Մոնիկ Օսան Բելպո

Վիքիպեդիայից՝ ազատ հանրագիտարանից
Jump to navigation Jump to search
Մոնիկ Օսան Բելպո
 
Կուսակցություն՝ MSM?
Մասնագիտություն՝ լրագրող և քաղաքական գործիչ
Ծննդյան օր 1942
Ծննդավայր Մավրիկիոս
Քաղաքացիություն Flag of Mauritius.svg Մավրիկիոս
 
Պարգևներ

Grand Officer of the Order of the Star and Key of the Indian Ocean?

Մոնիկա Օսան Բելպո (անգլ.՝ Agnès Monique Ohsan Bellepeau, 1942, Մավրիկիոս), Մավրիկիոսի նախագահի պաշտոնակատար 2012 թվականի մարտի 31-ից մինչև հուլիսի 21-ը և 2015 թվականի մայիսի 29-ից մինչև հունիսի 5-ը, Մավրիկիոսի փոխնախագահ 2010 թվականի նոյեմբերի 12-ից։

Կենսագրություն[խմբագրել | խմբագրել կոդը]

Ծնվել է Բարտոլոմ Օսանի ընտանիքում, ով Մավրիկիոսի հայտնի քաղաքական գործիչ է, Լեյբորիստական կուսակցության հիմնադիրներից մեկը[1]։

Մոնիկ Օսան Բելպոն Մավրիկիոսի հեռարձակող կորպորացիայի ազգային հեռուստաալիքում աշխատել է որպես լրագրող և նորությունների հաղորդավար։

1990 թվականին անդամակցել Է Լեյբորիստական կուսակցությանը։ 1995-2000 թվականներին աշխատել է խորհրդարանում և կառավարությունում, ընտրություններում կուսակցության պարտությունից հետո սկսել է բիզնես գործունեություն[1]։

2007-2010 թվականներին եղել Է Լեյբորիստական կուսակցության նախագահ[1]։

2010 թվականի նոյեմբերի 12-ին նախկին փոխնախագահ Անգիդի Չեթյարի մահից հետո նշանակվել է փոխնախագահ։ Նա միաձայն հավանություն է տվել Ազգային ժողովի բոլոր անդամներին և այդպիսով դարձել է Մավրիկիոսի պատմության մեջ առաջին կին փոխնախագահը։

2012 թվականի մարտի 30-ին Մավրիկիոսի նախագահ Անիրուդ Ջագնոտը հրաժարական է տվել վարչապետի հետ վատ հարաբերություններ ունենալու պատճառով։ Մոնիկ Օսան Բելպոն նախագահի պարտականությունները սկսել է կատարել 2012 թվականի մարտի 31-ին։ 2012 թվականի ապրիլի 10-ին նա ներկա է գտնվել Մավրիկիոսում ՉԺՀ դեսպանատան կազմակերպած ընդունելությանը՝ երկրների միջև դիվանագիտական հարաբերությունների հաստատման 40-ամյակի կապակցությամբ[2]։ 2012 թվականի հուլիսի 21-ին նախագահի պաշտոնում ընտրվել է Ռաջկեսվուր Պուրիագը։ 2015 թվականին նրա հրաժարականից հետո Մոնիկ Օսան Բելպոն կրկին որոշ ժամանակ կատարել է նախագահի պարտականությունները։

Ամուսնացած է եղել գարեջրի գործարար Ջոզեֆ Բոլո Պոյի հետ, ով մահացել էր 2010 թվականի նոյեմբերի 16-ին, փոխնախագահի երդումից երեք օր անց։

2009 թվականին դարձել է Հնդկական Օվկիանոսի աստղի և բանալու շքանշանի Մեծ սպա[3]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Кусов Виталий։ «Моник Осан-Бельпо: президент Маврикия | Правители Африки: XXI век»։ Правители Африки: XXI век (ru-RU)։ Վերցված է 2018-10-06 
  2. «Посольство Китая в Маврикие устроило прием по случаю 40-й годовщины установления китайско-маврикийских дипломатических отношений_Russian.news.cn»։ Արխիվացված է օրիգինալից 2014-03-14-ին։ Վերցված է 2014-03-14 
  3. Mauritius: GL welcomes first woman vice president