Մորեն լիճ

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Մորեն լիճ
անգլ.՝ Moraine Lake

'
Կոորդինատներ
Տեղագրություն Հյուսիսային Ամերիկա
Երկիր Կանադա Կանադա
Վարչատարածքային բաժանում Ալբերտա
Հայելու բացարձակ բարձրությունը 1884 մ
Ավազանի մակերեսը 50 կմ²
Ամենամեծ խորությունը 14 մ

Մորեն լիճ (անգլ.՝ Moraine Lake), սառցադաշտային լիճ Կանադայի Ալբերտա նահանգի Բանֆ ազգային պարկում՝ Լեյք Լուիզ գյուղից 14 կմ դուրս։ Տեղակայված է Տասը գագաթների հովտում՝ 1885 մետր բարձրության վրա։ Լճի մակերեսը կազմում է 50 հեկտար։

Սառույցով սնվող գետը ամբողջությամբ չի լցվում մինչև հունիսի վերջեր։ Երբ այն լիքն է, արտացոլում է կապույտ տարբերակող երանգ։ Գույնը պայմանավորված է լճի քարքարոտ հատվածում լույսի անդրադարձմամբ։

Պատմություն[խմբագրել | խմբագրել կոդը]

1899 թվականին լիճը հայտնաբերել և անվանակոչել է Վալտեր Վիլկոկսը։

Քայլելու արահետներ[խմբագրել | խմբագրել կոդը]

Ներքին Կոնսոլեյթ լիճ

Լճի շուրջը կան մի քանի քայլելու/արշավային արահետներ, որոնք ժամանակ առ ժամանակ սահմանափակվում են։ Զբոսաշրջիկները սովորաբար անցնում են Ժայռակույտ արահետով (անգլ.՝ Rockpile Trail), որը ձգվում է մորենի երկայնքով։ Արահետն ունի մոտ 300 մետր երկարություն՝ 24 մ բարձրության փոփոխությամբ։ Ժայռակույտի վերևից լճի տեսքը համարվում է Կանադայի ամենաշատ լուսանկարվող վայրերից մեկը[1]։ Տասը գագաթների հովտում լճի տեսարանը հայտնի է «20 դոլարի տեսարան» անվանումով, քանի որ Մորեն լիճը պատկերված է 1969 և 1979 թվականների կանադական 20-դոլարանոց թղաթադրամի վրա[2][3]։

Նույն արահետով սկսվում է Կոնսոլեյշն լճի արահետը, որը մոտավորապես 3 կիլոմետր երկարություն ունի՝ 90 մետր բարձրության փոփոխությամբ։ Կոնսոլեյշն լիճ հասնելով՝ զբոսաշրջիկները կարող են շարունակել դեպի վերին լիճը, որը տեսանելի չէ ցածր լճի վերջից։ Այնուամենայնիվ, չկա հստակ նշված արահետ, և հաճախ կարելի է դժվարությամբ մագլցել խոշոր քարքարոտ տարածքների վրա։

Կանոեների նավանորոգարաններ

Մորեն լճի կանոեների տնակի մոտ[4] կա մեկ այլ արահետ, որտեղից սկիզբ են առնում երկու արահետներ, որոնցից մեկն իր հերթին բաժանվում է չորս տարբեր ճյուղերի, այսինքն արահետների գլխամասից սկիզբ են առնում 5 արահետներ՝ Moraine Lake Lakeshore Trail, Eiffel Lake, Wenkchemna Pass, Larch Valley և Sentinel Pass: Lake Louise & Yoho Map[5] տեղեկատվություն է տրամադրում այդ արահետների մասին։

Լեռնագնացային երթուղիներ[խմբագրել | խմբագրել կոդը]

Նեյլ Կոլգան կացարան կարելի է հասնել Մորեն լճից Պերեն երթուղով 8-12 ժամ մագլցելուց հետո[6]։

Պատկերասրահ[խմբագրել | խմբագրել կոդը]

Մորեն լիճ
Moraine Lake 1 July-2001.JPG
Moraine lake.jpg
Moraine Lake-Banff NP.JPG
Morainelake panorama.jpg
800px

Ծանոթագրություններ[խմբագրել | խմբագրել կոդը]

  1. Ellis, Cathy - Moraine Lake's Rockpile Trail to receive upgrades.(չաշխատող հղում) Rocky Mountain Outlook, August 28, 2008
  2. Bank of Canada - 1969-1979 Canadian $20 Bank note featuring Moraine Lake
  3. Weddell, Peggy - Banff: A Rocky Mountain Treasure. Legion Magazine, January 1, 1997
  4. Moraine Lake Lodge
  5. Gemtreck Archived 2009-02-02 at the Wayback Machine. - Lake Louise & Yoho Map
  6. http://www.summitpost.org/route/162264/Perren-route-to-Neil-Colgan-Hut.html Summit Post: Perren Route

Արտաքին հղումներ[խմբագրել | խմբագրել կոդը]