1934 թվականին նա դառնում է Եվրոպայի չեմպիոն նույն մարզաձևում՝ հաստատելով աշխարհի ռեկորդ։ Յանիս Դալինիշը համարվում է Լատվիայի լավագույն մարզիկը մինչ Երկրորդ համաշխարհային պատերազմը։ 1930-ական թվականներին ստեղծված "Ak, kaut man Daliņa kājas būtu" ("Օ, եթե ես ունենայի Դալինիշի ոտքերը") երգը մնում է հանրահայտ Լատվիայում։ Դալինիշի անվամբ են կոչվում փողոց ու մարզադաշտ նրա ծննդավայր Վալմիերա քաղաքում[1]։

1949 թվականիի օգոստոսին Յանիս Դալինիշն ընտանիքի (կինը՝ Էլլան, որդիները՝ Իվարս և Յանիս, դուստրը՝ Ռուդիթ) հետ տեղափոխվում է Ավստրալիա[2]։ Որոշ ժամանակ ապրում է Վիկտորիա նահանգի հյուսիս-արևելքում՝ գաղթականների ընդունման կենտրոնում։ Յանիս Դալինիշը Բենալա քաղաքում աշխատում է որպես ատաղձագործ՝ կառուցելով բազմաթիվ տներ։ Աշխատանքային պայմանագրի ժամկետը լրանալուց հետո ընտանիքի հետ տեղափոխվում է Մելբուռն, որտեղ էլ բնակվում է մինչև կյանքի վերջ։

Աղբյուրներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Apinis Pēteris (2006)։ A Hundred Great Latvians։ Riga: Nacionālais apgāds։ էջ 122։ ISBN 9984-26-288-X։ OCLC 238892134 
  2. «Immigrant Ships Transcriber Guild; SS Skaugum»։ immigrantships.net։ Վերցված է մայիսի 22, 2010 

Արտաքին հղումներ[խմբագրել | խմբագրել կոդը]