Մուհթար Քենթ
| Մուհթար Քենթ թուրքերեն՝ Muhtar Kent | |
|---|---|
.jpg) | |
| Ծնվել է | հոկտեմբերի 31, 1952[1] (71 տարեկան) |
| Ծննդավայր | Նյու Յորք, Նյու Յորք, ԱՄՆ |
| Քաղաքացիություն |  Թուրքիա |
| Մայրենի լեզու | թուրքերեն |
| Կրթություն | Հալի համալսարան և Բեյես բիզնես դպրոց |
| Մասնագիտություն | ձեռնարկատեր և գործարար |
| Ծնողներ | հայր՝ Necdet Kent? |
| Զբաղեցրած պաշտոններ | board of directors member? |
 Muhtar Kent Վիքիպահեստում | |
Մուհթար Քենթ (անգլ.՝ Muhtar Kent; հոկտեմբերի 31, 1952[1], Նյու Յորք, Նյու Յորք, ԱՄՆ), թուրքական ծագմամբ ամերիկացի ձեռներեց։ Ներկայումս Քենթը The Coca-Cola Company ընկերության նախագահը և գլխավոր տնօրենն է։ Նշանակվել է որպես գլխավոր տնօրեն 2008 թվականին։
Երիտասարդություն[խմբագրել | խմբագրել կոդը]
Մուհթար Քենթը ծնվել է 1952 թվականին Նյու Յորքում, որտեղ նրա հայրը` Նեդջեթ Քենթը Թուրքիայի գլխավոր հյուպատոսն էր։ Ավագ Քենթին կոչել են նաև «թուրքական Շինդլեր» այն բանի համար, որ նա վտանգելով կյանքը, փրկել է հրեաներին Երկրորդ համաշխարհային պատերազմի ժամանակ։ Ավարտելով Տարսուսի միջնակարգ դպրոցը Թուրքիայում, 1971 թվականին Մուհթար Քենթը մեկնեց Մեծ Բրիտանիա, որպեսզի սովորի Հալի համալսարանում։ Նա ստացավ դիպլոմ 1978 թվականին՝ ավարտելով էկոնոմիկայի ֆակուլտետը։ Արդյունքում Քենթը ստացավ մագիստրոսի կոչում Լոնդոնի քաղաքային համալսարանում։ Այնուհետև Մուհթար Քենթը վերադարձավ Թուրքիա, որպեսզի ծառայի թուրքական բանակում։ Զինծառայությունից հետո վերադարձել է ԱՄՆ` ունենալով 1000 դոլար իր գրպանում։ Այնտեղ նա ապրել է իր հորեղբոր հետ` Նյու Յորքում։
Մասնագիտական կարիերա[խմբագրել | խմբագրել կոդը]
Մուհթար Քենթը սկսել է աշխատել Կոկա Կոլայում` գտնելով թափուր աշխատանքի հայտարարությունը թերթում։ Նա ճանապարհորդում էր բեռնատար մեքենաներով ԱՄՆ-ում, որպեսզի վաճառի կոկա կոլա։ Հենց այսկերպ նա կարողացավ մոտիկից ծանոթանալ Կոկա Կոլայի մարկետինգին, բաշխմանը և լոգիստիկայի համակարգն։
1985 թվականին նա նշանակվեց Կոկա Կոլայի գործադիր տնօրեն Թուրքիայում և Միջին Ասիայում։ Նա տեղափոխեց ընկերության կենտրոնակայանը Իզմիրից Ստամբուլ։ Երեք տարի անց նա նշանակվեց «Coca-Cola International»-ի փոխտնօրեն, պատասխանատու լինելով 23 երկրների համար, այդ թվում նաև Հայաստանի։ Ապրելով Վիեննայում, նա աշխատեց այդ պաշտոնում մինչ 1995 թվականը։
1995 թվականին Մուհթար Քենթը դարձավ «The Coca Cola Europe»-ի գլխավոր տնօրենը։ Երկու տարի անց ընկերության ապրանքաշրջանառությունը ավելացավ շուրջ 50 %-ով։
1999 թվականին նա լքեց Կոկա Կոլան` 20 տարվա աշխատանքից հետո։ Գալով Թուրքիա, Մուհթար Քենթը դարձավ «Efes»-ի գլխավոր տնօրենի` «Anadolu» ընկերության շրջանակներում։
2005 թվականի մայիսին նա վերադարձավ Կոկա Կոլա` 6 տարվա ընդմիջումից հետո և դարձավ Կոկա Կոլայի ղեկավարը Հյուսիսային Ասիայում,Եվրասիայում և Մերձավոր Արևելքում։ 2006 թվականի հունվարին նա նշանակվեց Կոկա Կոլայի միջազգային կապերի վարչության պետ։ Սրան զուգընթաց նա ղեկավարում էր Կոկա Կոլայի գործունեությունը Հյուսիսային Ամերիկայում։
2008 թվականի հուլիսի 1-ին Քենթը նշանակվեց Կոկա Կոլայի գործադիր տնօրեն և նախագահ[2]։
Անձնական կյանք[խմբագրել | խմբագրել կոդը]
Մուհթար Քենթը ամուսնացած է Օկսանա Բելովայի հետ։ Զույգը ունի երկու զավակ։ Մուհթար Քենթը Գալաթասարայ ՖԱ-ի ղեկավարների խորհրդի անդամ է։
Ծանոթագրություններ[խմբագրել | խմբագրել կոդը]
- ↑ 1,0 1,1 Դավոս 2014 մասնակիցների ցանկ
- ↑ «Ad hoc news». Արխիվացված է օրիգինալից 2007 թ․ դեկտեմբերի 18-ին. Վերցված է 2016 թ․ հուլիսի 16-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Մուհթար Քենթ» հոդվածին։ |
| ||||||
