Մոնակոյի օվկիանոսագիտական թանգարան

Մոնակոյի օվկիանոսագիտական թանգարան
Տեսակ	թանգարան և կազմակերպություն
Երկիր	Մոնակո
Տեղագրություն	Մոնակո
Հասցե	Avenue St-MartinAvenue Saint-Martin?
Հիմնադրվել է	1889
Այցելուներ	675 000 մարդ
Կայք	oceano.org

Մոնակոյի օվկիանոսագիտական թանգարան (ֆր.՝ Musée océanographique de Monaco), օվկիանոսագիտական թանգարան Մոնակոյում, որը միավորում է բուն թանգարանն ու Մոնակո քաղաքի օվկիանոսագիտական ինստիտուտը։ Թանգարանը հիմնադրվել է 1889 թվականին Մոնակոյի իշխան Ալբեր I-ի կողմից^[1], օվկիանոսագիտական ինստիտուտը` 1906 թվականին։ Վերջինս նպատակ ունի օվկիանոսագիտության վերաբերյալ տեղեկություններ տարածել^[2]։ 1957 թվականին թանգարանի տնօրենն էր Ժակ Իվ Կուստոն։ 2010 թվականին թանգարանը նշել է գիտնականի ծննդյան 100-ամյակը։

Հավաքածու[խմբագրել | խմբագրել կոդը]

Թանգարանում առկա է ծովային կենդանական աշխարհի բազմատեսակ հավաքածու` խրտվիլակների ու կմախքների տեսքով։ Թանգարանի հավաքածուն ներառում է նաև մեծ թվով տարբեր օբյեկտներ, որոնք կապ ունեն ծովին ու ծովային գործին, ինչպես նաև` նավերի, ծովային գործիքների, զենքերի մոդելներ։

Ակվարիումը տեղակայված է շենքի նկուղային հարկում և թույլ է տալիս այցելուներին ծանոթանալ ավելի քան 4000 տեսակի ձկների և ավելի քան 200 տեսակ անողնաշարավորների հետ։ Հիմնականում ցուցադրված են արևադարձային և Միջերկրական ծովի ծովային էկոհամակարգերը։