Յանգսան

Վիքիպեդիայից՝ ազատ հանրագիտարանից
Բնակավայր
ԵրկիրՀարավային Կորեա Հարավային Կորեա
Մակերես484,16 կմ²
Բնակչություն297 532 մարդ (2015)[1]
Պաշտոնական կայքyangsan.go.kr/main.do​(կոր.), yangsan.go.kr/en/main.do​(անգլ.), yangsan.go.kr/ch/main.do​(չին.) և yangsan.go.kr/jp/main.do​(ճապոներեն)
Յանգսան (Հարավային Կորեա)##
Յանգսան (Հարավային Կորեա)

Յանգսան (կոր.՝ 양산시, 梁山市, Yangsan-si), քաղաք Հարավային Կորեայի Հարավային Գյոնգսանգ նահանգում։

Պատմություն[խմբագրել | խմբագրել կոդը]

Յանգսանի տարածքում մարդկային բնակատեղի եղել է դեռևս հին ժամանակներում։ Մունջու վանի ժամանակ (Սիլլա թագավորություն) տարածքը մտնում էր Սամյանջու վարչական շրջանի մեջ, որը վերանվանվանվել է Յանջուի Տխեջո վանի (Կորյո դինաստիա)։ Չոսոնի դինաստիայի դարաշրջանում հայտնվեց Յանգսան անունը (Տհեջոն վանի կառավարման ժամանակ)։ Այդ ժամանակ Յանգսանը վարչականորեն գավառ էր (կուն)։ Քաղաքի (սի) կարգավիճակ է ստացել 1996 թվականին[2]։

Աշխարհագրություն[խմբագրել | խմբագրել կոդը]

Գտնվում է Կորեական թերակղզու հարավ-արևելքում։ Հարավ-արևելքում և հյուսիս-արևելքում սահմանակից է համապատասխանաբար Բուսանի և Ուլսանի հետ։ Հյուսիս-արևմուտքում և հարավ-արևմուտքում սահմանակից է համապատասխանաբար Միրյանի և Կիմխեի հետ։ Քաղաքի միջով հոսում է ոչ այնքան մեծ Յանսանչհոն գետը, իսկ քաղաքի հարավ-արևմուտքում սկիզբ է առնում Նակտոնգան գետը։

Վարչական բաժանում[խմբագրել | խմբագրել կոդը]

Յանսանը վարչականորեն բաղկացած է 1 ըփից, 4 քաղաքատիպ ավանից և 7 դոնգից[3]։

Անվանում Հանգըլ Տարածք, կմ2 Բնակչություն, անձիք Ներքին բաժանում
Մուլգիմիպ 물금읍 19,61 28 340 4 գյուղ
Վոնդոնմյոն 원동면 148,03 3 938 8 գյուղ
Սանբուկմյոն 상북면 67,81 16 294 9 գյուղ
Սոնմյոն 동면 56,37 12 093 8 գյուղ
Հաբուկմյոն 하북면 68,65 10 267 8 գյուղ
Կանսոդոն 강서동 29,79 8 718
Փյոնսանդոն 평산동 10,69 26 349
Սամսոնդոն 삼성동 15,88 23 995
Սոջուդոն 소주동 18,45 18 287
Սոչհանդոն 서창동 22 25 612
Պոկեդոն 덕계동 13,38 12 395
Չունանդոն 중앙동 13,74 50 599

Տնտեսություն[խմբագրել | խմբագրել կոդը]

Արդյունաբերության գլխավոր ճյուղերն են՝ սննդային և մեքենաշինական։ Յանգսանում կան երկու մեծ արդյունաբերական համալիր ճյուղեր։ Տարածաշրջանային բյուջեն կազմում է վեց մլրդ վոն[4]։

Զբոսաշրջություն և տեսարժան վայրեր[խմբագրել | խմբագրել կոդը]

  • Տհոնդոսայի բուդդայական տաճարը հիմնադրվել է 7-րդ դարում՝ Սիլլայի կառավարման ժամանակ։ Եկեղեցական համալիրի առանձին մասերը՝ Տեունջոն սրահը և Տհոնդոսո տաճարի աստիճանները ներառված են Կորեայի ազգային գանձերի ցանկում 290 համարի ներքո[5]։
  • Հոնյոն ջրվեժը տեղակայված է Չհոնսոունսան լեռան վրա, ջրի անկման բարձրությունը 25 մետր է։ Հոնյոնը թարգմանաբար նշանակում է նաև «ծիածանային վիշապ»[6]։
  • Ալպյան վարդերի փառատոնը տեղի է ունենում Չհոնսոունսան լեռան վրա։ Փառատոնը նվիրված է ալպլան վարդերին, որոնք ծաղկում են տեղական լեռներում, փառատոնի ընթացքում ավանդական ժողովրդական խմբերի կատարումներ են, ջազ համերգ, գրական և երաժշտական մրցույթներ, ցուցահանդեսներ[7]։
  • «Երևակայական Տհոնդո» զբոսայգու տարածքում կա լիճ, բացօթյա թատրոն, ցուցահանդեսային սրահ, սահադաշտ և զվարճանքների այգի[8][9]։
  • Eden Valley լեռնադահուկային հանգստավայրի վերելակի հնարավորությունը ժամում 11000 մարդ է[10]։

Քույր քաղաքներ[խմբագրել | խմբագրել կոդը]

Յանգսանի քույր քաղաքներն են[11]՝

  • Ճապոնիա Հոնձյո (Ակտիկա վարչական միավոր), Ճապոնիա՝ 1997 (2005 թվականին Հանձյոն դարձավ նոր քաղաքի՝ Յուրիխոնձյոյի մասը)
  • Հարավային Կորեա Չինդո (Չոլա Նամդո վարչական միավոր), Հարավային Կորեա՝ 1998 թվականից։

Խորհրդանշաններ[խմբագրել | խմբագրել կոդը]

Ինչպես և Հարավային Կորեայի մյուս քաղաքները և գավառները, Յանգսանն էլ ունի մի շարք խորհրդանշաններ[12].

  • Ծառ՝ չինական լորոպետալում՝ համարվում է անմեղության խորհրդանիշ,
  • Ծաղիկ՝ մագնոլիա՝ խորհրդանշում է քաղաքի բնակիչների ուժը և միասնությունը,
  • Մասկոտներ՝ տղա և աղջիկ Սանին և Յանին, որոնք անձնավորում են արևը և լեռները։

Պատկերասրահ[խմբագրել | խմբագրել կոդը]

  • Յանգսան

    Յանգսան

  • Յանգսանի տեղադրությունը

    Յանգսանի տեղադրությունը

  • Յանգսանի բժշկական ուսումնարան

    Յանգսանի բժշկական ուսումնարան

  • Գնացքի կայարան Յանգսանում

    Գնացքի կայարան Յանգսանում

  • Փոստ Յանգսանում

    Փոստ Յանգսանում

  • Eden Valley լեռնադահուկային հանգստավայր

    Eden Valley լեռնադահուկային հանգստավայր

Ծանոթագրություններ[խմբագրել | խմբագրել կոդը]

  1. ↑ http://kosis.kr/eng/
  2. ↑ Յանգսանի պատմություն Archived 2010-09-12 at the Wayback Machine.(անգլ.)
  3. ↑ Յանգսանի վարչական գործեր(կոր.)
  4. ↑ Փաստեր Յանգսանի մասին Archived 2010-09-11 at the Wayback Machine.(անգլ.)
  5. ↑ Տհոնդոսայի տաճար Archived 2011-01-29 at the Wayback Machine.(անգլ.)
  6. ↑ Ջրվեժ Archived 2011-01-29 at the Wayback Machine.(անգլ.)
  7. ↑ «Ալպյան վարդերի փառատոն»։ Արխիվացված է օրիգինալից 2011-08-10-ին։ Վերցված է 2016-11-17 
  8. ↑ Tongdo Fantasia. Archived 2011-08-10 at the Wayback Machine.(անգլ.)
  9. ↑ Պաշտոնական կայք Tongdo Fantasia.(կոր.)
  10. ↑ Eden Valley. Archived 2011-08-10 at the Wayback Machine.(անգլ.)
  11. ↑ Յանգսանի քույր քաղաքներ Archived 2010-09-12 at the Wayback Machine.(անգլ.)
  12. ↑ Յանգսանի խորհրդանշաններ Archived 2010-01-09 at the Wayback Machine.(անգլ.)

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Յանգսան&oldid=7828800» էջից