Մուլասեն
| Մուլասեն | |
|---|---|
 | |
| Տեսակ | լեռ, main peak? և three-thousander? |
| Երկիր |  Իսպանիա |
| Վարչատարածքային միավոր | Գուեխար Սիեռա, Կապիլեյրա և Տրևելես |
| Լեռնաշղթա | Սիեռա Նևադա |
| Բարձրությունը ծովի մակարդակից | 3479 մետր |
| Հարաբերական բարձրություն | 3290 մետր |
| 37°03′12″N 3°18′41″W / 37.053333333333°N 3.3113888888889°W | |
Մուլասեն ( իսպ.՝ Mulhacén ), լեռ Իսպանիայի հարավում, Պիրենեյան թերակղզու ամենաբարձր գագաթը (3479 մ)[1]: Գտնվում է Անդալուսյան լեռների ճյուղավորումներից մեկի՝ Սիեռա Նևադայի լեռնաշղթայում: Լեռան հյուսիսային լանջին ընկած է մի ոչ մեծ ավալանշային սառցադաշտ, որը համարվում է Եվրոպայում ամենահարավայինը, և որից սկիզբ է առնում Գվադալկիվիրի վտակ Խենիլ գետը։
Լեռը կոչվել է Նասրիների արքայատոհմի ներկայացուցիչ Աբու ալ-Հասսան Ալիի պատվին, ով կառավարել է Գրանադան 15-րդ դարում: Լեռանը տրվել է նրա իսպանական անունը՝ Muley Hacén: Ըստ մի ավանդազրույցի՝ Աբու ալ-Հասսան Ալին թաղվել է այդ լեռան գագաթին:
Մուլասենը հարաբերական բարձրությամբ Արևմտյան Եվրոպայի երրորդ գագաթն է` Մոնբլանից և Էտնայից հետո, իսկ համաշխարհային ցանկում այդ ցուցանիշով զբաղեցնում է 64-րդ տեղը[2]։ Լեռան հարավային և արևմտյան լանջերը շատ ողորկ են, իսկ հյուսիսային լանջը հաղթահարելը հատուկ հմտություն է պահանջում։ Կապիլեյրա և Տրևելես գյուղերից հնարավոր է մեկ օրում բարձրանալ Մուլասեն:
Լեռը գտնվում է Սիեռա Նևադա ազգային պարկի տարածքում:
Պատահարներ
[խմբագրել | խմբագրել կոդը]2006 թվականի մարտի 5-ին բրիտանացի երեք լեռնագնացներ մահացել են Մուլասենի բարձունքը հաղթահարելիս, ենթադրաբար՝ հիպոթերմիայից: Այս պատահարի մասին առաջին հաղորդագրությունների հեղինակները, մեջբերելով իսպանական տեսչական համապատասխան մարմնի եզրակացությունը, պնդել են, որ վերոհիշյալ լեռնագնացները ապահովված չեն եղել ծայրահեղ պայմաններին դիմակայելու համար անհրաժեշտ հանդերձանքով: Սակայն այդ հայտարարությունը վիճարկվել ու ժխտվել է ալպինստների հարազատների, գործընկերներից մեկի ու փրկարարների կողմից: Այս պատահարի մասին պատմող մի հուշատախտակ է տեղադրվել լեռան գագաթին[3]:
Ծանոթագրություններ
[խմբագրել | խմբագրել կոդը]- ↑ «Peakbagger.com» (անգլերեն). Արխիվացված օրիգինալից 2018-11-07-ին. Վերցված է 2012-12-11-ին.
- ↑ «Пики Европы». Արխիվացված է օրիգինալից 2019-01-09-ին. на peaklist.org
- ↑ Photograph of the plaque at the summit dedicated to the British climbers
Արտաքին հղումներ
[խմբագրել | խմբագրել կոդը]- Муласен — статья из Большой советской энциклопедии. (ռուսերեն)
- Маршрут на Муласен(Իսպաներեն)
- «Peakware.com» (անգլերեն). Արխիվացված է օրիգինալից 2015-09-20-ին.
- Summitpost.org(անգլերեն)
- «Виртуальный тур. Восхождение на вершину Муласен. Капилейра — Приют Покуэйра — Лагуна-де-Ла Кальдера — Муласен».
 | Վիքիպահեստն ունի նյութեր, որոնք վերաբերում են «Մուլասեն» հոդվածին։ |
| ||||||||||
