Յագալա (ջրվեժ)

Յագալա ջրվեժը

Յագալա (էստ․՝ Jägala juga), ջրվեժ համանուն գետի վրա՝ գետի՝ Ֆիննական ծոց լցվելու վայրից 4կմ հեռու։ Յագալա ջրվեժը տեղակայված է Էստոնիայի հյուսիսում՝ Տալլին քաղաքից 25 կմ արևելք։

Ջրվեժի բարձրությունը շուրջ 8 մետր է, լայնությունը՝ 50մ։ այս տվյալները վկայում են, որ Յագալան Էստոնիայի ամենամեծ ջրվեժներից մեկն է։ Ջրվեժին առաջացնում է բավական լայն խութ, որտեղով կարելի է քայլել ջրվեժի ամբողջ լայնությամբ, ինչն ավելի հետաքրքիր է դարձնում ջրվեժը հատկապես զբոսաշրջիկների համար (սակայն պիտի հիշել, սահուն հատակը վտանգավոր է, և քայլելիս պիտի զգույշ լինել)։ Ջրվեժն առավել գեղեցիկ է գարնանը՝ հալոցքի ժամանակ։

Յագալա ջրվեժը պահպանվող բնական տարածք է։ Ամեն տարի մեծանում է ջրվեժի առաջացրած ջրային հարթությունը, որի երկարությունը շուրջ 300մ է, խորությունը՝ 12-14մ։

Հնում ջրվեժն ունեցել է այլ անվանում՝ Յոարյունգաս (էստ․՝ Joarüngas)։