Jump to content

Մուդլ

Վիքիպեդիայից՝ ազատ հանրագիտարանից
Մուդլ
Изображение логотипа
Տեսակlearning management system?
ՀեղինակMartin Dougiamas?
Նախագծումը՝Martin Dougiamas?
Գրված է՝PHP[1]
ՕՀբազմապլատֆորմ
Առկա էբազմալեզու, աֆրիկաանս, արաբերեն, Արագոներեն, հայերեն, աստուրերեն, ադրբեջաներեն, բասկերեն, բելառուսերեն, բենգալերեն, բոսնիերեն, բուլղարերեն, բիրմաներեն, կատալաներեն, պարզեցված չինարեն, դասական չինարեն, խորվաթերեն, չեխերեն, դանիերեն, հոլանդերեն, ձոնգքհա, անգլերեն, էսպերանտո, էստոներեն, ֆիններեն, ֆրանսերեն, գալիսերեն, գերմաներեն, հունարեն, եբրայերեն, հունգարերեն, իսլանդերեն, ինդոնեզերեն, իտալերեն, ճապոներեն, քմերերեն, կորեերեն, քրդերեն, լաոսերեն, լատիշերեն, լիտվերեն, մակեդոներեն, մաորի, մոնղոլերեն, նորվեգերեն, օքսիտաներեն, պարսկերեն, լեհերեն, բրազիլիական պորտուգալերեն, պորտուգալերեն, ռումիներեն, ռուսերեն, սերբերեն, սլովակերեն, սինհալերեն, սլովեներեն, իսպաներեն, շվեդերեն, Տագալերեն, տաջիկերեն, տելուգու, թուրքերեն, ուկրաիներեն, Ուրդու, ուզբեկերեն, վիետնամերեն և վալլիերեն
Լույս տեսավ՝օգոստոսի 20, 2002[2]
Կարդագող ֆայլերի ֆորմատMoodle Backup?
Ստեղծվող ֆայլերի ֆորմատMoodle Backup?
ԱրտոնագիրGPLv3
Կայքmoodle.org
Ելակոդgit.in.moodle.com/moodle/moodle.git
 Moodle Վիքիպահեստում

Մուդլ (անգլ.՝ Moodle), կրթական էլեկտրոնային դասընթացների կառավարման համակարգ (Էլեկտրոնային ուսուցում), հայտնի է նաև որպես Մուդլ ուսուցման կառավարման համակարգ կամ Մուդլ վիրտուալ ուսուցման միջավայր։ Մուդլ բառի անգլերեն տարբերակը ստացվել է Modular Object-Oriented Dynamic Learning Environment արտահայտության հապավումից (հայերեն՝ մոդուլային օբյեկտ-կողմնորոշում ունեցող դինամիկ ուսուցման միջավայր)։

Մուդլը GNU GPL լիցենզիայով տարածվող, ազատ վեբ հավելված է, որը հնարավորություն է տալիս ստեղծել կայքեր առցանց ուսուցման համար։

Մուդլ նախագիծը ղեկավարում և համակարգում է ավստրալական «Մուդլ» ընկերության կենտրոնակայանը, որին ֆինանսապես աջակցում է Մուդլի սպասարկման ութսունչորս գործընկեր-ընկերությունների ցանցը ամբողջ աշխարհում: Զարգացմանը օգնում է նաև բաց կոդով համայնքը[3]։

Պատմություն

[խմբագրել | խմբագրել կոդը]

Մուդլը ստեղծել է Մարտին Դուգիամասը՝ օգնելու մանկավարժներին ստեղծել առցանց դասընթացներ և կենտրոնանալ փոխգործակցության և համատեղ կրթական նյութերի ստեղծման վրա:

1999 թվականին Մարտին Դուգիամասը սկսել է փորձարկել ուսուցման կառավարման նոր համակարգի վաղ նախատիպերը։ Նոր համակարգի որոնումը հիմք է հանդիսացել «Առցանց ուսուցման արդյունավետության բարելավում» ատենախոսության համար[4]։

2001 թվականին Փիթեր Թեյլորը Կուրտինի համալսարանում ինքնուրույն տեղադրել է Մուդլը, ինչից հետո Մարտին Դուգիամասն ու Փիթեր Թեյլորը հրատարակել են «Ինտերնետային դասընթացի մեկնաբանական վերլուծություն, որը ստեղծվել է Մուդլ կոչվող դասընթացների մշակման նոր գործիքի միջոցով»-ը։

2001 թվականի վերջին Մուդլը կարող էր ներբեռնվել CVS-ի միջոցով (Գիթը ստեղծվել է 2010 թվականին և փոխարինել CVS-ին 2013 թվականին) և հասանելի էր տեղադրման բազային դոկումենտացիան։

2002 թվականին թողարկվել է Moodle 1.0-ը։ Մուդլում օգտատերերը նոր ֆորումի միջոցով քննարկման հնարավորություն են ստացել։ Հայտնվել է համայնքային թիմ, որը Մուդլը թարգմանում էր տարբեր լեզուներով և ստեղծում թեմաներ:

2003 թվականին թողարկվել է առաջարկվող առաջին մոդուլը («Սեմինար») և Moodle.org կայքը դարձել է Մուդլ համայնքի մասը, իսկ Moodle.com կայքը ձեռք է բերել առևտրային ասպեկտ:

2004 թվականին Օքսֆորդում տեղի է ունեցել Մուդլի ակադեմիական քննարկումը, և ընկերությունները սկսել են դառնալ Մուդլի գործընկերները։

Բարելավված դոկումենտացիայով և նոր հավաստագրմամբ՝ Մուդլը 2007 թվականին դարձել է ոլորտի առաջատարը՝ որպես ակադեմիական համայնքի կողմից ճանաչված բաց կոդով ուսուցման կառավարման համակարգ[5]։

Մանկավարժական մոտեցում

[խմբագրել | խմբագրել կոդը]

Մուդլի մատուցած փիլիսոփայությունը ներառում է սոցիալական կոնստրուկտիվիզմի մոտեցումը կրթության ոլորտում՝ ընդգծելով, որ ուսանողները (ոչ միայն ուսուցիչները) կարող են նպաստել կրթական փորձին[6]: Օգտագործելով այս մանկավարժական սկզբունքները՝ Մուդլն ապահովում է ուսումնական միջավայր[7]։

Հայտարարված մանկավարժական մոտեցումը մեծապես որոշում է Մուդլի կրթական գործիքների հավաքածուն, որոնցից են «Տվյալների բազան», «Վիքին», «Գլոսարիումը», «Ֆորումը»:

Հնարավորություններ

[խմբագրել | խմբագրել կոդը]

Մուդլն օգտագործվում է դպրոցներում, համալսարաններում, ինչպես նաև աշխատավայրերում՝ խառը ուսուցման, հեռավար ուսուցման, շրջված դասարանի և առցանց ուսուցման այլ եղանակների համար[8][9][10]։

Պլատֆորմը ուսուցիչներին և ուսանողներին համատեղ աշխատելու հնարավորություն է տալիս: Մուդլում առկա են ուսանողների կատարողականին հետևելու տարբեր հնարավորություններ: Համակարգն ունի ճկուն ինտերֆեյս՝ մակետների փոխադարձ տեղադրության և առանձին էջերի ձևավորման հնարավորությամբ։ Պլատֆորմը կարող է ինտեգրվել մեծ թվով ծրագրակազմի հետ, ներառյալ հաղորդակցման, համագործակցության, փաստաթղթերի կառավարման և արտադրողականության բարձրացման այլ ծրագրային գործիքներ:

Մուդլի բազային տարբերակը ներառում է[11]՝

  • Համակարգվող մակետ,
  • Անվտանգ նույնականացում և գրանցում,
  • Բազմալեզու համակարգ,
  • Տարբեր ձևաչափերով դասընթացների ստեղծում և զանգվածային կառավարում պարզ եղանակով,
  • Համագործակցության գործիքներ,
  • Պլագինների հեշտ կառավարում, լրատվամիջոցների ինտեգրում և արտաքին ռեսուրսների հնարավորություն,
  • Հաշվարկման, դասակարգման և գնահատման գործիքներ։

Պլագինների, համակարգվող գրաֆիկական թեմաների, բջջային հարմարեցմամբ վեբ ձևավորման և Մուդլ բջջային հավելվածի անհատական կարգավորումները հասանելի են յուրաքանչյուր օգտատերին: Մուդլ բջջային հավելվածը հասանելի է Գուգլ Փլեյում, Էփ Սթորում, Էֆ-Դրոիդում և Վինդոուզ Ֆոն Սթորում:

Էլեկտրոնային ուսուցման ստանդարտների պահպանում

[խմբագրել | խմբագրել կոդը]

Մուդլի ծրագրավորողները որդեգրել են էլեկտրոնային ուսուցման հետևյալ ստանդարտները՝

  • SCORM-ը Էլեկտրոնային ուսուցման ստանդարտների և բնութագրերի մի շարք է, որոնք սահմանում են հաճախորդին տեսանելի բովանդակության և սերվերի ուսուցման կառավարման համակարգի միջև կապը, և թե ինչպես պետք է դրսից ստեղծված բովանդակությունը կաղապարվի Մուդլի կամ կրթական էլեկտրոնային դասընթացների կառավարման ցանկացած այլ համակարգի հետ ինտեգրվելու համար: Գոյություն ունեն երկու տարբերակներ՝ SCORM 1.2 և SCORM 2004: Մուդլը համատեղելի է SCORM 1.2-ի հետ և անցնում է SCORM 1.2-ի համար ADL 1.2.7 համապատասխանության փորձարկման հավաքածուի բոլոր թեստերը: SCORM 2004-ը չի օգտագործվում Մուդլում, սակայն Rustici Software-ն ունի Մուդլ պլագին, որը կարող է ցանկացած Մուդլ կայք վերածել լիովին համատեղելի SCORM 2004 LMS-ի[12]։
  • CMI-ի AICC HACP ստանդարտը մշակվել է ավիացիոն արդյունաբերության համակարգչային ուսուցման կոմիտեի (AICC) կողմից և օգտագործվում է արտաքին հեղինակների կողմից ստեղծված բովանդակության և գնահատման փաթեթների կանչի համար: AICC բովանդակության փաթեթները հասանելի են Moodle 2.1-ում և հետագա տարբերակներում:
  • IMS Common Cartridge փաթեթները նույնպես կարելի է ներմբեռնել Մուդլ: Բացի այդ, Մուդլ Բուքի գործողությունները կարող են արտահանվել որպես IMS բովանդակության փաթեթներ։
  • Ուսուցման գործիքների համատեղելիությունը (LTI) ստանդարտ միջոց է բազմաֆունկցիոնալ ուսուցման ծրագրերը (հաճախ տեղադրվում են հեռակա կարգով և տրամադրվում են երրորդ կողմի ծառայությունների միջոցով) կրթական հարթակների հետ ինտեգրելու համար: Մուդլն օգտագործում է արտաքին գործիքի գործառույթը՝ որպես լռելյայն «LTI սպառող» հանդես գալու համար և կգործի որպես «LTI մատակարար»՝ օգտագործելով պլագին:

Ներբեռնում

[խմբագրել | խմբագրել կոդը]

Մուդլը վեբ կայքի համար նախատեսված ծրագիր է, այլ ոչ թե ներբեռնվող ծրագիր, ուստի այն պետք է տեղադրվի վեբ սերվերում: Այն տեղադրելու համար անհրաժեշտ չէ վեբ ծրագրավորող լինել, սակայն անհրաժեշտ են որոշակի գիտելիքներ, ինչպիսիք են վեբ կայքի վերբեռնումը սերվերում և դոմեյնի կարգավորումը:

Մուդլն աշխատում է առանց փոփոխությունների Յունիքսի, Լինուքսի, ՖրիԲիԷսԴիի, Վինդոուզի, Մաք Օէսի, ՆեթՈւեյրի և ցանկացած այլ համակարգերի վրա, որոնցում կարելի է օգտագործել PHP և աշխատել տվյալների բազայի հետ՝ ներառյալ աշխատանքը վեբ հոստինգի մատակարարների հետ:

Օգտագործողները կարող են ներբեռնել և տեղադրել Մուդլը վեբ սերվերների վրա (օրինակ՝ Apache HTTP սերվերը), և հասանելի են տվյալների բազայի կառավարման մի շարք համակարգեր (օրինակ՝ MySQL): Մուդլի պատրաստի համադրությունները վեբ սերվերի և տվյալների բազայի հետ հասանելի են Մայքրոսոֆթ Վինդոուզի և Մաքի համար: Կան ավտոմատ տեղադրման այլ եղանակներ, ինչպիսիք են Դեբիան փաթեթի տեղադրումը, պատրաստի օգտագործման TurnKey Moodle սարքի տեղակայումը, Bitnami Installer-ի օգտագործումը կամ Installatron-ի նման մեկ սեղմումով տեղադրման ծառայության օգտագործումը[13]։

Օգտատերերի կառավարում

[խմբագրել | խմբագրել կոդը]

Մուդլում «օգտատերը» որոշակի դեր ունեցող մասնակից է: Յուրաքանչյուր վիրտուալ տարածք ընդունվում է որպես համատեքստ[14]։ Օրինակ՝ գլխավոր էջ, դասընթաց, ֆորում, զրույց և այլն: Այս համատեքստերից յուրաքանչյուրում օգտագործողը ունենում է որոշակի դեր: Օրինակ՝ դուք կարող եք ուսուցիչ լինել մի դասընթացում, իսկ մյուսում՝ ուսանող:

Հետագա տարբերակներում և բարելավումներում դերերի հետ կապված թույլտվությունները մասնագիտացված էին: Դերերն ու նրանց արտոնությունները լիովին կարգավորվող են: Նորերը կարող են ստեղծվել և նույնիսկ ժառանգվել արդեն ընդունվածներից: Դրանք, ըստ էության, ադմինիստրատորներ, դասախոսներ և ուսանողներ են: Օգտատերի հաշիվների կառավարումը թույլ է տալիս տեսնել անդամների կամ հետևորդների ցուցակը, նրանց հետ մասսայական գործողություններ կարգավորել կամ ավելացնել օգտատերեր և կանխորոշել վերջինիս պրոֆիլի դաշտերը[15]։

Օգտատերերի տեսակներ և դերեր

[խմբագրել | խմբագրել կոդը]

Մուդլում դասընթացների կառավարումն ունի հիերարխիկ բնույթ և ենթարկվում է տարբեր մակարդակներին կամ դերերին, որոնց հետ կապված են հնարավորությունների կամ թույլտվության տարբեր մակարդակներ: Տեսակներն են[16]՝

  1. Ադմինիստատոր կամ մենեջեր։ Ունեն դասընթացներ և կատեգորիաներ ստեղծելու, դասընթացների ներսում դերեր փոխելու և նշանակելու, հաշիվներ ստեղծելու, բլոկներ տեղադրելու, գրաֆիկական թեման փոխելու և այլն հնարավորություններ: Ընդհանուր առմամբ, այս դերերը թույլ են տալիս կատարել ցանկացած փոփոխություն:
  2. Դասախոս: Կարող է ստեղծել, փոփոխել և հեռացնել գործողությունները կամ ռեսուրսները այն դասընթացի շրջանակներում, որի հետ առնչվում է, թողնել հետադարձ կապ և հաստատել, կարգավորել հաղորդակցությունը դասընթացի մասնակիցների հետ:
  3. Խմբագրման իրավունք չունեցող դասախոս: Կարող է միայն գնահատել, թողնել կարծիք և շփվել դասընթացի մասնակիցների հետ:
  4. Ուսանող: Կարող է դիտել և կատարել ուսումնական առաջադրանքները, դիտել ռեսուրսները և կապ հաստատել դասընթացի մյուս մասնակիցների և ուսուցչի հետ։
  5. Հյուր: Կարող է դիտել միայն դասընթացը կամ պլատֆորմը, բայց չի կարող մասնակցել:
  6. Լիազորված օգտատեր: Նրան թույլատրվում է դիտել դասընթացը և կատարել այլ գործառույթներ կրթական հարթակում:

Դասընթացի կառավարում

[խմբագրել | խմբագրել կոդը]

Մուդլը հիմնված է դասընթացների վրա՝ որպես հիմնական միավոր: Ադմինիստրատորը պետք է ստեղծի դասընթաց, կարգավորի այն, գրանցի ուսանողներին և ստեղծի գործողություններ ուսանողներին հասանելիություն տրամադրել, հարմարեցնել հաշվետվությունները և տեսքը[17]։

Դասընթացի նյութը կարող է ներկայացվել հետևյալ ձևաչափերից մեկով՝ շաբաթական, ըստ թեմաների, քննարկումների հիման վրա:

Հարկ է նաև նշել, որ տեքստի մուտքագրման տարածքների մեծ մասը (նյութեր, ֆորումի հաղորդագրություններ, ամսագրի գրառումներ և այլն) կարող են խմբագրվել՝ օգտագործելով ներկառուցված HTML խմբագրիչը WYSIWYG ռեժիմում:

Վերջին տարբերակներում որոշ դաշտեր կարող են հարմարեցվել որոշակի դասընթացի համար:

Մուդլ համաժողովներ

[խմբագրել | խմբագրել կոդը]

ՄուդլՄութը (անգլ.՝ MoodleMoot) Մուդլ համայնքի անդամների համաժողով է, որտեղ նրանք կարող են սովորել Մուդլի մասին, կիսվել ուսուցման հարթակի փորձով, քննարկել համապատասխան կրթական տեխնոլոգիաների վերաբերյալ հետազոտությունները և կիսվել գաղափարներով Մուդլի հետագա զարգացման համար[18]: Ամբողջ աշխարհում անցկացվող ՄուդլՄութս կազմակերպում են համալսարանները կամ այլ խոշոր կազմակերպությունները, որոնք օգտագործում են Մուդլը, Մուդլ Փարթներս, Մուդլ ասոցիացիաներ կամ Մուդլի կենտրոնակայան: 2020 թվականին #Մութ-ը տեղափոխվել է վիրտուալ համաժողով։

Պահանջարկ

[խմբագրել | խմբագրել կոդը]

Մուդլին է պատկանում Եվրոպայի, Լատինական Ամերիկայի և Օվկիանիայի շուկայի ավելի քան 50%-ը[19]։

ԱՄՆ բարձրագույն կրթության շուկայում, 2018 թվականի աշնան դրությամբ, ուսումնական հաստատությունների թվով ուսուցման կառավարման լավագույն երեք համակարգերը ներառում էին Բլեքբորդը (31%), Քանվասը (30%) և Մուդլը (18%): 2013 թվականին Մուդլը որոշ ժամանակ եղել է երկրորդ խոշորագույն մատակարարը՝ Բլեքբորդից հետո 23% շուկայական մասնաբաժնով (41%)[20]։ Այնուամենայնիվ, 2017 թվականին Մուդլը զիջել է դիրքերը՝ դառնալով մեծությամբ երրորդ մատակարարը, մասամբ կիսաբաց Քանվաս[21][22] կոդով Instructure պլատֆորմի համատարած կիրառման պատճառով: 2016 թվականի մարտին Բլեքբորդը դարձել է Մուդլի պաշտոնական գործընկերը[23], թեև այդ համագործակցությունն ավարտվել է 2018 թվականին[24]։

Ծանոթագրություններ

[խմբագրել | խմբագրել կոդը]
  1. ↑ The moodle Open Source Project on Open Hub: Languages Page — 2006.
  2. ↑ https://docs.moodle.org/dev/Releases#Moodle_1.0
  3. ↑ Feed 376up, 01 Apr 2015 Samantha Gartner. «How Moodle is driven by user and community feedback». Opensource.com. Արխիվացված է օրիգինալից 2023-05-06-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)CS1 սպաս․ թվային անուններ: authors list (link)
  4. ↑ «История создания Moodle» (ռուսերեն). Արխիվացված է օրիգինալից 2023-02-21-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  5. ↑ Martin Dougiamas (2007-04-04). «Moodle wins multiple awards from the eLearning Guild!» (անգլերեն). Արխիվացված է օրիգինալից 2023-02-21-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  6. ↑ «Philosophy - MoodleDocs». docs.moodle.org. Արխիվացված է օրիգինալից 2022-11-30-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  7. ↑ «Open-Source Learning Management System». Moodlerooms. Արխիվացված է օրիգինալից 2010-12-27-ին. Վերցված է 2012-05-31-ին.
  8. ↑ Costello, Eamon (2013-11-01). «Opening up to open source: looking at how Moodle was adopted in higher education». Open Learning: The Journal of Open, Distance and E-Learning. 28 (3): 187–200. doi:10.1080/02680513.2013.856289. S2CID 54976320. Արխիվացված օրիգինալից 2023-03-27-ին. Վերցված է 2023-02-21-ին.
  9. ↑ Krassa, Anna (2013-10-04). Gamified Moodle Course in a Corporate Environment (PDF). 2nd Moodle Research Conference (MRC2013). Sousse, Tunisia. էջեր 84–93. ISBN 978-618-80889-0-0. Արխիվացված (PDF) օրիգինալից 2022-11-27-ին. Վերցված է 2023-02-21-ին.
  10. ↑ Horvat, Ana; Dobrota, M.; Krsmanovic, M.; & Cudanov, M. (2015). «Student perception of Moodle learning management system: a satisfaction and significance analysis». Interactive Learning Environments. 23 (4): 515–527. doi:10.1080/10494820.2013.788033. S2CID 205708644.
  11. ↑ «Moodle: Qué es y cuáles son sus ventajas y características». 2020-10-17. Արխիվացված է օրիգինալից 2023-02-21-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  12. ↑ «SCORM Cloud Moodle Integration». scorm.com. Արխիվացված է օրիգինալից 2017-09-26-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  13. ↑ «Latest release» (անգլերեն). Արխիվացված է օրիգինալից 2023-02-26-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  14. ↑ «Context - MoodleDocs». Արխիվացված է օրիգինալից 2023-02-21-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  15. ↑ «Usuarios - MoodleDocs». 2019-03-29. Արխիվացված է օրիգինալից 2023-02-21-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  16. ↑ «Roles and permissions». 2020-09-13. Արխիվացված օրիգինալից 2023-07-11-ին. Վերցված է 2023-07-11-ին.
  17. ↑ «Bloque de administración del sitio». 2019-10-26. Արխիվացված է օրիգինալից 2023-02-21-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  18. ↑ «Events». Moodle. 2019-04-03. Արխիվացված է օրիգինալից 2023-02-21-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  19. ↑ «Academic LMS Market Share: A view across four global regions Արխիվացված 2019-05-30 Wayback Machine». e-Literate. 29 June 2017. Retrieved 30 May 2019
  20. ↑ A Profile of the LMS Market (page 47) (PDF), CampusComputing, 2013, Արխիվացված (PDF) օրիգինալից 2023-02-21-ին, Վերցված է 2023-02-21-ին
  21. ↑ «LMS Data--Spring 2017 Updates». Edutechnica. Client Stat. Արխիվացված է օրիգինալից 2023-02-21-ին. Վերցված է 2017-11-22-ին. {{cite web}}: Unknown parameter |deadlink= ignored (|url-status= suggested) (օգնություն)
  22. ↑ «FAQ · instructure/canvas-lms Wiki». GitHub. 2022-01-16. Արխիվացված է օրիգինալից 2023-03-07-ին. Վերցված է 2023-02-21-ին. {{cite web}}: Unknown parameter |deadlink= ignored (|url-status= suggested) (օգնություն)
  23. ↑ «Blackboard Is Now An Official Moodle Partner». Moodle News (ամերիկյան անգլերեն). 2016-03-14. Արխիվացված է օրիգինալից 2018-10-30-ին. Վերցված է 2018-04-18-ին. {{cite news}}: More than one of |accessdate= and |access-date= specified (օգնություն)
  24. ↑ «Moodle ends partnership with Blackboard». Moodle (ամերիկյան անգլերեն). 2018-07-27. Արխիվացված է օրիգինալից 2023-02-21-ին. Վերցված է 2022-03-23-ին. {{cite news}}: More than one of |accessdate= and |access-date= specified (օգնություն)

Գրականություն

[խմբագրել | խմբագրել կոդը]
  • Система дистанционного обучения Moodle — Мясникова Т. С., Мясников С. А. Система дистанционного обучения MOODLE.-Харьков, 2008.-232 с.
  • Работа в системе дистанционного обучения Moodle. — Анисимов А. М., Учебное пособие.2-е изд. испр. и дополн.- Харьков, ХНАГХ, 2009. — 292 стр.
Moodle 3
  • Alex Büchner Moodle 3 Administration. — Third Edition. — Packt Publishing, 2016. — 492 с. — ISBN 978-1783289714
Moodle 2.5
  • João Pedro Soares Fernandes Moodle 2.5 Multimedia. — Packt Publishing, 2013. — 270 с. — ISBN 978-1783281473
  • Silvina P. Hillar Moodle 2.5 Multimedia Cookbook. — 2-nd. ed.. — Packt Publishing, 2013. — 300 с. — ISBN 978-1783289370
Moodle 2
Moodle 1.9

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Մուդլ&oldid=10092303» էջից