Մուշեղ Ճենտերեճյան

Վիքիպեդիայից՝ ազատ հանրագիտարանից
Jump to navigation Jump to search
Մուշեղ Ճենտերեճյան
Ծնվել է1913

Մուշեղ Ճենտերեճյան՝ Մուշեղ իշխան (ծնվել է 1913 թվականին Սիվրիհիսարում (Անկարայի նահանգ, Թուրքիա), հայ բանաստեղծ, մանկավարժ, լրագրող։ 1915 թվականին Ճենտերեճյանների ընտանիքը տեղահանվել է, 1923 թվականին՝ հաստատվել Դամասկոսում։ Ճենտերեճյանը տպագրվել է 1930-ական թվականներին։ Հրատարակել է «Տուներուն երգը» (1936), «Կրակը» (1938), «Կյանք և երազ» (1949), «Ոսկի աշուն» (1963), «Տառապանք» (1968) բանաստեղծությունների ժողովածուները, «Հայաստան» (1946) և «Ողջույն քեզ կյանք» (1958) պոեմները, «Հացի և լույսի համար» (1951), «Հացի և սիրո համար» (1956) վեպերը, «Մեռնիլը որքան դժվար է» (1971) թատերախաղը և այլ գործեր։ Ճենտերեճյանը երգել է սփյուռքահայ զանգվածների ծանր ու դաժան առօրյան։ Հայրենիքից կտրված, ապագայի հեռանկարը կորցրած մարդու վիճակը պայմանավորել է նրա պոեզիայում հաճախակի հանդես եկող հոռետեսական և անկումային տրամադրությունները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 96 CC-BY-SA-icon-80x15.png