Մոնս Զելմերլով

Վիքիպեդիայից՝ ազատ հանրագիտարանից
Մոնս Զելմերլով
20150514 ESC 2015 Måns Zelmerlöw 5767 2.jpg
Ծնվել է հունիսի 13, 1986({{padleft:1986|4|0}}-{{padleft:6|2|0}}-{{padleft:13|2|0}}) (31 տարեկան)
Լունդ, Malmöhus County, Շվեդիա
Երկիր Flag of Sweden.svg Շվեդիա
Ժանրեր փոփ երաժշտություն
Մասնագիտություն երգիչ, հեռուստահաղորդավար և դերասան
Լեյբլ Warner Music Group
Կայք mzw.se

Մոնս Պետեր Ալբերտ Զելմերլով (շվեդ.՝ Måns Zelmerlöw, հունիսի 13, 1986({{padleft:1986|4|0}}-{{padleft:6|2|0}}-{{padleft:13|2|0}}), Լունդ, Malmöhus County, Շվեդիա, Շվեդիա), շվեդ երգիչ, հեռուստահաղորդավար է։ Նա հայտնիություն ձեռք բերեց 2005-ին՝ մասնակցելով շվեդական «Սուպերսթար» նախագծին, որտեղ զբաղեցրեց հինգերորդ հորիզոնականը, այնուհետև մասնակցեց շվեդական «Պարահանդես» պարային նախագծի առաջին եթերաշրջանին, որտեղ հաղթանակ տոնեց, և 2007-ին "Cara Mia" (Իմ սիրելի) երգով, որով էլ ներկայացավ այդ տարվա Melodifestivalen երգի մրցույթին։ 2011-2013-ին նա եղել է Allsång på Skansen երաժշտական փառատոնի հաղորդավար։ 2007-ին, 2009-ին և 2015-ին մասնակցել է Melodifestivalen։ 2015-ին, այն հաղթելով, ստացավ իրավունք ներկայացնել Շվեդիան Եվրատեսիլ 2015 երգի մրցույթում իր "Heroes" (Հերոսներ) երգով։ Նա Եվրատեսիլի եզրափակչում հավաքել է 365 միավոր և ճանաչվել է այդ մրցույթի հաղթող։

Կյանք և կարիերա[խմբագրել | խմբագրել կոդը]

Մոնս Զելմերլով ծնվել է 1986-ին Շվեդիայի Լունդ քաղաքում։ Զելմերլովը երաժշտական կրթություն է ստացել Լունդի ավագ դպրոցում և եղել է դպրոցի երգչախմբի անդամներից[1]։ 2002-ին Մալմոյում խաղացել է տարբեր օպերետներում։

Զելմերլովը հասարակության առաջ ներկայացավ 2005 թվականին՝ մասնակցելով շվեդական «Սուպերսթար» նախագծի երկրորդ եթերաշրջանին։ 8 շաբաթներից հետո նա հեռացվեց մրցույթից և զբաղեցրեց հինգերորդ հորիզոնականը[2]։

2006 թվականին նա մասնակցեց շվեդական «Պարահանդես» պարային նախագծի առաջին եթերաշրջանին Մարիա Կարլսոնի հետ միասին, որտեղ նրանք հաղթանակ տոնեցին[3]։ Նույն տարվա ընթացքում Մոնսը մասնակցեց Grease մյուզիքլի շվեդական տարբերակին։ Արդյունքում իր առաջին ձայնասկավառակը թողարկելու համար նա պայմանագիր ստորագրեց M&L Records-ի հետ, որը Warner Music Group-ի ստորաբաժանումներից է[4]։

2007-ին նա մասնակցեց Եվրատեսիլ 2007 երգի մրցույթի շվեդական նախընտրական փուլին՝ Melodifestivalen 2007-ին, որտեղ հասնելով եզրափակիչ՝ զբաղեցրեց երրորդ հորիզոնականը[5]։ Մրցույթին նա ներկայանում էր իր "Cara Mia" (Իմ սիրելի) երգով, որը թողարկվեց որպես սինգլ և տեղ գտավ Մոնսի առաջին ձայնասկավառակում՝ Stand by For...-ում։ Ձայնասկավառակը զբաղեցրեց առաջին հորիզոնականը Շվեդիայում, նրա 4 երգեր թողարվեցին որպես սինգլներ և Շվեդիայում ընդգրկվեցին Լավագույն 50 երգերի ցանկում։ Stand by For...-ը 2007-ին թողարկվեց նաև Լեհաստանում[6]։

2007-ին որպես հաղորդավար հանդես եկավ Lilla Melodifestivalen 2007-ում[7]։ Նույն թվականին մասնակցեց Footloose մյուզիքլին՝ մասրմնավորելով Թոմիին։ Մոնսը մի շարք նշանավոր շվեդ երգիչների հետ հանդես եկավ Ստոկհոլմում և Գոթենբուրգում[8]։

2009-ին Մոնսը կրկին մասնակցեց Melodifestivalen-ին այս անգամ "Hope & Glory" (Հույս և Փառք) երգով[9]։ Հաջող անցնելով կիսեզրափակիչը՝ նա եզրափակչում զբաղեցրեց 4-րդ հորիզոնականը՝ ժյուրիի կողմից ստանալով բազմաթիվ ձայներ։ Նույն տարվա ընթացքում նա թողարկեց իր երկրորդ ձայնասկավառակը՝ MZW-ն, որը առաջինը ճանաչվեց շվեդական ալբոմների չարթում և թողարկվեց նաև Լեհաստանում։ 2009-ի ամռանը Մոնսը հանդես եկավ շրջագայություններով Շվեդիայում[10]։

2010-ին Մոնսը՝ որպես հաղորդավար, հանդես եկավ Melodifestivalen 2010-ում՝ հյուրընկալելով բոլոր շոուները։

2013-ին նա սկեսց աշխատել իր երրորդ Barcelona Sessions ձայնասկավառակի վրա։ Մինչ թողարկելը նա հանդես եկավ մի քանի սինգլներով, որոնցից էին "Broken Parts" (Կոտրված հատվածներ) , "Beautiful Life" (Գեղեցիկ կյանք) , "Run For Your Life" (Վազի՛ր քո կյանքի համար) , "Parallels" (Զուգահեռներ) երգերը։ Ձայնասկավառակը թողարկվեց 2014-ի փետրվարին[11]։

Մոնսը հանդես եկավ նաև Melodifestivalen 2013-ում, սակայն այս անգամ որպես երգահան։ Իր "Hello Goodbye" (Ողջույն, ցտեսություն) երգը եզրափակիչ չհասավ[12]։ Այն կատարում էին Էրիկ Սեգերստեդը և Թոն Դեմիլը։ 2013-ին Մոնսը հանդես եկավ նաև նոև շվեդական Spök մյուզիքլում[13]։

Զելմերլովը ևս մեկ անգամ մասնակցեց Melodifestivalen-ին այս անգամ 2015 թվականին։ Նա եզրափակչում հաղթեց 288 միավորով և իրավունք ստացավ ներկայացնել Շվեդիան Եվրատեսիլ 2015 երգի մրցույթում իր "Heroes" (Հերոսներ) երգով[14]։ Նույն մրցույթին նա մասնակցում էր նաև որպես "Det rår vi inte för" երգի հեղինակ, որը կատարվում էր Բեհրանգ Միրիի կողմից, սակայն այս երգը հասավ մինչև Երկրորդ շանս փուլ[15]։

Եվրատեսիլ 2015–ի եզրափակչի քվեարկության արդյունքում Մոնսը հավաքում է 365 միավոր և ճանաչվում է հաղթող[16]։

Անձնական կյանքը[խմբագրել | խմբագրել կոդը]

Զելմերլովը ունի մեկ կրտսեր քույր։ 2008-2011 թվականներին լրատվամիջոցների կողմից ակտիվ լուսաբանվում էր նրա և շվեդ մոդել և երգչուհի Մարի Սերնեհոլտի սիրավեպը։ 2004 թվականի դեկտեմբերի 26-ին Մոնսը իր ընտանիքի հետ Թայլանդում փրկվել է Հնդկական օվկիանոսում տեղի ունեցած ցունամիից[17]։

Սկավառակագրություն[խմբագրել | խմբագրել կոդը]

  • «Stand by For...» (2007)
  • «MZW» (2009)
  • «Christmas with Friends» (2010)
  • «Kära vinter» (2011)
  • «Barcelona Sessions» (2014)
  • «Perfectly Damaged» (2015)

Ծանոթագրություններ[խմբագրել | խմբագրել կոդը]

  1. Radio Sveriges։ «Cara Mia - P4 Melodifest – webbkanal»։ Վերցված է 2016-05-12 
  2. «Måns utröstad ur "Idol"»։ Expressen։ Վերցված է 2016-05-12 
  3. «Måns och Maria vann ”Let's dance”»։ Aftonbladet։ Վերցված է 2016-05-12 
  4. Spektra Stockholm TT (2006-09-28)։ «Tajta jeans för Måns Zelmerlöw i "Grease"»։ Metro։ Վերցված է 2016-05-12 
  5. TT։ «Måns Zelmerlöw öppnar för schlagern»։ SvD.se։ Վերցված է 2016-05-12 
  6. «Plats 1: Måns Zelmerlöw»։ Expressen։ Վերցված է 2016-05-12 
  7. «Zelmerlöw leder Lilla Melodifestivalen»։ Aftonbladet։ Վերցված է 2016-05-12 
  8. «Stjärnorna i ny musikal»։ Expressen։ Վերցված է 2016-05-12 
  9. «’Allvarligt - nu ska jag vinna skiten’»։ Aftonbladet։ Վերցված է 2016-05-12 
  10. Stoltz Paulina։ «Måns Zelmerlöw - MZW»։ SvD.se։ Վերցված է 2016-05-12 
  11. «Måns Zelmerlöw - "Run for your life"»։ Expressen։ Վերցված է 2016-05-12 
  12. «Måns Zelmerlöw: ”Jag kommer aldrig lämna Melodifestivalen”»։ Poplight։ 2015-02-28։ Վերցված է 2016-05-12 
  13. Spektra։ «80-tals musikalen ”Spök” återuppstår»։ SvD.se։ Վերցված է 2016-05-12 
  14. «Eurovision Sweden: Måns Zelmerlöw wins Melodifestivalen 2015!»։ Eurovision News, Polls and Information by esctoday (en-US)։ 2015-03-14։ Վերցված է 2016-05-12 
  15. «”Det rår vi inte för” skrevs för Måns Zelmerlöw»։ svt.se։ Վերցված է 2016-05-12 
  16. «Who won Eurovision 2015? Full Song Contest results»։ Mirror։ Մայիսի 24, 2015։ Վերցված է Մայիսի 24, 2015 
  17. «– Det var ofattbart hemskt»։ Aftonbladet։ Վերցված է 2016-05-12